NUMERI 14:8 - BIVHILI KHETHWA Mafhungo Madifha

⁸ Arali Muṋe washu a tshi ri takalela, u ḓo ri endedza ra dzhena shangoni ḽeneḽo, shango ḽi no ela mukhaha na ṋotshi.

NUMERI 14:8 Iomraidhean Croise

2 SAMUELE 22:20

Ene a nṋula vhukati havho. O ntshidza ngauri u a mpfuna.

1 MAHOSI 10:9

Nga hu rendwe Yahavee Mudzimu wavho we a vha takalela, a vha vhea kha khuluṋoni ya Israele. Yahavee o vha vhea khosi uri vha vhe na khaṱhulo mbuya, vha ite zwi re zwone nge a funa Israele nga lufuno lu sa gumi.”

2 MAHOSI 18:32

ndi vhuye ndi ḓe u ni dzhia nda ni isa shangoni ḽine ḽa nga ḽaṋu, shango ḽa goroi na waini, shango ḽa zwiḽiwa na masimu a minḓirivhe, shango ḽa miri ya miolivi na ṋotshi. Nangani u tshila, hu si u fa! Hiskia ni songo mu thetshelesa, ngauri u khou ni fhura hezwi a tshi ri Yahavee u ḓo ni lamulela.

DZIPHISALEMA 22:8

vha ri, “Mafhungo awe o a kumedza Yahavee, zwino nga' mu tshidze-ha, nga' mu lamukise-ha vhunga a tshi mu funa!”

EKISODA 3:8

Ndo tsa uri ndi vha lamulele zwanḓani zwa Vhaegipita, ndi vha pfuluse shangoni ḽeneḽo ndi vha ise shangoni ḽa manona ḽo aṱamaho, shango ḽi elaho mukhaha na ṋotshi, haya ha Vhakanana na Vhahithi na Vhaamori na Vhapherisi na Vhahivi na Vhajebusi.

YESAYA 62:4

A u tsha ḓo pfi “Muṱaliwa”; shango ḽau a ḽi tsha ḓo pfi “Muṱutshelwa”; u vho ḓo pfi “Dakalo ḽanga”, shango ḽau ḽa pfi “Muselwa”, nge wa dovha wa takalelwa nga Muṋe washu, shango ḽau ḽa vhingwa.

JEREMIA 32:41

Ndi ḓo takalela u vha tonda, ndi a fulufhedzea, ndi ḓo vha sima shangoni ḽino nga mbilu yanga yoṱhe, vha ṱoka midzi.”

TSEFANIA 3:17

Muṋe washu Mudzimu wau u na iwe, ndi muhali a u tshidzaho. U ḓo u takalela zwihulu, u ḓo u khuthadza nga lufuno lwawe, u ḓo u pembelela nga nyimbo,

NUMERI 13:27

vha vhudza Mushe vha ri, “Ro tandula shango ra wana ḽi tshi tou ela mukhaha na ṋotshi, mitshelo yaḽo ngei.

NUMERI 16:14

Nahone a vho ngo ri ḓisa shangoni ḽi elaho mukhaha na ṋotshi kana vha ri ṋea masimu a goroi na a minḓirivhe uri zwi vhe zwashu, zwino vha khou linga u ri fhura. Riṋe ri nga si ḓe!”

VHAROMA 8:31

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

DOTORONOMIO 10:15

Naho zwo ralo, Muṋe washu o takalela vhomakhulukuku waṋu fhedzi a vha sumbedza lufuno lwawe luhulu, a khetha na vhaḓuhulu vhavho a tshi vha nanga kha tshakha dzoṱhe, unga ni tshi khou zwi vhona na ṋamusi.

JOSHUA 14:12

Zwino-ha, nga vha mphe shango heḽo ḽa muvhundu ḽe Muṋe washu a mpfulufhedzisa musi houḽa we nṋe na vhanna vhanga ra ḓisa vhuṱanzi. Ro vha vhudza zwenezwo ra ri lushaka lwa miswonḓa lune lwa pfi Vhaanaki vha henefho, nahone miḓi yo tangedzwa nga mitsheṱo. Khamusi Muṋe washu u ḓo vha na nṋe, nda vha thatha vha ṱuwa, nga he Muṋe washu a amba.”