NUMERI 16:5 - BIVHILI KHETHWA Mafhungo Madifha

⁵ Ndi hone a tshi amba na Kora na tshigwada tshawe a ri, “Matshelo ḽi tshi tsha Muṋe washu u ḓo ri sumbedza ane a vha wawe, we a ḓinangela ene, ane a nga swika khae aḽiṱarini. We a nanga, u ḓo tenda a tshi sendela khae.

NUMERI 16:5 Iomraidhean Croise

DZIPHISALEMA 105:26

Ndi hone a tshi ruma Mushe muḓinḓa wawe, na Aroni we a mu nanga,

DZIPHISALEMA 115:10

Nnḓu ya Aroni, fulufhelani Muṋe washu, ndi Ene Mutiki waṋu na tshiṱangu tshaṋu.

DZIPHISALEMA 65:4

Wa mashudu ndi uyo ane wa mu nanga, wa mu sendedza tsini, a dzula pfamoni dzau. U ḓo fushwa nga zwivhuya zwa nḓuni yau, zwa thembele yau khethwa!

EKISODA 28:1

“Vhidzisa mukomana wau Aroni a bve kha Vhaisraele a ḓe ha iwe, a ḓe na vhana vhawe vha vhatuka, Nadaba na Abihu na Eliasara na Ithamara, vha vhe vhotshifhe vha ntshumele.

EKISODA 28:41

Izwo u zwi ambadze Aroni mukomana wau na vhana vhawe vha vhatuka. Zwenezwo u vha vhumbe vhotshifhe nga u vha ḓodza nga mapfura a muolivi u vha kumedze Nṋe vha ntshumele.

EKISODA 28:43

Aroni na vhana vhawe vha zwi ambare musi vha tshi dzhena denndeni ya u ṱangana na Nṋe na musi vha tshi sendela aḽiṱarini u yo ntshumela vhe Hukhethwa uri vha sa ḓo khakha vha fa. Iyo ndi ndayo ya lini na lini ya Aroni na vhaḓuhulu vhawe.

JEREMIA 30:21

Vha ḓo vha na murangaphanḓa a re muṅwe wavho; muvhusi wavho u ḓo bva khavho. Ndi ḓo mu ḓisa tsini a sendela tsini hanga, ngauri ndi nnyi ane a nga luma mbilu a ntsendela nga eṱhe?

JEREMIA 49:19

“Ndi ḓo pandela Vhaedomo shangoni ḽavho kathihi fhedzi, unga ndau i tshi bva maṱakani a Jorodani i tshi yo zwima shangoni ḽi re na pfulo i sa omi. Zwenezwo ndi ḓo vhea muvhusi we nda mu nanga. Ndi nnyi ane a nga Nṋe? Ane a nga pikisana na Nṋe ndi nnyi? Ndi ufhio mulisa ane a nga imedzana na Nṋe?”

JEREMIA 50:44

Ndi ḓo pandela Vhakhaladia shangoni ḽavho kathihi fhedzi, unga ndau i tshi bva maṱakani a Jorodani i tshi yo zwima pfuloni i sa omi. Zwenezwo ndi ḓo vhea muvhusi we nda mu nanga. Ndi nnyi ane a nga Nṋe? Ane a nga mpikisa ndi nnyi? Ndi ufhio mulisa ane a nga imedzana na Nṋe?”

ESEKIELE 40:46

nnḓu yo lavhelesaho devhula ndi ya vhotshifhe vhane vha shuma aḽiṱarini. Havho ndi vhana vha Tsadoko; ndi vhone vhana vha Livi vhe vhoṱhe vhane vha sendela tsini ha Muṋe washu vha mu shumela.”

ESEKIELE 43:19

Vhotshifhe vha Vhalivi, vha lutsinga lwa Tsadoko vhane vha sendela tsini hanga uri vha ntshumele – hu amba Nṋe Muṋe wa zwoṱhe Yahavee – no fanela u vha ṋea mbohwana i vhe tshiṱhavhelo tsha tshipfumelo.

ESEKIELE 45:4

Hafho ndi hone hune ha ḓo vha wone mukovhe mukhethwa wa shango; hu ḓo vha ha vhotshifhe vhane vha shuma thembeleni, vha sendela tsini ha Yahavee vha tshi mu shumela. Vha ḓo vha na nnḓu dzavho henefho na fhethu hukhethwa ho khethelwaho thembele.

LIVITIKO 10:3

Ndi hone Mushe a tshi vhudza Aroni a ri, “Hezwi ndi zwe Muṋe washu a vha a tshi khou amba zwone musi a tshi ri, “ ‘Vhane vha nṋekedza nduvho vha fanela u hulisa vhukhethwa hanga; ndi ḓo dzumbululela vhathu vhugala hanga.’ ” Hone Aroni a sokou fhumula.

LIVITIKO 8:2

“Dzhia Aroni na vhana vhawe u vha ise muṋangoni wa dennde ya u ṱangana na Nṋe, u ḓise zwiambaro zwa vhotshifhe na mapfura a u vha ḓodza na mbohwana ya nduvho ya tshipfumelo na thutha mbili na mufaro wa vhurotho vhu si na mbilisa.

MALAKIA 3:18

Ni ḓo dovha na vhona phambano vhukati ha vhavhuya na vhavhi, vhukati ha vha no shumela Mudzimu na vha sa mu shumeli.”

NUMERI 16:3

Vha kuvhanganela Mushe na Aroni vha vha vhudza vha ri, “Zwine na ita zwo no tou kalula! Vhathu havha vhoṱhe ndi vha Muṋe washu, a si inwi vhavhili fhedzi. Muṋe washu u na riṋe roṱhe. Zwino inwi Mushe ndi mini ni tshi ḓiita muhulwane wa vhathu vha Muṋe washu?”

NUMERI 16:6

Matshelo ḽi tshi tsha inwi Kora na tshigwada tshaṋu tshoṱhe ni dzhie zwidongo zwa mulilo, ni longe masimbe a mulilo na zwioro khazwo, ni zwi ise aḽiṱarini. Ndi hone ri tshi ḓo vhona uri we Muṋe washu a mu nanga kha riṋe ndi nnyi! Inwi Vhalivi ndi inwi no kalulaho!”

NUMERI 17:5

Mbaḓa ya munna we nda mu nanga i ḓo ṱuma lurere. Ndi ḓo pfuvhisa zwine Vhaisraele vha dzula vha tshi u gungulela nga u ralo.”

NUMERI 17:8

Nga matshelo Mushe a tshi dzhena denndeni ya mbulungelo ya mulanga, a vhona uri lubaḓa lwa Aroni, lwe lwa vha lwo imela tsinde ḽa Livi, lwo ṱuma lurere. Lwo vha lwo kulukusha, lwa fhufhumisa, lwa aṋwa maalimondo o vhibvaho!

JOHANISI 15:16

A si inwi vhe na nanga Nṋe; ndi Nṋe ndo nangaho inwi nda ni ta uri ni yo aṋwa mitshelo minzhi, mitshelo i sa kuvhi, Khotsi a ḓo konou ni fha tshiṅwe na tshiṅwe tshine na humbela nga dzina ḽanga.

MISHUMO 1:2

u swika ḓuvha ḽe a takulelwa ṱaḓulu. Hone a sa athu takulelwa ṱaḓulu o vhuya a amba na vhaapostola vhe a vha nanga, a vha laya e na maanḓa a Muya Mukhethwa a tshi vha vhudza zwine vha fanela u ita.

MISHUMO 1:24

Vha mbo rabela vha ri, “Muṋe washu, u ḓivha mbilu dza vhathu vhoṱhe. Asizwi-ha Muṋe washu, ri sumbedze uri kha avha vhavhili ndi ufhio we wa mu nanga

MISHUMO 13:2

Muṅwe musi vha tshi khou luvha Muṋe washu vho ḓidzima, Muya Mukhethwa a amba navho a ri, “Nkhetheleni Barnabasi na Saulo uri vha ite mushumo we nda dzula ndo vha vhidzela wone.”

MISHUMO 15:7

Musi vho no hanedzana tshifhinga tshilapfu, Pitrosi a takuwa a ri, “Vha hashu, ni tou zwi ḓivha zwavhuḓi uri zwi vho ita miṅwaha Mudzimu o nnanga vhukati haṋu uri ndi ḓivhadze mafhungo maḓifha kha vhannḓa hu u itela uri na vhone vha a pfe vha a tende.

MISHUMO 22:14

A dovha a ri, ‘Mudzimu wa vhomakhulukuku washu o ni nanga uri ni ḓivhe zwauri zwine a funa ndi zwifhio na uri ni vhone Muḓinḓa wawe muvhuya, ni mu pfe a tshi amba nga mulomo wawe.

VHAEFESA 2:13

Hone zwino inwi vhe na vha ni kule no no vha tsini nga u itwa vhathihi na Khristo nga lufu lwawe.

2 TIMOTI 2:19

Naho zwo ralo muteo wo khwaṱhaho wo tewaho nga Mudzimu u nga si dzinginyee. Khawo ho ṅwalwa ha pfi, “Muṋe washu vha re vhawe u a vha ḓivha,” ha dohwa ha pfi, “Ane a ri ndi wa Muṋe washu nga a furalele vhuvhi.”

VHAHEBERU 12:14

Tshaṋu nga hu vhe u dzudzana na vhathu vhoṱhe nga mulalo, ni luse u tshila vhutshilo vhukhethwa; ane a si ralo a nga si vhone Muṋe washu.

NZUMBULULO 1:6

a ri ita vhavhusanae muvhusoni wa Mudzimu, na vhotshifhe vha u shumela Mudzimu Khotsi awe. Vhugala ndi hawe, na maanḓa, lini na lini. Amen.

1 SAMUELE 2:28

Ndo nanga makhulukuku wau kha matsinde oṱhe a Israele uri a vhe tshifhe wanga, a gonye aḽiṱarini yanga a fhise zwioro, a ambare luvhemba lwa u pakata phanḓa hanga. Nda ita na u ṋea nnḓu ya makhulukuku wau mukovhe wa nduvho dzoṱhe dza mbeu dza Vhaisraele.