NUMERI 16:13 - BIVHILI KHETHWA Mafhungo Madifha

¹³ Zwe vha ri pfulusa shangoni ḽa Egipita ḽi elaho mikhaha na ṋotshi uri vha ri vhulahele fhano phangani a zwo ngo eḓana naa? Zwino vha vho ḓiita muvhusi washu kani?

NUMERI 16:13 Iomraidhean Croise

EKISODA 1:11

Zwenezwo vha vhea vhalangaphuli uri vha lange Vhaisraele vha vha kandeledze nga mishumo i lemelaho. Ndi zwe vha fhaṱela Farao miḓi ya maḓulu ya Phithomu na Ramisese.

EKISODA 1:22

Ndi hone Farao a tshi laya vhalanda vhawe vhoṱhe a ri, “Vhatukana vhoṱhe vhane vha bebiwa nga Vhaheberu ni vha pose mulamboni, hone vhasidzana ni vha litshe vha tshile.”

EKISODA 16:3

vha vha vhudza vha ri, “Ngavhe Muṋe washu o ri vhulaha zwashu shangoni ḽa Egipita. Henengei ro vha ri tshi kona u dzula fhasi ra ḽa ṋama, ra ḽa zwiḽiwa ra fura! Zwino vho ri hwala vha ri ḓisa fhano phangani uri roṱhe ri fe nga nḓala!”

EKISODA 17:3

Vhathu vha tshi pfa vho oma mikulo nga ḓora vha gungulela Mushe vha ri, “Ndi mini vho ri pfulusa Egipita? Vho vha vha tshi itela uri riṋe na vhana vhashu na zwifuwo zwashu ri fe nga ḓora?”

EKISODA 2:14

Uyo munna a fhindula a ri, “No vhewa nga nnyi uri ni vhe muvhusi na muhaṱuli washu? Kani ni ṱoḓa u mmbulaha-vho unga uḽa Muegipita?” Mushe a farwa nga nyofho. A elekanya a ri, “Vhukumakuma zwe nda ita zwi vho ḓivhiwa.”

EKISODA 2:23

Hó no fhela miṅwaha minzhi, khosi ya Egipita ya fa. Vhaisraele vho vha vha tshi khou ḓi gomela vhupulini, vha ṱavha mukosi uri Mudzimu a vha farise. Tshililo tshavho tsha swika ha Mudzimu.

ESEKIELE 34:18

Ni tshi fula pfuloni yavhuḓi ni pfa ni songo rudza mbilu naa? Zwino no vha no fanela u dovha na kandekanya pfulo ya dziṅwe naa? Ni tshi nwa maḓi avhuḓi no pfa ni songo rudza mbilu naa?

NUMERI 11:20

ni ḓo i ḽa ṅwedzi woṱhe, ya vhuya ya ni nukhela, na si tsha i funa. Hezwo zwi ḓo itea nge na landula Yahavee ane a dzula na inwi, na mu gungulela na ri ngavhe ri songo pfuluwa Egipita.’ ”

NUMERI 11:4

Ho vha hu na vhaṅwe vhatsinda vhane vha tshimbila na Vhaisraele. Vhenevho vha pfa vha tshi tamesa ṋama, na Vhaisraele vhone vhaṋe vha thoma u lila vha ri, “Arali ro vha ri tshi nga wana ṋama zwashu!

NUMERI 11:5

Ngei Egipita ro vha ri tshi ḽa khovhe dzoṱhe dzine ra funa, ri sa rengi. Ri kha ḓi elelwa maranga na mabvani na nyala ya maṱari na galikhi.

NUMERI 13:27

vha vhudza Mushe vha ri, “Ro tandula shango ra wana ḽi tshi tou ela mukhaha na ṋotshi, mitshelo yaḽo ngei.

NUMERI 14:2

Vhaisraele vha gungulela Mushe na Aroni vha ri, “Ngavhe ro fela zwashu Egipita kana hanefhano phangani!

NUMERI 14:3

Ndi mini Muṋe washu a tshi khou ri isa shangoni ḽiḽa uri ri yo ḽiwa nga pfumo? Vhasadzi vhashu na vhana vhashu vha ḓo thubiwa. A si khwiṋe ri tshi humela Egipita?”

NUMERI 16:12

Ndi hone Mushe a tshi vhidzisa Dathani na Abiramu vhana vha Eliaba, hone vhone vha ri, “Riṋe a ri nga ḓi!

LUKASI 19:14

Zwino vhathu vha shangoni ḽa hawe vho vha vha tshi mu vhenga; o no ṱuwa vha ruma vhaḓinḓa uri vha swike vha ri, ‘Hoyo munna a ri vhuyi ra funa a tshi ri vhusa.’

MISHUMO 7:35

“Onoyo Mushe ndi ene we vha mu landula vha ri, ‘Ndi nnyi o ni rumaho u vha murangaphanḓa na muhaṱuli washu?’ ngeno e ene we Mudzimu a vho ḓo mu ruma nga muruṅwa fhaḽa tshiṱakani uri a vhe ene murangaphanḓa na mulamuleli wavho.