NUMERI 11:18 - BIVHILI KHETHWA Mafhungo Madifha

¹⁸ Zwino vhudza vhathu u ri, ‘Ḓikumululeni ni ḓilugisele ḽa matshelo, ni ḓo vuwa ni tshi wana ṋama na ḽa. Yahavee o ni pfa ni tshi lila ni tshi ri ni tama ṋama na uri ngei Egipita zwo vha zwi khwiṋe. Zwino ndi ḓo ni ṋea ṋama na ḽa.

NUMERI 11:18 Iomraidhean Croise

GENESI 35:2

Ndi hone Jakopo a tshi amba na muṱa wawe na vhoṱhe vhe vha vha vhe nae, a ri, “Laṱani midzimu isili ine na vha nayo, ni ḓikumulule, ni ambare zwiṅwe zwiambaro.

JOBO 20:13

a muṋedza nga zwiṱuku, a si tende vhu tshi ṱavhanya u fhelela.

JOBO 20:23

Litshani a ḽe a fure – Mudzimu u ḓo sinyuwa a mu laṱisa, a tou mu nisela mavili.

DZIPHISALEMA 78:20

Ndi ngoho, o ri u rwa tombo maḓi a gubunyea, milambwana ya ela. Hone na zwiḽiwa a nga kona u ri ṋea naa? Avha vhathu a nga kona u vha ṋea ṋama?”

EKISODA 16:8

Mushe a ri, “Nga madekwana Muṋe washu u ḓo ni fha ṋama na ḽa, nga matsheloni u ḓo ni fha zwiḽiwa na ḽa na fura, ngauri Muṋe washu o zwi pfa ni tshi mu gungulela. A ni gunguleli riṋe, hufha riṋe ri si tshithu, ni khou gungulela Muṋe washu.”

EKISODA 19:10

Muṋe washu a vhudza Mushe a ri, “Iya kha vhathu u vha vhudze uri vha ḓikumulule, vha vhe vha tshi ḓilugisa ṋamusi na matshelo. Vha vhudze vha kuvhe zwiambaro zwavho,

EKISODA 19:15

Zwenezwo Mushe a vhudza vhathu a ri, “Ḓilugiseleni ḓuvha ḽa vhuraru, ni songo dzhenisana nḓuni.”

EKISODA 19:22

Vhotshifhe, vhanna vhane vha swika tsini hanga, na vhenevho vho fanela u ḓikumulula, ndi sa ḓo vha vhulaha.”

NUMERI 11:1

Vhathu vha thoma u gungulela Muṋe washu nga zwine zwa vha dina. Muṋe washu a zwi pfa, a sinyuwa a posa mulilo vhukati havho, wa duga vhukati havho wa fhisa sia ḽiṅwe ḽa mishasha.

NUMERI 11:19

A ni nga i ḽi ḓuvha ḽithihi kana mavhili kana maṱanu kana fumi kana mahumi mavhili fhedzi,

MISHUMO 7:39

“Vhomakhulukuku washu vhone vho lamba zwine a vha vhudza vha mu sendedza kule, mbilu dzavho dzó no rembulutshela Egipita.

JOSHUA 7:13

Takuwa! Kumulula vhathu, u ite uri vha kone u ḓa phanḓa hanga. Vha vhudze vha ḓilugise matshelo, ngauri nga Yahavee Mudzimu wa Israele ndi ri: Inwi Vhaisraele, kha thundu dzaṋu ni na zwiṅwe zwithu zwe nda ri ni zwi lozwe! Ni nga si kone u imedzana na maswina aṋu ni sa athu laṱa zwithu hezwo!

VHARANGAPHANḒA 21:2

Zwino ndi hone Vhaisraele vha tshi ya Bethele, vha dzula henefho phanḓa ha Mudzimu ḽa vhuya ḽa kovhela. Vha ṱavha mukosi, vha lila lu ṱungufhadzaho, vha tshi ri,