NUMERI 11:1 - BIVHILI KHETHWA Mafhungo Madifha

¹ Vhathu vha thoma u gungulela Muṋe washu nga zwine zwa vha dina. Muṋe washu a zwi pfa, a sinyuwa a posa mulilo vhukati havho, wa duga vhukati havho wa fhisa sia ḽiṅwe ḽa mishasha.

NUMERI 11:1 Iomraidhean Croise

GENESI 38:10

Muṋe washu o vhona zwe a ita zwo vhifha; ndi zwe na ene a mu vhulaha.

2 SAMUELE 11:27

Ngavhuya tshifhinga tsha u lila tsho no fhela, Dafita a ita uri a ḓiswe pfamoni yawe, a vha mufumakadzi wawe, a mu bebela ṅwana wa mutuka. Huno zwe Dafita a ita zwa si takadze Muṋe washu.

2 MAHOSI 1:12

Elia a fhindula a ri, “Arali ndi muḓinḓa wa Mudzimu, ngavhe mulilo u tshi tsa u tshi bva ṱaḓulu wa u fhisa na vhanna vha 50 vhane wa vha navho!” Ha mbo ḓi wa mulilo u tshi bva ṱaḓulu ha Mudzimu wa fhisa iḽo gota na vhanna vha 50 vhane ḽa vha navho vhe lore.

JOBO 1:16

A sa athu fhedza u amba ha ḓa muṅwe mushumi a ri, “Nḓadzi yo rwa ya vhulaha nngu dzoṱhe na vhalisa vhoṱhe! Ndi nṋe ndi ndoṱhe we nda ponyoka uri ndi ḓe ndi vha vhudze.”

DZIPHISALEMA 106:18

mulilo wa fhisa tshigwada tshavho tshoṱhe, vhavhi vhe lore nga khavhu.

DZIPHISALEMA 78:21

Muṋe washu a tshi pfa vha tshi ralo a sinyuwa; a fhisa Jakopo nga mulilo, a sinyutshela Israele,

DZIPHISALEMA 78:63

Mulilo wa lozwa vhaṱhannga vhavho, vhasidzana vhavho vha si tsha imba dza mbingano;

EKISODA 16:7

Nga matsheloni ni ḓo vhona vhugala ha Muṋe washu, ngauri o zwi pfa ni tshi mu gungulela. A ni gunguleli riṋe, hufha riṋe ri si tshithu!”

EKISODA 16:9

Mushe a vhudza Aroni a ri, “Nga vha vhudze Vhaisraele vhoṱhe vha ri, ‘Sendelani tsini ha Muṋe washu; o ni pfa ni tshi gungula.’ ”

YESAYA 10:17

Mudzimu, Ene tshedza tsha Israele, u ḓo shanduka mulilo, Mukhethwa wa Israele u ḓo shanduka khavhu ya mulilo, ya fhisa mutshutshungu na luanakha nga ḓuvha ḽithihi.

YESAYA 30:33

Tsha kale na kale ho vha ho no ḓi lugiswa fhethu hune khosi ya Ashuru ya ḓo fhiswa nga mulilo muhulu; ho tsisa ha dovha ha aṱama, ha khokhwa khuni dza ita muṱumba; Muṋe washu u ḓo ri u fema ha ela tsevhela i fhisaho ya hu funga.

YESAYA 33:14

Vhatshinyi vha Tsioni vha a tshenuwa, vha no nyadza Mudzimu vho farwa nga nyofho, vha ri, “Ndi nnyi washu ane a nga konḓelela mulilo u fhisaho? Khavhu i sa dzimi i nga konḓelelwa nga nnyi?”

ZWILILO 3:39

Muthu a nga gungulelani? Hufha a tshi kha ḓi tshila naho e mutshinyi!

ESEKIELE 20:36

Ndi ḓo ni sengisa unga zwiḽa ndi tshi sengisa vhokhotsi aṋu ngei phangani ya Egipita, hu amba Nṋe Muṋe wa zwoṱhe Yahavee.

LIVITIKO 10:2

Muṋe washu a mbo ḓisa mulilo, wa vha fhisa vha fa henefho maṱoni a Muṋe washu.

NAHUMI 1:5

A tshi swika thavha dzi a dzinginyea, mivhundu ya ṋoka. Ḽifhasi ḽi tshi mu vhona ḽi vha soga, zwoṱhe zwi dzulaho khaḽo zwa lila.

HABAKUKU 3:5

U rangwa phanḓa nga dwadze, a tevhelwa nga lufu.

NUMERI 10:33

Musi vhathu vha tshi ṱuwa Sinai, thavhani khethwa, vha fhedza maḓuvha mararu vha tshi khou tshimbila. Mbulungelo ya mulanga ya Muṋe washu yo ḓi vha ranga phanḓa uri i vha wanele hune vha nga ṱoka mishasha.

NUMERI 11:18

Zwino vhudza vhathu u ri, ‘Ḓikumululeni ni ḓilugisele ḽa matshelo, ni ḓo vuwa ni tshi wana ṋama na ḽa. Yahavee o ni pfa ni tshi lila ni tshi ri ni tama ṋama na uri ngei Egipita zwo vha zwi khwiṋe. Zwino ndi ḓo ni ṋea ṋama na ḽa.

NUMERI 12:2

vha ri, “Muṋe washu o amba nga mulomo wa Mushe fhedzi naa? Riṋe ho ngo amba nga milomo yashu naa?” Muṋe washu a pfa zwe vha amba.

NUMERI 14:2

Vhaisraele vha gungulela Mushe na Aroni vha ri, “Ngavhe ro fela zwashu Egipita kana hanefhano phangani!

NUMERI 14:22

ndi ri a hu na na muthihi wa vhathu avha ane a ḓo tshila a swika shangoni ḽeneḽiḽa. Vho vhona lupenyo lwanga lu kombodzaho na maḓembe e nda ita Egipita na fhano phangani, hone vha ḓi nṱunga vha dovha, vha hana u nthetshelesa vha dovha.

NUMERI 14:27

“Avha vhathu vhavhi vha ḓo nngungulela u swika lini? Ndo zwi pfa Vhaisraele havha vha tshi gungula!

NUMERI 14:28

Zwino vha vhudze u ri, ‘Vhukumakuma ndi ana nga vhutshilo hanga, ndi ḓo ni ita zwenezwo zwe na humbela. Ho amba Nṋe Yahavee.

NUMERI 16:11

Ni tshi gungulela Aroni zwawe zwi na mini-vho? Aroni ndi ene nnyi-vho? Hone inwi na tshigwada tshaṋu tshoṱhe no tou ita vhukwila ha u shandukela Muṋe washu.”

NUMERI 16:35

Ha ḓa mulilo u tshi bva ha Muṋe washu wa fhisa vhaḽa vhanna vha 250 vhe vha vha vha tshi khou ṋekedza zwioro.

NUMERI 17:5

Mbaḓa ya munna we nda mu nanga i ḓo ṱuma lurere. Ndi ḓo pfuvhisa zwine Vhaisraele vha dzula vha tshi u gungulela nga u ralo.”

NUMERI 21:5

vha amba mavhi nga Mudzimu na Mushe, vha gungula vha ri, “Ndi mini no ri pfulusa Egipita uri ri fele fhano phangani? A hu na zwiḽiwa! A hu na maḓi! Zwiḽiwa hezwi zwi sa furisi ri nga si tsha zwi konḓelela!”

1 VHAKORINTA 10:10

Ri songo vha edzisa ra gungula sa zwe vha ita vha vhulawa nga muruṅwa wa bulayo.

DOTORONOMIO 25:18

zwiḽa vha tshi ni ḓa nga murahu vha ni dia musi no neta nga lwendo ni si tshee na nungo, vha vhulaha vhoṱhe vho salaho murahu, vha si vhuye vha ofha Mudzimu.

DOTORONOMIO 32:22

Mbiti dzanga dzo funga mulilo; u ḓo duga wa swika na ngei fhasi vhafuni, wa fhisa shango na mitshelo yaḽo, wa duga wa swika na kha miteo ya dzithavha.

DOTORONOMIO 9:22

“A si afho fhedzi, na musi ri Thabera (Mudugumo) na Masa (Malingoni) na Kibrotho Hataava (Zwaloni-zwa-vha-miḽo) no vha ni tshi ḓi sinyusa Muṋe washu.

VHAHEBERU 12:29

Ḓivhani uri Mudzimu washu ndi mulilo u lozwaho.

JAKOPO 5:4

Malamba e na dzima vhakaṋi vha masimu aṋu a khou ni ṱavhela mukosi; mukosi wa vhakaṋi wo no tou swika na nḓevheni dza Muṋe washu Mulangazwoṱhe.

JUDASI 1:16

Ndi vhadzia-u-gungula na u vhilaela. Vha langwa nga nyemulo dzavho fhedzi; vha dzulela u zuwa, na u hoya vhathu uri vha pfume ngazwo.