NUMERI 14:9 - BIVHILI KHETHWA Mafhungo Madifha

⁹ Tshaṋu ni songo shandukela Muṋe washu nahone ni songo ofha vhathu vhane vha dzula khaḽo. Ri ḓo vha mila. Muṋe washu u na riṋe, yavho midzimu i nga si vha tsireledze; ni songo vha ofha.”

NUMERI 14:9 Iomraidhean Croise

GENESI 48:21

Ndi hone Israele a tshi vhudza Josefa a ri, “Zwino ndi tsini na u fa, hone Mudzimu u ḓo vha na inwi, u ḓo ni vhuedzedza shangoni ḽa vhokhotsi aṋu.

2 KORONIKA 13:12

Mudzimu u na riṋe, ndi Ene murangaphanḓa washu. Vhotshifhe vhawe vha ḓo lidza phalaphala dzavho dza nndwa ra lwa na inwi. Inwi vhanna vha Israele, ni songo lwa na Muṋe washu Mudzimu wa vhokhotsi aṋu, ni ḓo kundwa.”

2 KORONIKA 15:2

A takuwa a yo ṱanganedza khosi Asa, a mu vhudza a ri, “Kha vha nthetshelese, vhamusanda Vho-Asa na vhathu vha Juda na vha Benyamini! Muṋe washu u na inwi arali ni khae. Arali na mu ṱoḓa ni ḓo mu wana, hone arali na mu furalela, u ḓo ni furalela-vho.

2 KORONIKA 20:17

Nndwa iyo a ni nga ḓo i lwa. Imani vhuimoni haṋu, ni ime no khwaṱha, ni vhone Yahavee a tshi ni lamulela. Inwi vha Juda na Jerusalema ni songo ofha tshithu, ni songo kulea nungo. Matshelo ni bve ni yo livhana navho, Yahavee u ḓo vha na inwi.’ ”

2 KORONIKA 32:8

Ene u na maanḓa a vhathu, hone riṋe ri na Mudzimu Muṋe washu. Ene u ḓo ri farisa ra lwa nndwa dzashu.” Vhathu vha vha na fulufhelo nga u pfa zwe Hiskia khosi ya Juda a amba.

NEHEMIA 4:14

Nda vhona uri vhathu zwi a vha dina, nda vha vhudza na vharangaphanḓa vhavho na vhakoma nda ri, “Ni songo ofha maswina ashu. Elelwani uri Muṋe wa zwoṱhe ndi mungafhani, na uri u ofhisa hani, ni lwele vhanna vha haṋu na vhana vhaṋu na vhasadzi vhaṋu na mahaya aṋu.”

DZIPHISALEMA 106:24

Zwenezwo vha nyadza shango ḽiḽa ḽavhuḓi, vha si tende zwe a vha fulufhedzisa,

DZIPHISALEMA 121:5

Muṋe washu ndi Ene Mulindi wau; Muṋe washu ndi murunzi wau; u enda o u tika.

DZIPHISALEMA 14:4

Kani vhaitazwivhi a vha na ṱhalukanyo hezwi vha tshi ḽa vhathu vhanga unga vhuswa? Na Mudzimu a vha vhuyi vha mu rabela.

DZIPHISALEMA 46:11

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 46:7

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 46:8

Iḓani ni vhone mishumo ya Muṋe washu, edzonu vhona zwimangadzo zwe a ita fhano fhasi.

DZIPHISALEMA 74:14

Ndi Iwe we wa pwashekanya ṱhoho dza Liviathani, wa ḽi ṋea phukha dza phangani dza ḽa.

DZIPHISALEMA 91:1

Ane a khuda nga Waṱaḓuluṱaḓulu, u ḓo lala murunzini wa Ramaanḓaoṱhe.

EKISODA 14:13

Mushe a fhindula vhathu a ri, “Ni songo ofha tshithu! Imani no khwaṱha, ni ḓo vhona zwine Muṋe washu a ḓo ita uri a ni tshidze ṋamusi; Vhaegipita havha vhane na khou vha vhona ṋamusi, a ni tsha ḓo dovha na vha vhona.

EKISODA 33:16

Zwi ḓo vhonala hani uri u a ri takalela nṋe na vhathu vhau arali wa sa ṱuwa na riṋe? Arali wa vha na riṋe zwi ḓo sumbedza phambano yashu na tshakha dziṅwe dzi re fhano fhasi.”

YESAYA 1:2

Muṋe washu o amba a ri, “Ḽiṱaḓulu nga ḽi thetshelese, ḽifhasi nga ḽi pfe zwine nda amba! Ndo lela vhana, nda ri u vha alusa, vha ntshandukela.

YESAYA 32:2

Muṅwe na muṅwe wavho u ḓo nga tshipilamuya na vhudzumbamo musi wa mvula khulu; vha ḓo nga milambwana i elaho phangani, vha nga murunzi wa dombo ḽihulu shangoni ḽo bvaho.

YESAYA 41:10

Ni songo ofha, ndi na inwi; ndi Mudzimu waṋu, ni songo ḽa mbilu; ndi ḓo ni ṋea nungo nda ni farisa, ndi ḓo ni tika nga tshanḓa tshanga tsha maanḓa.

YESAYA 41:14

Muṋe washu u ri, “Iwe Jakopo, naho u tshi shaya nungo sa tshivhungu, inwi Vhaisraele, naho ni vhaṱuku, ni songo ofha tshithu, Nṋe muṋe ndi ḓo ni farisa; Mulamuleli waṋu ndi Mukhethwa wa Israele.

YESAYA 63:10

Naho zwo ralo vhone vha mu shandukela, vha ṱungufhadza Muya wawe Mukhethwa; ndi zwe a vho vha swina ḽavho a lwa navho.

JEREMIA 1:19

Vha ḓo lwa na iwe vha si u kunde, ngauri Nṋe ndi na iwe, ndi ḓo u lamulela. Ho amba Nṋe Yahavee.”

JEREMIA 42:11

Ni songo ofha khosi ya Babele ane zwino na mu ofha. Ni songo mu ofha, Nṋe ndi na inwi, ndi ḓo ni tshidza nda ni vhofholola zwanḓani zwawe. Ho amba Nṋe Yahavee.

JEREMIA 48:45

“Tshavhi dzi ima murunzini wa Hesheboni dzó kulea nungo. Hesheboni ho bva mulilo, tshivhindini tsha Sihoni ho bva khavhu ya mulilo; i fhisa mivhombo ya Muaba, i fhisa madethele a vhadziamazuwo.

DANIELE 9:5

Ro tshinya, ro khakha, ro ita zwo vhifhaho, ro u shandukela, ro furalela milayo yau na ndaela dzau.

DANIELE 9:9

“Iwe Mudzimu Muṋe washu u na tshilidzi, u a hangwela, nangwe ro u shandukela.

NUMERI 13:30

Khalebe a kwengweledza vhathu vhe vha vha vha tshi khou gungulela Mushe, a ri, “Nga ri mbo ḓi gonya zwino ri dzhie iḽo shango, vhukuma ri ḓo zwi kona.”

NUMERI 17:6

Ndi hone Mushe a tshi amba na Vhaisraele, muṅwe na muṅwe wa vharangaphanḓa vhavho a mu ṋea lubaḓa, lubaḓa luthihi lwó imela tsinde ḽithihi, dza ita fumi na mbili, lubaḓa lwa Aroni lwa vhewa nadzo.

NUMERI 20:2

Fhethu he vha ṱoka hone mishasha ho vha hu si na maḓi, zwenezwo vhathu vha kuvhanganela Mushe na Aroni

NUMERI 24:8

Mudzimu o vha pfulusa Egipita, vha na nungo dzi no nga dza ṋari. Vha mila tshakha dzi lwaho navho, vha vunḓekanya marambo avho, vha vha runga nga misevhe yavho.

MATIOSI 1:23

“Musidzana u ḓo vha muthu wa thovhela a beba ṅwana wa mutukana. Onoyo u ḓo pfi Imanuele,” ḽine ḽa amba uri “Mudzimu u na riṋe.”

VHAROMA 8:31

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

DOTORONOMIO 1:21

Asizwo-ha, Muṋe washu Mudzimu waṋu u khou ni ṋea shango, gonyani-ha ni ḽi dzhie ḽi vhe ḽaṋu, nga he Muṋe washu Mudzimu wa vhomakhulukuku waṋu a ni vhudza; ni songo ofha, ni songo timatima.’

DOTORONOMIO 1:26

“Hone inwi a no ngo tsha tenda u gonya na dzhena shangoni heḽo, no landula ipfi ḽa Muṋe washu Mudzimu waṋu,

DOTORONOMIO 1:29

“Nṋe nda ni fhindula nda ri, ‘Ni songo vha ofha, ni songo vha tetemela,

DOTORONOMIO 31:6

Imani ni khwaṱhe, ni songo vha ofha, ni songo vha tetemela, hufha Muṋe washu Mudzimu waṋu a tshi khou ya na inwi, ha nga ni laṱedzi, ha nga ni ṱutsheli.”

DOTORONOMIO 31:8

Muṋe washu Ene muṋe u ḓo ni ranga phanḓa; u ḓo ḓi tshimbila na inwi, ha nga ni laṱedzi, ha nga ni ṱutsheli, ni songo vhuya na ofha tshithu.”

DOTORONOMIO 32:42

Pfumo ḽanga ḽi ḓo ḽa ṋama, misevhe yanga ya tou kambiwa nga malofha, malofha a vho waho nndwani na vho thubiwaho, malofha a maswina anga a mavhudzi malapfu!’

DOTORONOMIO 7:18

Ni songo vha ofha, elelwani zwoṱhe zwe Muṋe washu Mudzimu waṋu a ita Farao na shango ḽoṱhe ḽa Egipita.

DOTORONOMIO 7:21

Ni songo vha ofha, hufha Muṋe washu Mudzimu waṋu e na inwi, hufha e Mudzimu muhulu a ofhisaho.

DOTORONOMIO 9:7

“Edzonu humbula uri ndi lungana ni tshi sinyusa Muṋe washu Mudzimu waṋu tshee na pfuluwa Egipita, na vhuya na swika henefhano; ni songo zwi hangwa: no ḓi vha vhathu vha u shandukela Muṋe washu!

VHAFILIPI 1:27

Zwino tshihulwane tshilani lwo fanelaho mafhungo maḓifha a Khristo. Ndi hone ni tshi ḓo ima no khwaṱha ni na muya muthihi na mbilu nthihi ni tshi farisana kha nndwa ya u lwela uri vhathu vha tende mafhungo maḓifha. Arali nda swika henefho nga tsha vhukoma kha ndi wane ni tshi kha ḓi zwi ita; nangwe nda kundwa u swika, kha ndi pfe zwenezwo.

JOSHUA 1:5

A hu na ane a ḓo kona u imedzana na iwe vhutshilo hau hoṱhe. Ndi ḓo vha na iwe unga ndo vha ndi na Mushe. Ndi ḓo dzula ndi na iwe, ndi nga si vhuye nda u ṱutshela.

JOSHUA 14:12

Zwino-ha, nga vha mphe shango heḽo ḽa muvhundu ḽe Muṋe washu a mpfulufhedzisa musi houḽa we nṋe na vhanna vhanga ra ḓisa vhuṱanzi. Ro vha vhudza zwenezwo ra ri lushaka lwa miswonḓa lune lwa pfi Vhaanaki vha henefho, nahone miḓi yo tangedzwa nga mitsheṱo. Khamusi Muṋe washu u ḓo vha na nṋe, nda vha thatha vha ṱuwa, nga he Muṋe washu a amba.”

VHARANGAPHANḒA 1:22

Matsinde a Efraimi na Manase vha yo dia muḓi wa Bethele, we misi iyo wa vha u tshi pfi Lusi. Muṋe washu a vha farisa. Vha ruma ṱholi afho muḓini,