NUMERI 11:12 - BIVHILI KHETHWA Mafhungo Madifha

¹² Kani-ha ndi nṋe we nda vhifha muvhilini nga havha vhathu? Ndi nṋe ndo vha bebaho naa? Ndi mini u tshi ri ndi vha takule, unga muongi a tshi takula lutshetshe, ndi vha ise shangoni ḽe wa fulufhedzisa vhomakhulukuku wavho nga muano?

NUMERI 11:12 Iomraidhean Croise

GENESI 13:15

Shango ḽoṱhe ḽine wa ḽi vhona ndi ḓo ḽi ṋea iwe na vhana vhau, ḽa vha ḽaṋu lini na lini.

GENESI 24:7

Muṋe washu Mudzimu wa ṱaḓulu o mpfulusa muṱani wa khotsi anga, shangoni ḽe nda bebwa khaḽo, a amba na nṋe a mpfulufhedzisa nga muano a ri, ‘Vhana vhau ndi ḓo vha ṋea shango iḽi’; Ene u ḓo ruma muruṅwa wawe a u ranga phanḓa uri u kone u ṱoḓela ṅwananga musadzi a tshi bva henengei.

GENESI 26:3

Dzula hafhano shangoni heḽi tshifhinganyana, Nṋe ndi ḓo vha na iwe nda u shudufhadza. Mashango haya oṱhe ndi ḓo a ṋea iwe na vhaḓuhulu vhau, nda khwaṱhisa muano we nda anela khotsi au Abrahamu.

GENESI 50:24

Josefa a vhudza vhakomana vhawe a ri, “Ndi ḓo ṱuwa ndi tshi fa. Hone vhukuma Mudzimu u ḓo ni elelwa a ni itela vhuthu, a ni bvisa shangoni heḽino, a ni isa shangoni ḽe a fulufhedzisa Abrahamu na Isaka na Jakopo nga muano.”

2 MAHOSI 10:1

Zwino muḓini wa Samaria ho vha hu na vhana vha vhatuka vha 70 vha nnḓu ya Ahaba. Jehu a ṅwala maṅwalo a a rumela Samaria, a ya kha magota a Jesriele na kha vhahulwane na kha vhaṱunḓeli vha vhana vha Ahaba, a ri,

2 MAHOSI 10:5

Ndi hone gota ḽine ḽa langa pfamo na muvhusi wa muḓi na vhahulwane na vhaṱunḓeli vha tshi swikisa mafhungo ha Jehu vha ri, “Riṋe ri vhalanda vhavho, ri ḓo ita zwoṱhe zwine vhone vha amba. A ri nga vhuyi ra vhea muṅwe muthu a vha khosi, vhone nga vha ite zwine vha vhona zwo fanela.”

EKISODA 13:11

“Musi Muṋe washu a tshi ni isa shangoni ḽa Vhakanana, a ni ṋea ḽone ḽa vha ḽaṋu, sa zwe a anela inwi na vhokhotsi aṋu a ri u ḓo zwi ita,

EKISODA 13:5

Huno-ha, ni ite vhuṱambo honoho nga ṅwedzi wonoyo une Muṋe washu a ni isa shangoni ḽa Vhakanana na Vhahithi na Vhaamori na Vhahivi na Vhajebusi, shango ḽe a anela vhokhotsi aṋu a ri u ḓo ni ṋea ḽone, shango ḽi no ela mukhaha na ṋotshi.

EKISODA 33:1

Muṋe washu a vhudza Mushe a ri, “Ṱuwani hafha fhethu, iwe na vhathu vhe wa vha pfulusa Egipita, ni ye shangoni ḽe nda fulufhedzisa uri ndi ḓo ḽi ṋea Abrahamu na Isaka na Jakopo na vhaḓuhulu vhavho.

EKISODA 6:8

Zwenezwo ndi ḓo ni isa shangoni ḽe nda ana nda ri ndi ḓo ḽi ṋea Abrahamu na Isaka na Jakopo, nda ḽi ṋea inwi ḽa vha ḽaṋu. Nṋe Yahavee ndi ḓo zwi ita hezwi!’ ”

YESAYA 40:11

U khou vha londola unga mulisa a tshi lisa sambi ḽawe: u takula ngwana nga zwanḓa, a dzi kuvhatedza khanani yawe, vhomme adzo a vha endedza zwavhuḓi.”

YESAYA 49:15

Ene a fhindula a ri, “Nṋa musadzi a nga hangwa lushie lwawe, a si fune ṅwana we a tou mu beba? Nangwe mme a hangwa ṅwana wawe, Nṋe ndi nga si ni hangwe.

YESAYA 49:23

Mahosi a ḓo u lelela vhana, vhafumakadzi vhavho vha u mamisela vhushie; vha ḓo u gwadamela, zwifhaṱuwo zwavho zwa kwama mavu, vha ṋanzwa buse ḽi re kha ṋayo dzau. Ndi hone u tshi ḓo ḓivha uri ndi Nṋe Yahavee; vha no mpfulufhela a vha nga shoni.”

ESEKIELE 34:23

“Ndi ḓo vhea mulisa muthihi, ene mulanda wanga Dafita, nda mu vhea uri a dzi lise, u ḓo dzi fulisa a vha mulisa wadzo.

JOHANISI 10:11

“Ndi Nṋe mulisa wa ndele. Mulisa wa ndele u kumedza vhutshilo hawe a tshi itela nngu dzawe.

1 VHAKORINTA 4:15

Naho ni tshi nga vha na vhalai vha zwigidigidi kha zwa Khristo, a si uri vhokhotsi aṋu ndi vhanzhi; nṋe ndo vha khotsi aṋu kha Khristo nga u ni ḓisela mafhungo maḓifha.

VHAGALATA 4:19

Vhananga, nṋe ndi pfa vhuṱungu sa mme ane a khou ni beba, nahone vhuṱungu uho vhu nga si fhele Khristo a sa athu vhonala vhutshiloni haṋu.

DOTORONOMIO 1:31

hufha na phangani no vhona uri Muṋe washu Mudzimu waṋu o ni tsireledza hani, ó ni takula unga munna a tshi takula ṅwana wawe, a ni endedza nḓilani yoṱhe na vhuya na swika fhano.’

1 VHATHESALONIKA 2:7

Zwino ḓivhani uri sa vhaapostola vha Khristo ro vha ri na pfanelo ya u huliswa; naho zwo ralo a ro ngo zwi ṱoḓa, ro tou ni itela vhuthu sa mme a tshi lela vhana vhawe vhe a vha beba.