NUMERI 12:5 - BIVHILI KHETHWA Mafhungo Madifha

⁵ Muṋe washu a tsela fhasi e kha phuphu ya gole, a ima muṋangoni wa dennde, a vhidzelela a ri, “Aroni! Miriamu!” Vhuvhili havho vha sendela vha ima phanḓa,

NUMERI 12:5 Iomraidhean Croise

DZIPHISALEMA 99:7

O amba navho e kha phuphu ya gole, vha tevhedza zwe a vha laya, na ndaela dze a vha ṋea.

EKISODA 19:9

Muṋe washu a vhudza Mushe a ri, “Ndi khou ḓa ha iwe ndo fuka gole ḽidenya uri vhathu vha zwi pfe ndi tshi amba na iwe, vha kone u dzula vha tshi u fulufhedza misi yoṱhe i ḓaho.” Mushe a swikisa phindulo ya vhathu ha Muṋe washu.

EKISODA 34:5

Muṋe washu a tsela fhasi e kha gole, a ima nae henefho, a bula dzina ḽawe ḽa Yahavee.

EKISODA 40:38

Ndi uri gole ḽa Muṋe washu ḽo vha ḽi tshi vhonala ḽi nṱha ha dennde masiari, vhusiku hu tshi penya mulilo ngomu ha gole, Vhaisraele vhoṱhe vha tshi zwi vhona hoṱhe he vha tshimbila.

NUMERI 11:25

Ndi hone Muṋe washu a tshi tsela fhasi e kha gole a amba nae. Vhahulwane avho a vha ṋea-vho Muya we a ṋea Mushe. Musi Muya a tshi ḓa khavho, vha nyanyuwa vha porofita, hone vha si tsha dovha.

NUMERI 12:4

Muṋe washu a mbo ḓi amba na Mushe na Aroni na Miriamu a ri, “Inwi vhuraru haṋu iḓani denndeni ya u ṱangana na Nṋe.” Vha ya,