NUMERI 1:51 - BIVHILI KHETHWA Mafhungo Madifha

⁵¹ Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe.

NUMERI 1:51 Iomraidhean Croise

2 SAMUELE 6:7

Muṋe washu a sinyutshela Uza nge a ita lunyadzo, zwenezwo Mudzimu a mbo ḓi mu vhulaha a fela henefho tsini ha mbulungelo ya mulanga ya Mudzimu.

NUMERI 10:11

Nga ḓuvha ḽa 20 ḽa ṅwedzi wa vhuvhili nga ṅwaha wa vhuvhili tshee vhathu vha pfuluwa Egipita, gole ḽo alamaho nṱha ha dennde ya mbulungelo ya mulanga ḽa takuwa,

NUMERI 16:40

Izwo ho vha hu u kaidza Vhaisraele uri ane a si vhe wa lutsinga lwa Aroni a songo sendela aḽiṱarini a dubisela Muṋe washu zwioro. Arali a ralo u ḓo lozwiwa unga Kora na vhanna vhe vha ima nae. Izwo zwoṱhe zwo itwa nga he Muṋe washu a laya Eliasara nga mulomo wa Mushe.

NUMERI 17:13

Arali ane a sendela tsini ha dennde ya u ṱangana na Muṋe washu a tshi fa, zwino roṱhe ndi tshifa ro fa!”

NUMERI 17:5

Mbaḓa ya munna we nda mu nanga i ḓo ṱuma lurere. Ndi ḓo pfuvhisa zwine Vhaisraele vha dzula vha tshi u gungulela nga u ralo.”

NUMERI 18:22

Vhaṅwe Vhaisraele vha songo tsha sendela tsini ha dennde ya u ṱangana na Nṋe, vha sa ḓo ḓiovhela ṱhamu ya lufu.

NUMERI 18:3

Vho fanela u khunyeledza mushumo wavho na pfanelo dzavho dza dennde nga u farisa, hone vha songo sendela tsini ha zwithu zwikhethwa na aḽiṱari. Arali vha sendela tsini hazwo, noṱhe iwe na vhone ni ḓo fa.

NUMERI 18:4

Nga vha shume na iwe vha khunyeledze pfanelo dzavho dza mishumo yoṱhe ya dennde ya u ṱangana na Nṋe, hone ni songo shuma na muthu a songo teaho.

NUMERI 18:7

Huno iwe na vhana vhau fhedzi, inwi ni khunyeledze pfanelo dza vhutshifhe kha zwa aḽiṱari na zwi re ngomu fhethu hukhethwa. Hezwo zwithu zwi londolwe nga inwi, ngauri ndo ni ṋea tshifhiwa tsha vhutshifhe. Muthu a songo fanelaho ane a vhuya a sendela tsini ha zwithu zwikhethwa u ḓo vhulawa.”

NUMERI 3:10

Iwe u vhee Aroni na vhana vhawe uri vha shume mushumo wa vhutshifhe, hone arali muṅwe a vhuya a linga u ḓidzhenisa kha mushumo wonoyo, u ḓo vhulawa.”

NUMERI 3:38

Mushe na Aroni na vhana vhawe vho vha vha tshi fanela u ṱoka mishasha yavho phanḓa ha dennde ya u ṱangana na Muṋe washu sia ḽa vhubvaḓuvha. Vhone vho vha vhe vha u londola Hukhethwa vha tshi itela Vhaisraele. Muṅwe-vho ane a vhuya a linga u sendela tsini na Hukhethwa o vha a tshi vhulawa.

1 SAMUELE 6:19

Huno Mudzimu a vhulaha vhanna vha 70 vha Bethe Shemeshe nge vha ṱolela ngomu ha mbulungelo ya Muṋe washu. Vhathu vha lila nge Muṋe washu a vha rwa zwingafho.