NUMERI 1:3 - BIVHILI KHETHWA Mafhungo Madifha

³ u thoma kha vha miṅwaha ya 20, vho teaho u bva pfumo. Ni vha vhale ni tshi tevhedza gomane dzavho.

NUMERI 1:3 Iomraidhean Croise

2 SAMUELE 24:9

Juaba a vhika tshivhalo tsha vhanna vhane vha nga kona u bva pfumo: Kha ḽa Israele ho vha hu na vhanna vha 800 000 vhe vha vha vha tshi kona u bva pfumo, kha ḽa Juda hu na vhanna vha 500 000.

1 KORONIKA 5:18

Vha tsinde ḽa Rubeni na vha tsinde ḽa Gadi na vha Manase vha vhubvaḓuvha vho vha vhe na vhahali vha 44 760, vha re na nungo, vha tshi kona u pilela nga tshiṱangu, na u runga nga pfumo na u posa musevhe nga vhura, vho gudiswaho zwa nndwa.

2 KORONIKA 25:5

Khosi Amasia a kuvhanganya vhathu vha Juda, a vha kumedza vhalangammbi na vhalangagomane vha Juda ḽoṱhe na Benyamini, zwi tshi ya nga miṱa yavho. A vhala vhoṱhe u bva kha vha miṅwaha ya 20 a wana vhe vhanna vha 300 000 vho teaho u bva pfumo, vhane vha kona u fara pfumo na tshiṱangu.

EKISODA 12:17

Vhuṱambo ha vhurotho vhu si na mbilisa vhu fanela u ḓi dzula vhu tshi itwa ngauri ndo pfulusa matsinde aṋu shangoni ḽa Egipita nga ḓuvha ḽeneḽo. Na mirafho yoṱhe i ḓaho i ite vhuṱambo nga ḓuvha heḽo; hei ndi ndaela i sa shanduki.

EKISODA 30:14

Munna muṅwe na muṅwe ane a vhaliwa, wa miṅwaha ya 20 na u fhira, a bvise tshelede yeneyo.

EKISODA 38:26

Mutengo hoyo ndi zwoṱhe zwo bviswaho nga vhathu vhoṱhe vho ṅwalisaho hu tshi vhalwa vhathu, muṅwe na muṅwe a tshi bvisa giramu dza 6, zwó kaliwa nga muelo wo tendelwaho. Ho vha hu na vhanna vha 603 550 vha miṅwaha ya 20 kana u fhira vhe vha ṅwaliswa hu tshi vhaliwa vhathu.

NUMERI 14:29

Ni ḓo fa zwitumbu zwaṋu zwa balangana na soga heḽi nge na nngungulela, muṅwe na muṅwe waṋu u thoma kha wa miṅwaha ya 20, we a vhalwa kha tshivhalo tsha vhathu, ha nga dzheni shangoni heḽo.

NUMERI 26:2

“Vhalani vhathu zwi tshi ya nga miṱa ya vhathu vhoṱhe vha Israele, ni vhale vhanna vhoṱhe u bva kha miṅwaha ya 20 vho teaho u bva pfumo.”

NUMERI 3:15

“Vhala Vhalivi zwi tshi ya nga mitupo yavho na miṱa yavho, vhala munna muṅwe na muṅwe na mutukana u thoma kha wa ṅwedzi muthihi.”

NUMERI 32:11

‘Zwino nge vha si ntevhele nga mbilu yoṱhe, vhanna vhoṱhe u bva kha vha miṅwaha ya 20 vhe vha pfuluwa Egipita, a hu na na muthihi wavho ane a ḓo vhona shango ḽe nda ḽi fulufhedzisa Abrahamu na Isaka na Jakopo nga muano.’

NUMERI 33:1

Mafhungo haya a sumbedza madzina a fhethu he Vhaisraele vha ṱoka mishasha musi vho no pfuluwa Egipita zwi tshi ya nga matsinde avho vho rangwa phanḓa nga Mushe na Aroni.

NUMERI 4:3

na u ṅwala vhanna vhoṱhe vha re na miṅwaha i thomaho kha 30 u swika kha ya 50 vhane vha fanela u shuma denndeni ya u ṱangana na Muṋe washu.

DOTORONOMIO 24:5

“Munna ane a kha ḓi bva u vhinga musadzi a songo bva pfumo, nahone a songo kombetshedzwa u shuma muṅwe mushumo na muthihi. U fanela u vhofhololwa kha zwoṱhe a fhedza ṅwaha woṱhe, a dzula hayani a tshi takadza musadzi wawe we a dzea.

DOTORONOMIO 3:18

“Misi iyo nda vhudza vhanna vha ayo matsinde nda ri, ‘Muṋe washu Mudzimu waṋu o ni ṋea shango heḽi uri ḽi vhe ḽaṋu; zwenezwo vhahali vhoṱhe vha no kona u bva pfumo nga vha wele mulambo wa Jorodani vha tshi ranga Vhaisraele vha maṅwe matsinde phanḓa.