NUMERI 11:23 - BIVHILI KHETHWA Mafhungo Madifha

²³ Muṋe washu a fhindula a ri, “Tshanḓa tshanga ndi tshipfufhi kani? Zwino ndi hone u tshi ḓo vhona arali zwe nda amba zwi tshi ḓo itea kana zwi sa nga itei!”

NUMERI 11:23 Iomraidhean Croise

GENESI 18:14

Hu na maḓembe ane a nga kunda Yahavee naa? Ndi ḓo vhuya mwakani nga tshifhinga tsho tiwaho, nda wana Sara e na ṅwana wa mutukana.”

2 MAHOSI 4:43

Mushumi wawe a vhudzisa a ri, “Ndi nga zwi vhea hani phanḓa ha vhanna vha ḓana?” Hone Elisha a fhindula a ri, “Ṋeani vhathu vha ḽe. Muṋe washu u ri, ‘Vha ḓo ḽa vha fura vha ita na u sia.’ ”

2 MAHOSI 7:2

Gota ḽine ḽa vha muswikeli wa khosi ḽa fhindula muḓinḓa wa Mudzimu ḽa ri, “Hezwo zwi nga si itee, naho Yahavee o vula mafasiṱere lutomboni ya mbo ḓi na zwino!” Elisha a fhindula a ri, “Vha ḓo zwi vhona nga avho maṱo zwi tshi itea, hone izwo zwiḽiwa a vha nga zwi ḽi!”

DZIPHISALEMA 78:41

Vha linga Mudzimu vha dovha, vha levhela Mukhethwa wa Israele.

EKISODA 6:1

Ndi hone Muṋe washu a tshi vhudza Mushe a ri, “Zwino u ḓo vhona ndi tshi lifhedza Farao. Ndi ḓo mu kombetshedza u vha litsha vha ṱuwa. Vhukuma u ḓo kombetshedzea uri a vha pfuluse shangoni ḽawe.”

YESAYA 50:2

Khezwi ndi tshi ḓi ḓa ha inwi nda si wane muthu? Ndi tshi ḓi vhidzelela, ndi mini hu si na we a fhindula? Kani-ha tshanḓa tshanga ndi tshipfufhi, a tshi koni u ni vhofholola? A thi na nungo dza u ni tshidza naa? Ndi nadzo! Nda kaidza lwanzhe lu a xa, milambo ya oma ya nga phanga, khovhe dza fa nga ḓora dza sina nga u shaya maḓi.

YESAYA 59:1

Ni songo vhona unga tshanḓa tsha Muṋe washu ndi tshipfufhi, a tshi koni u ni tshidza, kana na vhona unga o dzinga nḓevhe, ha ni pfi!

JEREMIA 14:9

Khezwi u tshi tou nga munna o ḓaḓaho, u tshi nga muhali a si na maanḓa a u tshidza muthu? Iwe Muṋe washu u dzula na riṋe, ri vhidzwa nga dzina ḽau, u songo ri furalela!”

JEREMIA 32:17

Muṋe washu Muṋe wa zwoṱhe, wo vhumba ḽiṱaḓulu na ḽifhasi nga maanḓa au mahulu na nga tshanḓa tshau tshó angalala. A hu na tshine wa kundwa u tshi ita.

JEREMIA 32:27

“Ndi Nṋe Yahavee Mudzimu wa vhathu vhoṱhe. Hu na tshine tsha nkunda naa?

ESEKIELE 12:25

hu ḓo amba Nṋe Yahavee. Zwine nda amba ndo amba, zwi ḓo khunyelela hu si kale; zwine nda zwi bula zwi ḓo khunyelela ni tshi kha ḓi tshila, inwi vhathu vha mashandukwa’ – hu amba Nṋe Muṋe wa zwoṱhe Yahavee.”

ESEKIELE 24:14

Ho amba Nṋe Yahavee; zwine nda amba zwi ḓo itea; ndi ḓo zwi ita, a thi nga humeli murahu; a thi nga u khathutsheli, a thi nga u pfeli vhuṱungu. Ndi ḓo u haṱula ndi tshi tevhedza kutshilele kwau na zwiito zwau – hu amba Nṋe Muṋe wa zwoṱhe Yahavee.”

DANIELE 6:20

Musi a tshi swika tsini ha bako a vhidzelela Daniele nga ipfi ḽo ṱungufhalaho a ri, “Daniele, iwe muḓinḓa wa Mudzimu a tshilaho, Mudzimu wau ane wa mu shumela nga u fulufhedzea o kona u u ponyokisa mulomoni wa i ḽaho naa?”

MIKA 2:7

Vha muṱa wa Jakopo vha nga ambiwa navho nga u ralo naa? Muṋe washu u a fhela mbilu naa? A nga ita zwo raloho naa?” Nṋe ndi tshi fhindula ndi ri: Vha no tshimbila nga nḓila-tswititi a thi vha fulufhedzisi zwivhuya naa?

NUMERI 11:22

Arali vha ṱhavhelwa masambi a nngu na a kholomo vha nga ḽa vha fura naa? Arali vha fashelwa khovhe dzoṱhe dza lwanzheni vha nga ḽa vha fura?”

NUMERI 23:19

Mudzimu ha ngi muthu, ha zwifhi, a si muthu wa ṋama, ha shanduki. A amba tshithu, ha tshi iti kani? A fulufhedzisa tshithu, a nga kundwa u tshi khunyeledza naa?

MATIOSI 19:26

Yesu a vha lavhelesa a fhindula a ri, “Hezwo vhathu a vha zwi koni, hone Mudzimu u kona zwoṱhe.”

MATIOSI 24:35

“Ḽiṱaḓulu na ḽifhasi zwi ḓo lovha, maipfi anga one ha nga weli fhasi.

LUKASI 1:37

ngauri a hu na tshithu tshine Mudzimu a sa tshi kone.”