NUMERI 10:10 - BIVHILI KHETHWA Mafhungo Madifha

¹⁰ Na misi ya madakalo – nga vhuṱambo ha Ṅwedzi Muswa na vhuṅwe-vho vhuṱambo haṋu no fanela u lidza idzo phalaphala musi ni tshi ṋekedza nduvho dzaṋu dzi fhiswaho na dza u konana na Nṋe. Nṋe Mudzimu waṋu ndi ḓo ni humbula ngazwo. Ndi Nṋe Yahavee Mudzimu waṋu.”

NUMERI 10:10 Iomraidhean Croise

2 MAHOSI 4:23

Munna wawe a ri, “Ndi mini ni tshi ya khae ṋamusi? Hufha hu si vhuṱambo ha ṅwedzi muswa kana Sabatha!” Musadzi a fhindula a ri, “A zwi na mushumo!”

1 KORONIKA 15:24

Vhotshifhe Shebania na Josafati na Nathaniele na Amasai na Zakaria na Benaya na Eliesere vho vha vha tshi lidza phalaphala phanḓa ha mbulungelo ya Mudzimu, Obede Edomo na Ihia vha tshi i linda.

1 KORONIKA 15:28

Vhaisraele vhoṱhe vha dzhia mbulungelo ya Muṋe washu vha vhuya nayo vha tshi khou ṱavha mikosi ya dakalo, hu tshi khou lidzwa ṋanga dza thutha na phalaphala na tshele na madende na dziharipa.

1 KORONIKA 16:42

Hemani na Jeduthuni vho vha vha tshi shuma u vhona uri hu lidzwe dziphalaphala na mirumba na u lidza zwiṅwe zwilidzo hu tshi imbiwa nyimbo dza u hulisa Mudzimu. Vhana vha Jeduthuni vho vha vha tshi linda khoro.

2 KORONIKA 29:26

Ndi hone Vhalivi vha tshi ima vho ḓilugisa vhe na zwilidzo zwa Dafita, vhotshifhe vhe na dziphalaphala.

2 KORONIKA 29:28

Tshivhidzo tshoṱhe tsha gwadama tsha luvha, vhaimbi vhone vha tshi khou imba, vhalidzi vha phalaphala vha tshi khou dzi lidza. Zwa ḓi ralo tshiṱhavhelo tshi fhiswaho tsha vhuya tsha ṱhoṱhela.

2 KORONIKA 7:6

Vhotshifhe vha ima vhuimoni havho, na Vhalivi vha ima vho lavhelesana navho, vha tshi khou renda Muṋe washu nga zwilidzo zwo itwaho nga khosi Dafita, vha tshi imba luimbo vha tshi ri, “Lufuno lwawe a lu dzinginyei!” nga he vha laiwa nga Dafita. Vhotshifhe vha lidza dziphalaphala, Vhaisraele vhoṱhe vhó ima nga milenzhe.

ESRA 3:10

Musi vhafhaṱi vha tshi tea muteo wa thembele ya Muṋe washu, vhotshifhe vha ḓiṱama nga phuraphura dzavho vhó fara phalaphala, Vhalivi vhana vha Asafu vhó fara mirumba, vha renda Muṋe washu vha tshi tevhedza ndayo ya Dafita khosi ya Israele.

NEHEMIA 12:35

Ha tevhela Zakaria, ṅwana wa Jonathani, ṅwana wa Shemaya. (Vhomakhulukuku wawe vho vha vha tshi angaredza na Mathania na Mikaya na Zakhuru, wa mutupo wa Asafu.)

DZIPHISALEMA 150:3

Mu rendeni nga phalaphala, mu rendeni nga haripa na tshihwana,

DZIPHISALEMA 81:3

Lidzani lufhalafhala vhuṱamboni ha Ṅwedzi muswa, ni lidze nga ḓuvha ḽa vhuṱambo hashu ṅwedzi wó tshena.

DZIPHISALEMA 81:4

Hoyo ndi mulayo wa Israele, ndi ndaela ya Mudzimu wa Jakopo.

DZIPHISALEMA 89:15

Vha na mashudu vhe vha guda u u renda, vhane vha tshimbila tshedzani tsha tshifhaṱuwo tshau, Iwe Muṋe washu.

EKISODA 28:29

Itsho tshipilakhana tsha u haṱula tshi ḓo ita uri musi Aroni a tshi dzhena Hukhethwa, a vhe o kungela madzina a matsinde a Israele khanani yawe uri Nṋe Yahavee ndi dzule ndi tshi elelwa vhathu vhanga.

EKISODA 30:16

U kuvhanganye iyo tshelede i tshi bva kha Vhaisraele i shumiswe u londola dennde ya u ṱangana na Nṋe. Muthelo uyo u ḓo vha tshipfumelo tsha vhutshilo havho, Nṋe Yahavee nda ḓo konou elelwa u vha tsireledza.”

YESAYA 27:13

Musi wonoyo hu ḓo lidzwa phalaphala khulu i tshi vhidza Vhaisraele vho fhalalelaho Ashuru na vho thathelwaho Egipita uri vha vhuye hayani, vha luvhe Muṋe washu Jerusalema, thavhani yawe khethwa.

NUMERI 10:9

“Musi ni nndwani shangoni ḽa haṋu, ni tshi lwa na swina ḽe ḽa ni thoma, lidzani phalaphala dzenedzo. Nṋe Yahavee Mudzimu waṋu ndi ḓo ni elelwa nda ni lamulela kha maswina aṋu.

NUMERI 28:11

Mathomoni a ṅwedzi muṅwe na muṅwe Yahavee a ṋekedzwe nduvho i fhiswaho: mbohwana mbili na thutha nthihi na thuthana ṱhanu na mbili dza ṅwaha muthihi, dzoṱhe dzi vhe dzi si na luvhadzi.

NUMERI 29:1

Nga ḓuvha ḽa u ranga ḽa ṅwedzi wa vhuṱanu na vhuvhili ni kuvhangane ni luvhe, hu songo shumiwa mushumo na muthihi nga heḽo ḓuvha. Nga ḓuvha ḽeneḽo hu lidzwe dziphalaphala.

MATIOSI 11:28

“Iḓani ha Nṋe noṱhe ni lemelwaho no ziamedzwaho nga mihwalo, ndi ḓo ni rula.

MISHUMO 10:4

Ene a mu lavhelesa o tshenuwa a ri, “Ndi mini muṋe wanga?” Muruṅwa a ri, “Thabelo dzau na mishumo yau ya u vhavhalela vhashai Mudzimu o zwi vhona, a zwi ṱanganedza sa nduvho.

1 VHAKORINTA 15:52

kathihi fhedzi, nga u poidza ha iṱo, musi lufhalafhala lwa vhufhelo ha shango lu tshi lila. Lu tshi lila vhafu vha ḓo vuwa vhe kha mivhili i sa sini, riṋe vhapenyu ra mbo ḓi shandukiswa-vho.

1 VHATHESALONIKA 4:16

Ndi uri Muṋe washu nga dzawe u ḓo tsa a tshi bva ṱaḓulu, hu tshi bva ndaela, ha pfala ipfi ḽa muṅwe wa vhahulwane vha vharuṅwa na lufhalafhala lwa Mudzimu. Ndi hone hu tshi ḓo ranga u vuwa vhe vha fa vhe vhathihi na Khristo,

1 VHATHESALONIKA 4:18

Khezwo-ha, khuthadzanani nga maipfi eneo.

JOSHUA 4:7

ni vha vhudze uri maḓi a mulambo wa Jorodani o litsha u ela musi mbulungelo ya mulanga wa Yahavee i tshi wela uyu mulambo. Matombo hayo a ḓo dzula a tshi humbudza Vhaisraele zwe zwa itea hafhano.”

JOSHUA 6:4

U nange vhotshifhe vhaṱanu na vhavhili vha range phanḓa ha mbulungelo ya mulanga, muṅwe na muṅwe ó fara phalaphala. Nga ḓuvha ḽa vhuṱanu na vhuvhili iwe na vhahali vhau ni mone uyo muḓi kaṱanu na kavhili, vhotshifhe vha tshi khou lidza phalaphala dzavho.

NZUMBULULO 22:17

Muya na muselwa vha ri, “Iḓa!” Ane a zwi pfa nga a ri, “Iḓa!” A no pfa ḓora kha a ḓe! Ane a funa a ṱangandedze maḓi a ṋeaho vhutshilo; a wanala nga fhedzi!

1 SAMUELE 20:5

Ndi hone Dafita a tshi ri, “Vhonani, matshelo ndi vhuṱambo ha Ṅwedzi muswa, ndo vha ndo fanela u swiṱula na khosi, hone litshani ndi yo dzumbama ḓakani u swika nga madekwana a mbamatshelo.