NUMERI 14:16 - BIVHILI KHETHWA Mafhungo Madifha

¹⁶ ‘Yahavee o kundwa u swikisa avha vhathu shangoni ḽe a vha fulufhedzisa, ndi zwe a sokou vha lozwa phangani!’

NUMERI 14:16 Iomraidhean Croise

EKISODA 32:12

Kani u ṱoḓa Vhaegipita vha tshi ri, ‘Koṱo, o vha itela vhukwila a tshi vha pfulusa; o itela uri a vha vhulahele dzithavhani, a vha lozwe tshoṱhe fhano shangoni’? Kanda mbiti dzau dzi ofhisaho. Vha humele, u songo ḓisela vhathu vhau khombo.

NUMERI 14:17

Zwino-ha Muṋe wa zwoṱhe, ri sumbedze maanḓa au nandi, u ite zwe wa ri fulufhedzisa musi u tshi ri,

DOTORONOMIO 9:28

Vhathu vha shango ḽe wa ri pfulusa khaḽo vha nga ḓo ri, ‘Yahavee o kundwa u isa lushaka holu shangoni ḽe a vha fulufhedzisa ḽone,’ kana vha ri, ‘A tshi vha pfulusa fhano ndi uri u tou vha vhenga, o itela uri a kone u vha vhulaha phangani!’

JOSHUA 7:7

Joshua a ri, “Yawee Muṋe wa zwoṱhe Muṋe washu! Wo vhuya wa ri wedzelani mulambo wa Jorodani, wa ri kumedza Vhaamori uri vha ri lozwe? Ndi mini ri songo ḓidzulela zwashu seli na luḽa lwa mulambo wa Jorodani?

JOSHUA 7:9

Vhakanana na vhoṱhe vha re fhano shangoni vha ḓo zwi pfa, vha ri tanga vha ri lozwa dzina ḽashu ḽa si tsha pfala shangoni. Zwino u ḓo ita mini uri dzina ḽau ḽi huliswe?”