NUMERI 10:1 - BIVHILI KHETHWA Mafhungo Madifha

¹ Muṋe washu a amba na Mushe a ri,

NUMERI 10:1 Iomraidhean Croise

GENESI 42:13

Hone vhone vha fhindula vha ri, “Riṋe vhalanda vhavho ro vha ri vharathu na vhakomana vha 12, ri vhana vha munna a no dzula shangoni ḽa Kanana. Phedzi yashu o sala na khotsi ashu; muṅwe ha tsheeho.”

GENESI 46:15

Ndi vhone vhana vhe Lea a bebela Jakopo shangoni ḽa Phadani Aramu, hu sa vhalwi ṅwananyana wawe Dina. Vha vhatuka na vhasidzana vhoṱhe vho ṱangana ndi 33.

2 SAMUELE 6:15

Dafita na Vhaisraele vhoṱhe vha ḓisa mbulungelo ya mulanga ya Muṋe washu Jerusalema vha tshi khou ṱavha mukosi nga dakalo, hu tshi lila phalaphala.

2 MAHOSI 11:14

A tshi sedza, a vhona khosi yo ima tsini ha phuphu muṋangoni wa thembele, hu tshi tevhedzwa maitele. Magota na vhalidzi vha phalaphala vho vha vhe tsini ha khosi, vhaḓivhalea vhoṱhe vha shango vho vha vha tshi khou pembela vha tshi lidza phalaphala. Athalia a kherukanya zwiambaro zwawe a ṱavha mukosi a ri, “Ndi tshimbevha itshi! Ndi tshimbevha!”

2 KORONIKA 23:13

A tshi sedza, a vhona khosi yo ima vhuimoni hayo muṋangoni wa thembele. Vhalangagomane na vhalidzi vha phalaphala vho vha vhe tsini na khosi, vhahulwane vhoṱhe vha vhathu vha tshi khou pembela vha tshi lidza phalaphala, vhaimbi vho ranga phanḓa thendo nga zwilidzo. Athalia a kherukanya zwiambaro zwawe a ṱavha mukosi a ri, “Ndi tshimbevha itshi! Ndi tshimbevha!”

2 KORONIKA 5:12

Vhalivi vhoṱhe vhe vha vha vhe vhaimbi, Asafu na Hemani na Jeduthuni na vhana vhavho vha vhatuka na mashaka avho, vho vha vho ima thungo ya vhubvaḓuvha ya aḽiṱari, vho ambara zwiambaro zwa lukhaha lu songo vangiwaho, vha tshi khou lidza dzitshele na dziharipa na madende, vha tshi bvumelwa nga vhotshifhe vha 120 vha tshi lidza dziphalaphala.

2 KORONIKA 7:6

Vhotshifhe vha ima vhuimoni havho, na Vhalivi vha ima vho lavhelesana navho, vha tshi khou renda Muṋe washu nga zwilidzo zwo itwaho nga khosi Dafita, vha tshi imba luimbo vha tshi ri, “Lufuno lwawe a lu dzinginyei!” nga he vha laiwa nga Dafita. Vhotshifhe vha lidza dziphalaphala, Vhaisraele vhoṱhe vhó ima nga milenzhe.

ESRA 3:10

Musi vhafhaṱi vha tshi tea muteo wa thembele ya Muṋe washu, vhotshifhe vha ḓiṱama nga phuraphura dzavho vhó fara phalaphala, Vhalivi vhana vha Asafu vhó fara mirumba, vha renda Muṋe washu vha tshi tevhedza ndayo ya Dafita khosi ya Israele.

DZIPHISALEMA 47:5

Mudzimu o gonya ho ṱangana mifhululu, Muṋe washu o gonya ho ṱangana mibvumo ya dziphalaphala.

DZIPHISALEMA 81:3

Lidzani lufhalafhala vhuṱamboni ha Ṅwedzi muswa, ni lidze nga ḓuvha ḽa vhuṱambo hashu ṅwedzi wó tshena.

DZIPHISALEMA 98:6

Pembelelani Khosi, Muṋe washu, ni tshi lidza porompiṱa na phalaphala!

NUMERI 1:52

Vhaṅwe Vhaisraele vha ṱoke mishasha yavho, tshigwada nga tshigwada, munna muṅwe na muṅwe e na vha tsinde ḽawe, e kha khethekanyo yawe.

NUMERI 10:2

“Ita phalaphala mbili dza siliva yo fuliwaho dzine wa ḓo vhidza vhathu ngadzo uri vha kuvhangane, na musi hu tshi ṱokololwa mishasha.

NUMERI 29:1

Nga ḓuvha ḽa u ranga ḽa ṅwedzi wa vhuṱanu na vhuvhili ni kuvhangane ni luvhe, hu songo shumiwa mushumo na muthihi nga heḽo ḓuvha. Nga ḓuvha ḽeneḽo hu lidzwe dziphalaphala.

NUMERI 7:2

Ndi hone vhahulwane vha mitupo vhe vha vha vhe vharangaphanḓa vha matsinde a Vhaisraele, vhenevhaḽa vhanna vhe vha vha vha tshi khou vhala vhathu,

NUMERI 9:23

Vho vha vha tshi ṱoka mishasha vha i ṱokolola nga u thetshelesa zwine Muṋe washu a vha laya a tshi vhudza Mushe, ene a vhudza vhathu.

MATIOSI 24:31

U ḓo ruma vharuṅwa vhawe vha lidza phalaphala, vha kuvhanganya vhanangiwa vhawe vha tshi bva khuḓani nṋa dza shango u bva vhusendekamisi u swika vhusendekamisi.

JOSHUA 6:4

U nange vhotshifhe vhaṱanu na vhavhili vha range phanḓa ha mbulungelo ya mulanga, muṅwe na muṅwe ó fara phalaphala. Nga ḓuvha ḽa vhuṱanu na vhuvhili iwe na vhahali vhau ni mone uyo muḓi kaṱanu na kavhili, vhotshifhe vha tshi khou lidza phalaphala dzavho.

NZUMBULULO 8:2

Nda vhona vharuṅwa vhaṱanu na vhavhili vho imaho phanḓa ha Mudzimu vha tshi ṋewa phalaphala ṱhanu na mbili.

VHARANGAPHANḒA 7:20

na zwiḽa zwiṅwe zwigwada zwivhili zwa ita nga u ralo. Vhoṱhe vho vha vho fara maḓenzhe nga tshanḓa tshamonde, phalaphala vhó dzi fara nga tshauḽa, vha ṱavha mukosi vha ri, “Pfumo ḽa Muṋe washu na ḽa Gidioni!”