NUMERI 12:8 - BIVHILI KHETHWA Mafhungo Madifha

⁸ Ene ndi amba nae zwi tshi tou pfala ro livhana zwifhaṱuwo, ndi sa ambi nga dzithai, na tshifhaṱuwo tshanga o no tshi vhona! Zwino ndi mini ni sa tati u sola muḓinḓa wanga Mushe?”

NUMERI 12:8 Iomraidhean Croise

GENESI 32:30

Jakopo a ri, “Ndo vhona Mudzimu ndo livhana nae, hone ndi si fe.” Ndi zwe a ri afho fhethu hu pfi Phenuele (Tshifhaṱuwo tsha Mudzimu).

DZIPHISALEMA 17:15

Hone nṋe ndi a fulufhedzea, ndi ḓo vhona tshifhaṱuwo tshau, ndi tshi vuwa ndi ḓo u vhona ro livhana zwifhaṱuwo nda pfa ndo fushea.

DZIPHISALEMA 49:4

Ndi ḓo kolongonya nḓevhe nda thetshelesa ndayo, nda dzumbulula tshiphiri ndi tshi lidza haripa.

EKISODA 19:19

Mubvumo wa phalaphala wa ḓi hula u tshi ya. Mushe a amba, Mudzimu a mu fhindula nga mubvumo.

EKISODA 20:4

“U songo ḓifulela mudzimu kana wa ita tshifanyiso na tshithihi tsha zwi re ngei ṱaḓulu kana fhano fhasi kana tshi re maḓini fhasi ha mavu,

EKISODA 33:11

Muṋe washu o vha a tshi amba na Mushe vho livhana zwifhaṱuwo, unga muthu a tshi amba na khonani yawe, Mushe a konou humela mishashani. Hone muṱhannga we a vha a tshi mu farisa, ene Joshua ṅwana wa Nunu, a ḓi sala denndeni.

EKISODA 33:19

Muṋe washu a fhindula a ri, “Ndi ḓo ita uri lupenyo lwanga lwoṱhe lu fhire phanḓa hau nda bula dzina ḽanga ḽa Yahavee u tshi zwi pfa. Ndi khathutshela ane nda funa, nda pfela vhuṱungu ane nda funa.

EKISODA 33:23

Ndi hone ndi tshi ḓo bvisa tshanḓa tshanga wa mmbona ndo u furalela, hone tshifhaṱuwo tshanga a tshi vhonwi.”

EKISODA 34:30

Aroni na vhathu vhoṱhe vha sedza Mushe vha vhona a tshi khou penya, vha ofha u sendela tsini hawe.

MIRERO 1:6

a konou ṱalukanya zwine vhaṱali vha amba: mirero yavho, na zwiga, na dzithai.

YESAYA 40:18

Zwino Mudzimu ni nga mu vhambedza na nnyi? Ni ḓo ri u fana na mini?

YESAYA 46:5

“Ni ḓo mpfanyisa na nnyi? Ni nnyeḓanyisa na nnyi? Ndi nnyi a no fana na Nṋe ane nda nga vhambedzwa nae?

ESEKIELE 17:2

“Iwe ṅwana wa muthu, vha thaidzele thai; vhathu vha Israele vha vhudze tshifanyiso,

ESEKIELE 20:49

Ndi hone nṋe ndi tshi fhindula nda ri, “Yawee, Muṋe wa zwoṱhe Muṋe washu! Vha tshi nnyamba vha ri, ‘Uyu munna u ṱolou ri thaidzela dzithai.’ ”

HOSIA 12:13

Muṋe washu o ruma muporofita u yo pfulusa Vhaisraele Egipa, a vha londola nga muporofita.

NUMERI 14:14

vha ḓo zwi vhudza vhathu vhane vha dzula shangoni heḽi. Vhathu havha vho no ḓi zwi pfa uri Iwe Muṋe washu u na riṋe, ri tou u vhona nga maṱo, gole ḽau ḽi alama nṱha hashu, u tshimbila phanḓa hashu u kha phuphu ya gole masiari, vhusiku u kha phuphu ya mulilo.

NUMERI 7:89

Musi Mushe a tshi dzhena denndeni ya u ṱangana na Mudzimu u amba na Muṋe washu, a pfa Muṋe washu a tshi khou amba nae e nṱha ha tshitibo tshi re nṱha ha mbulungelo ya mulanga, vhukati ha vhakherube vhavhili. Muṋe washu a amba nae nga u ralo.

MATIOSI 13:35

hu u itela uri hu khunyelele ḽa muporofita a tshi ri, “Ndi ḓo thoma u amba, nda amba nga zwifanyiso, nda bula zwe zwa vha zwo dzumbama tshee shango ḽa tikwa.”

LUKASI 10:16

A dovha a amba na vhafunziwa vhawe a ri, “Ane a thetshelesa inwi u thetshelesa Nṋe; hone ane a ni landula u landula Nṋe; huno uyo ane a landula Nṋe u landula o nthumaho.”

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 15:15

A thi tsha tou ri ni dziphuli ngauri phuli a i vhudzwi zwine muṋe wayo a ita. Nṋe-ha ndi vho tou ri ni dzikhonani, ngauri ndo ni vhudza zwoṱhe zwe nda pfa nga Khotsi anga.

JOHANISI 15:24

Vho vha vha tshi ḓo vha vha si na mulandu ngavhe ndi si ḓe khavho nda shuma mishumo i sa athu shuṅwa nga muṅwe muthu; zwino zwe nda shuma vho zwi vhona; naho zwo ralo, hu Nṋe, hu Khotsi anga, vha ḓi ri vhenga.

1 VHAKORINTA 13:12

Zwine ra vhona zwino a zwi vhonalesi; zwi nga murunzi kha tshivhoni. Ngavhuya ri ḓo vhona Mudzimu ro tou livhana zwifhaṱuwo. Zwine nda ḓivha zwino ndi kupiḓanyana; ngavhuya ndi ḓo zwi ḓivha tshoṱhe sa zwine Mudzimu a nnḓivha tshoṱhe.

2 VHAKORINTA 3:18

Riṋe roṱhe ro no khurumuwa zwifhaṱuwo, ri vho tou vhona vhugala ha Muṋe washu. Ri ḓi shandukiswa ri tshi ya uri ri fane na Khristo, lupenyo lwashu lwa ḓi engedzea lu tshi ya, izwo zwi tshi itwa nga Muṋe washu, Ene Muya.

DOTORONOMIO 18:15

“Muṋe washu Mudzimu waṋu u ḓo ni ṋea muporofita a no nga nṋe, Muisraele nga inwi; ni thetshelese ene.

DOTORONOMIO 34:10

A ho ngo tsha dovha ha vha na muporofita a no nga Mushe kha Vhaisraele; ene, Muṋe washu o amba nae vho livhana zwifhaṱuwo.

DOTORONOMIO 4:15

Ni songo khakha! Elelwani uri musi Muṋe washu a tshi amba na inwi e ngomu muliloni ngei Horebe a no ngo vhuya na vhona tshivhumbeo tshawe.

DOTORONOMIO 5:8

“ ‘U songo ḓiitela tshifanyiso na tshithihi tsha zwi re ngei ṱaḓulu kana fhano fhasi kana maḓini a re nga fhasi ha ḽifhasi,

VHAKOLOSA 1:15

Mudzimu Ene muṋe ha vhonwi nga maṱo. Murwa ndi lufayo lwo khunyelelaho lwa Mudzimu; Murwa ndi Ene Tanzhe, Tanzhe ḽi re nṱha ha tsiko yoṱhe.

1 VHATHESALONIKA 4:8

Zwino a no landula ndaela idzi ha landuli muthu, u landula Mudzimu, Ene ane a ni ṋea Muya Mukhethwa wawe.

1 TIMOTI 6:16

Ene e eṱhe a sa fi, a dzulaho tshedzani tshi sa swikelwi nga muthu; ha athu vhonwa nga maṱo a muthu nahone ha nga vhuyi a vhonwa nga maṱo. Ene nga a huliswe a vhuse lini na lini. Amen.

VHAHEBERU 1:1

Zwiḽa kale Mudzimu o amba na vhomakhulukuku washu lunzhi nga nḓila dzo fhambanaho nga vhaporofita,

VHAHEBERU 1:3

Hu vhonala lupenyo lwa Mudzimu khae; zwoṱhe zwine Mudzimu a vha zwone o tou zwi kokotolo. O tika tsiko yoṱhe nga ipfi ḽawe ḽa maanḓa. O ri u ṱanzwa vhathu vhutshinyi havho a yo dzula ngei ṱaḓulu thungo ya tshauḽa tsha Ramaanḓaoṱhe vha vhusa vhoṱhe,

2 PITROSI 2:10

zwihulwane vhane vha langwa nga nyemulo dzavho dzi nengisaho vha tshi nyadza vhuhulu ha Muṋe washu. Ndi vhadziakhani, ndi khundavhalai, vha sema vhahulwane vha sa tetemeli,

JUDASI 1:8

Na kha vhenevho vhanna zwo tou ralo na ṋamusi: miloro yavho i ita uri vha dzhenise mivhili yavho kha zwa dzitshika vha vho nyadza vhuhulu ha Mudzimu na u sema vhahulwane vha ngei ṱaḓulu.