NUMERI 15:4 - BIVHILI KHETHWA Mafhungo Madifha

^4-5 Muthu ane a ṋekedza Muṋe washu nngu kana mbudzi ya tshiṱhavhelo tshi fhiswaho, tshifuwo tshiṅwe na tshiṅwe tshi ḓe na khilogiramu ya vhukhopfu ho vangwaho ḽitha nthihi ya mapfura a muolivi zwi vhe nduvho ya thoro, khathihi na ḽitha ya waini.

NUMERI 15:4 Iomraidhean Croise

ESRA 7:17

“Tshelede iyo ni renge ngayo dzimboho na dzithutha na ngwana dza nduna, khathihi na nduvho dzadzo dza thoro na nduvho dza zwinwiwa, u zwi ṋekedze kha aḽiṱari ya thembele ya Mudzimu wau i re Jerusalema.

EKISODA 29:40

Ngwana ya u thoma u i ṋekedze na khilogiramu na hafu ya vhukhopfu vhusekene ha goroi ho vangwa na litha nthihi ya mapfura a muolivi a songo vangwaho. U tevhule litha nthihi ya waini i vhe nduvho.

YESAYA 66:20

Vha ḓo vhuya na mashaka aṋu a tshi bva tshakhani dzoṱhe, vho namela dzibere na dzigariki na dzigoloi na dzimeila na dzigamela, vha ḓa thavhani yanga khethwa Jerusalema; vhe vha vhuya navho vha ḓo vha nduvho i ṋekedzwaho Nṋe, zwa nga zwiḽa Vhaisraele vha tshi ḓisa nduvho dzavho dza thoro thembeleni yanga nga midzio yo kunaho.

ESEKIELE 46:14

Matsheloni maṅwe na maṅwe a engedze a ṋekedze nduvho ya thoro: khilogiramu tharu dza vhukhopfu ha goroi na litha nthihi ya mapfura, a vanganywe na vhukhopfu. Heyo ndi nduvho ya thoro i ṋekedzwaho Nṋe, hoyo ndi mulayo wa lini na lini, a u gumi.

LIVITIKO 1:13

A ṱanzwe miraḓo ya nga ngomu na milenzhe ya murahu nga maḓi, tshifhe a swikise itsho tshiṱhavhelo ha Yahavee a fhise tshiṱhavhelo itsho tshoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

LIVITIKO 14:10

Nga ḓuvha ḽa vhuṱanu na vhuraru a ḓise thuthana mbili na ngwana nthihi ya tsadzi ya ṅwaha muthihi i si na luvhadzi, na khilogiramu ṱhanu dza vhukhopfu dzo vangiwa mapfura a muolivi, na hafulitha ya mapfura a muolivi.

LIVITIKO 2:1

“Musi muthu a tshi ṋekedza Yahavee nduvho ya thoro, nga a thome a i kuye i vhe vhukhopfu. Nga a i vange mapfura a muolivi a ṋuṋedze zwioro,

LIVITIKO 2:15

Zwi vangeni na mapfura a muolivi ni ṋuṋedze zwioro. Ndi nduvho ya thoro.

LIVITIKO 23:13

Ni i ṋekedze na vhukhopfu ha khilogiramu tharu yo vangiwa mapfura a muolivi i vhe nduvho ya zwiḽiwa. Nduvho yeneyo i nukhelelaho i takadza Muṋe washu. Ni i ṋekedze na nduvho ya litha nthihi ya waini.

LIVITIKO 3:7

Arali munna a tshi ṋekedza nngu,

LIVITIKO 6:14

Ndayo dza nduvho ya thoro ngeino: Muṅwe wa vhotshifhe vhana vha Aroni o fanela u ṋekedza Muṋe washu nduvho ya thoro e phanḓa ha aḽiṱari.

MALAKIA 1:11

Vhukuma dzina ḽanga ndi ḽihulu vhukati ha dzitshakha, u bva vhubvaḓuvha u swika vhukovhela. Hoṱhe-hoṱhe ndi dubiselwa zwioro nda ṋekedzwa nduvho dzi si na tshika, ngauri dzina ḽanga ndi ḽihulu vhukati ha dzitshakha. Hu amba Nṋe Yahavee Mulangazwoṱhe.

NUMERI 28:12

Nduvho ya thoro hu ṋekedzwa vhukhopfu ho vangiwaho mapfura a muolivi: mboho iṅwe na iṅwe i ṋekedzwe na vhukhopfu ha khilogiramu tharu; thutha i ṋekedzwe na vhukhopfu ha khilogiramu mbili;

NUMERI 28:4

Thuthana ya u thoma i ṋekedzwe nga matsheloni, ya vhuvhili i ṋekedzwe nga madekwana,

NUMERI 29:6

Hezwo ni zwi ṋekedze zwi tshi ingiwa kha nduvho i fhiswaho ya misi yoṱhe yo teaho ya ḓuvha ḽa u ranga ḽa ṅwedzi na nduvho yaḽo ya thoro, na nduvho yo fhiswaho ya misi yoṱhe na nduvho yayo ya thoro na nduvho ya waini. Nduvho hedzo dza zwiḽiwa ndi nduvho dzi nukhelelaho dzi takadzaho Yahavee.

VHAROMA 15:16

Mudzimu o nnyita tshifhe wa u ḓivhadza vhannḓa mafhungo maḓifha a Khristo Yesu, uri vha nge nduvho ine nda ṋekedza i takalelwaho nga Mudzimu, yo itwa khethwa nga Muya Mukhethwa.

VHAHEBERU 13:16

ni sa litshi u tonda vhathu na u kovhekana navho zwine na vha nazwo; ndi dzone nduvho dzine Mudzimu a dzi takalela.

VHARANGAPHANḒA 9:9

Muolivi wa nyadza wa fhindula wa ri, ‘Kani-ha ndi litshe u ita mapfura anga ane vha hulisa ngao midzimu na vhathu, nda yo vhusa miri?’