NUMERI 1:53 - BIVHILI KHETHWA Mafhungo Madifha

⁵³ Hone Vhalivi vha ṱoke mishasha yavho u mona na dennde uri vha i linde, hu songo vhuya ha sendela muthu tsini hayo a ntsinyusa nda vhulaha vhathu vha Israele.”

NUMERI 1:53 Iomraidhean Croise

1 KORONIKA 23:32

Vhalivi vho vha vha tshi shuma mushumo wavho wa dennde ya u ṱangana na Muṋe washu, vha tshi shuma fhethu hukhethwa, vha tshi langwa nga mashaka avho vha lutsinga lwa Aroni, vha tshi shuma thembeleni ya Muṋe washu.

2 KORONIKA 13:10

“A vha riṋe, Mudzimu washu ndi Muṋe washu, a ro ngo mu furalela. Vhotshifhe vha no shumela Muṋe washu ndi vhana vha Aroni, vha tshi fariswa nga Vhalivi.

2 KORONIKA 13:11

Matsheloni maṅwe na maṅwe na madekwana maṅwe na maṅwe vha ṋekedza Muṋe washu zwiṱhavhelo zwi fhiswaho na zwioro zwi nukhelelaho. Vha vhea vhurotho ḓafulani ḽo kunaho ḽa nduvho, vha funga mbone dzi re kha zwivheambone zwa musuku madekwana maṅwe na maṅwe. Ri khou tevhedza zwine Mudzimu Muṋe washu a zwi ṱoḓa. Hone inwi no mu furalela.

JEREMIA 23:15

Zwenezwo Muṋe washu Mulangazwoṱhe a tshi amba nga vhaporofita u ri, “Ndi ḓo ita uri vha ḽe zwiḽiwa zwa u kalakata, vha nwe maḓi a re na vhutulu, ngauri vhaporofita vha Jerusalema ndi vhone vho fhuraho vhathu vhoṱhe uri vha ṱambe Mudzimu.”

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

LIVITIKO 10:6

Ndi hone Mushe a tshi vhudza Aroni na vhana vhawe vha vhatuka Eliasara na Ithamara a ri, “Ni songo litsha u gama mavhudzi aṋu kana na kherukanya zwiambaro zwaṋu u sumbedza uri ni zwililoni. Arali na ralo ni ḓo fa nahone Muṋe washu u ḓo sinyutshela vhathu vhoṱhe. Hone Vhaisraele vha haṋu vhoṱhe vha a tendelwa u lilela avha vhafu vho faho nga mulilo we wa ḓiswa nga Muṋe washu.

NUMERI 1:50

Vhalivi vhone u vha vhetshele u sedza zwa dennde ya mbulungelo ya mulanga na thundu dzayo dzoṱhe. Vha ḓo i hwala na thundu dzayo, vha shuma ngomu hayo, vha ṱoka mishasha yavho u mona nayo.

NUMERI 1:54

Ndi hone Vhaisraele vha tshi ita zwoṱhe zwe Muṋe washu a laya Mushe.

NUMERI 16:46

Mushe a vhudza Aroni a ri, “Nga vha mbo ḓi dzhia tshidongo tshavho tsha mulilo, vha longe masimbe a mulilo a no bva kha aḽiṱari, vha ṋuṋedze zwioro kha ayo masimbe. Vha gidimele natsho hune vhathu vha vha hone, vha vha pfumelele. Nga vha ṱavhanye! Muṋe washu o no sinyuwa, na bulayo ḽo no thoma.”

NUMERI 16:9

Ni vhona e mafhungo maṱuku izwi zwe Mudzimu wa Israele a ni khetha kha tshivhidzo tsha Vhaisraele, uri ni kone u sendela tsini hawe, ni shume mishumo yaṋu denndeni ya u ṱangana na Muṋe washu, ni tshi shumela tshivhidzo itshi?

NUMERI 17:7

Ndi hone Mushe a tshi vhea mbaḓa idzo dzoṱhe phanḓa ha Muṋe washu denndeni ya mbulungelo ya mulanga.

NUMERI 2:17

“Zwino vhukati ha khethekanyo idzo mbili na dziṅwe mbili dzi re murahu hu ḓo tshimbila Vhalivi vho hwala dennde ya u ṱangana na Nṋe. Kha khethekanyo iṅwe na iṅwe vhathu vha ḓo tshimbila vho tevhekana nga kuṱokele kwavho kwa mishasha, vhaṅwe na vhaṅwe vhe kha khethekanyo yavho.

NUMERI 3:23

Vha mutupo hoyo vho vha vho fanela u ṱoka mishasha yavho murahu ha dennde ya u ṱangana na Muṋe washu, thungo ya vhukovhela.

NUMERI 3:29

Vha mutupo hoyo vho vha vha tshi fanela u ṱoka mishasha yavho sia ḽa tshipembe ḽa dennde ya u ṱangana na Muṋe washu.

NUMERI 3:35

Vha mutupo hoyo vho vha vha tshi fanela u ṱoka mishasha yavho sia ḽa devhula ḽa dennde ya u ṱangana na Muṋe washu. Muhulwane wa uyo mutupo o vha e Tsuriele ṅwana wa Abihaili.

NUMERI 3:38

Mushe na Aroni na vhana vhawe vho vha vha tshi fanela u ṱoka mishasha yavho phanḓa ha dennde ya u ṱangana na Muṋe washu sia ḽa vhubvaḓuvha. Vhone vho vha vhe vha u londola Hukhethwa vha tshi itela Vhaisraele. Muṅwe-vho ane a vhuya a linga u sendela tsini na Hukhethwa o vha a tshi vhulawa.

NUMERI 31:30

Kha tshipiḓa tsho kovhekanywaho Vhaisraele u bvise tshipiḓa tshithihi kha zwa 50, vha nga vha vhathu kana kholomo kana donngi kana nngu kana mbudzi kana zwiṅwe zwifuwo. Izwo u zwi fhe Vhalivi vhane vha londola dennde ya u ṱangana na Nṋe.”

NUMERI 31:47

Kha mukovhe wonoyo Mushe o bvisa tshithihi kha 50 a mathubwa na zwifuwo, nga he Muṋe washu a mu laya, a zwi ṋea Vhalivi vhe vha vha vha tshi londola dennde ya u ṱangana na Muṋe washu.

NUMERI 8:19

nahone ndi dzhia Vhalivi nda vha ṋea Aroni na vhana vhawe vha vha tshifhiwa tshi bvaho kha Vhaisraele, vha shumele Vhaisraele denndeni ya u ṱangana na Nṋe, vha pfumelele Vhaisraele vha vha tsireledze kha khombo ine ya nga vha vhulaha arali vho sendela tsini ha fhethu hukhethwa.”

2 TIMOTI 4:2

ḓivhadzani mafhungo a Mudzimu, ni si vhuye na bva khazwo, arali tshifhinga tshi tshi tenda naho tshi sa tendi; vha sumbedzeni vhukhakhi havho, ni vha kaidze, ni vha khwaṱhise, ni tshi funza ni sa fheli mbilu.

1 SAMUELE 6:19

Huno Mudzimu a vhulaha vhanna vha 70 vha Bethe Shemeshe nge vha ṱolela ngomu ha mbulungelo ya Muṋe washu. Vhathu vha lila nge Muṋe washu a vha rwa zwingafho.