NUMERI 11:16 - BIVHILI KHETHWA Mafhungo Madifha

¹⁶ Muṋe washu a amba na Mushe a ri, “Nnḓisele vhahulwane vha Israele vha 70 vhane wa ḓivha vhe vharangaphanḓa na magota a vhathu, u vha ḓise kha Nṋe denndeni ya u ṱangana na Nṋe, uri vha ime henefho na iwe.

NUMERI 11:16 Iomraidhean Croise

GENESI 46:27

Vhana vha vhatuka vhe Josefa a vha bebelwa Egipita vho vha vhe vhavhili. Vha muṱa wa Jakopo vho pfulutshelaho Egipita vho vha vhe 70.

EKISODA 18:25

a nanga vhanna vha konaho kha Vhaisraele a vha vhea uri vha lange vhathu; vharangaphanḓa vha tshigidi, vha ḓana, vha mahumi maṱanu, na vha fumi.

EKISODA 24:1

Muṋe washu a vhudza Mushe a ri, “Iya u dzhie Aroni na Nadaba na Abihu, na vhahulwane vha 70 vha Israele, ni gonye ngeno ha Nṋe, ni gwadame ni luvhe ni tshee kule.

EKISODA 24:9

Mushe a gonya na Aroni na Nadaba na Abihu na vhahulwane vha Israele vha 70.

EKISODA 4:29

Ndi hone Mushe na Aroni vha tshi ṱuwa vha yo kuvhanganya vhahulwane vhoṱhe vha Vhaisraele.

JEREMIA 19:1

Muṋe washu a mmbudza a ri, “Iyo renga mvuvhelo yo vhumbwaho nga vumba, u i renge kha muvhumbi wa dzikhali. Ṱuwa na vhaṅwe vha vhahulwane vha vhathu na vha vhotshifhe,

ESEKIELE 8:11

Phanḓa ha iyo midzimu ya zwifanyiso ho vha ho ima vhaṅwe vhahulwane vha 70 vha Vhaisraele, muṅwe na muṅwe o fara mudzio wa zwioro zwi dubiswaho, mutsi u nukhelelaho na zwioro u tshi khou duba. Na Jaasania ṅwana wa Shafani o vha e navho.

NUMERI 11:24

Ndi hone Mushe a tshi bvela nnḓa a vhudza vhathu zwe Muṋe washu a amba. A kuvhanganya vhahulwane vhavho vha 70, a vha imisa u mona na dennde ya u ṱangana na Mudzimu.

NUMERI 16:25

Ndi hone Mushe a tshi takuwa a livha ha Dathani na Abiramu, vharangaphanḓa vha Israele vha mu fhelekedza.

LUKASI 10:1

Ndi hone Muṋe washu a tshi ta vhaṅwe vha 72, a vha ruma nga vhavhili-vhavhili uri vha mu range phanḓa, vha ye miḓini yoṱhe na hoṱhe he a vha a tshi khou ṱoḓa u ya hone.

LUKASI 10:17

Vhaḽa vha 72 vha vhuya vho tou takala, vha ri, “Muṋe washu, thuṅwa dza Saṱhane na dzone dzi a ri pfa musi ri tshi dzi kaidza nga dzina ḽavho.”

DOTORONOMIO 1:15

Nṋe nda mbo ṱanganedza vhahulwane vha matsinde aṋu, vhanna vha vhuṱali na nḓivho, nda vha ita magota a no langa vhathu vha tshigidi na a no langa vha ḓana na a no langa 50 na a no langa vha fumi uri vha vhe magota a matsinde aṋu.

DOTORONOMIO 16:18

“Miḓini yaṋu yoṱhe ine Muṋe washu Mudzimu waṋu a ni ṋea, ni vhee vhahaṱuli na vhakoma. Vhenevho vha fanela u sengulusa mafhungo a vhathu vha haṱula vha tshi tevhedza mulayo.

DOTORONOMIO 31:28

Ndi zwone, rambani vhahulwane vhoṱhe vha matsinde aṋu na vharangaphanḓa vhaṋu ndi kone u vha vhudza mafhungo aya ndi vha vhudze uri ḽiṱaḓulu na ḽifhasi ndi ṱhanzi dzanga,