NUMERI 11:4 - BIVHILI KHETHWA Mafhungo Madifha

⁴ Ho vha hu na vhaṅwe vhatsinda vhane vha tshimbila na Vhaisraele. Vhenevho vha pfa vha tshi tamesa ṋama, na Vhaisraele vhone vhaṋe vha thoma u lila vha ri, “Arali ro vha ri tshi nga wana ṋama zwashu!

NUMERI 11:4 Iomraidhean Croise

NEHEMIA 13:3

Musi Vhaisraele vha tshi pfa uyo mulayo u tshi vhaliwa, vha pandela vhatsinda vhoṱhe vhe vha vha vha tshi dzula navho.

DZIPHISALEMA 106:14

Ngei phangani vho lilela zwe vha zwi emula, vha linga Mudzimu sogani;

EKISODA 12:38

Na vhaṅwe vhathu vha si Vhaisraele vha baḓekana navho vhe vhanzhi, vha tshi khou khada masambi avho a nngu na mbudzi na kholomo dzi si na vhukono.

EKISODA 16:12

“Ndo pfa u gungula ha Vhaisraele. Vha vhudze u ri, ‘Nga madekwana ni ḓo ḽa ṋama, nga matsheloni ni ḓo ḽa zwiḽiwa na fura. Ndi hone ni tshi ḓo ḓivha uri ndi Mudzimu-ḓe, Nṋe Yahavee Mudzimu waṋu.’ ”

EKISODA 16:3

vha vha vhudza vha ri, “Ngavhe Muṋe washu o ri vhulaha zwashu shangoni ḽa Egipita. Henengei ro vha ri tshi kona u dzula fhasi ra ḽa ṋama, ra ḽa zwiḽiwa ra fura! Zwino vho ri hwala vha ri ḓisa fhano phangani uri roṱhe ri fe nga nḓala!”

JEREMIA 42:14

arali na ri, ‘Aiwa, ri ḓo pfulutshela Egipita, hune ra sa ḓo vhona nndwa kana ra pfa phalaphala ya nndwa kana ra pfa nḓala nga u shaya zwiḽiwa, ri yo dzula hone,’

NUMERI 11:18

Zwino vhudza vhathu u ri, ‘Ḓikumululeni ni ḓilugisele ḽa matshelo, ni ḓo vuwa ni tshi wana ṋama na ḽa. Yahavee o ni pfa ni tshi lila ni tshi ri ni tama ṋama na uri ngei Egipita zwo vha zwi khwiṋe. Zwino ndi ḓo ni ṋea ṋama na ḽa.

NUMERI 14:1

Vhusiku honoho vhoṱhe vha lala vha tshi ṱavha mukosi vha tshi lila.

NUMERI 14:22

ndi ri a hu na na muthihi wa vhathu avha ane a ḓo tshila a swika shangoni ḽeneḽiḽa. Vho vhona lupenyo lwanga lu kombodzaho na maḓembe e nda ita Egipita na fhano phangani, hone vha ḓi nṱunga vha dovha, vha hana u nthetshelesa vha dovha.

NUMERI 16:13

Zwe vha ri pfulusa shangoni ḽa Egipita ḽi elaho mikhaha na ṋotshi uri vha ri vhulahele fhano phangani a zwo ngo eḓana naa? Zwino vha vho ḓiita muvhusi washu kani?

VHAROMA 13:14

Ambarani Muṋe washu Yesu Khristo, ni songo londa zwa tsiko yaṋu mmbi ya kale na ita zwine ya emula zwone.

1 VHAKORINTA 10:6

Zwino hezwo zwoṱhe ndi zwine Mudzimu a ri sevha ngazwo uri ri songo vha edzisa ra emula zwo vhifhaho.

1 VHAKORINTA 15:33

Ni songo fhurwa: “Khonani mmbi dzi bvisa mvumbo.”

DOTORONOMIO 9:22

“A si afho fhedzi, na musi ri Thabera (Mudugumo) na Masa (Malingoni) na Kibrotho Hataava (Zwaloni-zwa-vha-miḽo) no vha ni tshi ḓi sinyusa Muṋe washu.