NUMERI 1:1 - BIVHILI KHETHWA Mafhungo Madifha

¹ Nga ḓuvha ḽa u ranga ḽa ṅwedzi wa vhuvhili wa ṅwaha wa vhuvhili Vhaisraele vhó pfuluwa Egipita, Muṋe washu a amba na Mushe henefho phangani ya Sinai, denndeni ya u ṱangana na Mudzimu, a ri,

NUMERI 1:1 Iomraidhean Croise

1 MAHOSI 6:1

Solomoni o thoma u fhaṱela Muṋe washu thembele hó no fhela miṅwaha ya 480 tshee Vhaisraele vha pfuluwa Egipita, nga ṅwaha wa vhuṋa tshee a thoma u vhusa Vhaisraele, nga ṅwedzi wa vhuvhili, ṅwedzi wa Zivi.

EKISODA 19:1

Vhaisraele vho ri u fhedza miṅwedzi miraru yo ḓalaho vho pfuluwa shangoni ḽa Egipita vha swika phangani ya Sinai.

EKISODA 19:2

Vha ṱuwa Rafidimu vha dovha vha fara lwendo, vha tshi swika phangani ya Sinai vha ṱoka mishasha yavho henefho phangani u livhana na thavha.

EKISODA 25:22

Ndi ḓo ḓa nda ṱangana na iwe henefho, henefho nṱha ha tshitibo, vhukati ha vhakherube vhavhili vha re nṱha ha mbulungelo ya mulayo, wa konou nnḓivha nda u ṋea ndayo dzanga dzoṱhe dzine wa ḓo vhudza Vhaisraele.

EKISODA 40:17

Nga ḓuvha ḽa u ranga ḽa ṅwedzi wa u ranga wa ṅwaha wa vhuvhili tshee vha pfuluwa Egipita, dennde ya u ṱangana na Mudzimu ya imiswa.

EKISODA 40:2

“Nga ḓuvha ḽa u ranga ḽa ṅwedzi wa u ranga u imise dennde ya u ṱangana na Nṋe.

LIVITIKO 1:1

Muṋe washu o vhidza Mushe e denndeni ya u ṱangana na Mudzimu a mu ṋea ndaela hedzino,

LIVITIKO 27:34

Hedzo ndi dzone nduvho dze Muṋe washu a laedza Mushe thavhani ya Sinai, dze dza pfi dzi bviswe nga Vhaisraele.

NUMERI 1:18

vha vhidza vhathu vhoṱhe vha kuvhangana nga ḓuvha ḽa u ranga ḽa ṅwedzi wa vhuvhili, vhathu vhoṱhe vha ṅwaliwa zwi tshi ya nga matsinde na miṱa yavho, ha ṅwaliwa madzina a vhanna vhoṱhe u thoma kha vha miṅwaha ya 20,

NUMERI 12:4

Muṋe washu a mbo ḓi amba na Mushe na Aroni na Miriamu a ri, “Inwi vhuraru haṋu iḓani denndeni ya u ṱangana na Nṋe.” Vha ya,

NUMERI 9:1

Muṋe washu o amba na Mushe phangani ya Sinai nga ṅwedzi wa u ranga wa ṅwaha wa vhuvhili Vhaisraele vho no pfuluwa Egipita, a ri,

DOTORONOMIO 1:3

Mushe a tshi vhudza Vhaisraele zwoṱhe zwe Muṋe washu a mu laedza uri a vha vhudze zwone, ḽo vha ḽi ḓuvha ḽa u thoma ḽa ṅwedzi wa 11 wa ṅwaha wa 40 tshee vha pfuluwa Egipita.

DOTORONOMIO 2:14

Tshee ra takuwa Kadeshe Barania ra vhuya ra wela mulambo wa Zerede ho vha ho no fhela miṅwaha ya 38, ha vhuya ha fa vhanna vhoṱhe vha bvaho pfumo vha murafho wonoyo unga Muṋe washu o vha o vha vhudza a khwaṱhisa nga muano.

DOTORONOMIO 2:7

Hufha Nṋe Yahavee Mudzimu waṋu ndo ni shudufhadza kha zwoṱhe zwine na ita; ndo ni tsireledza lwendoni lwoṱhe ni tshi tshimbila phangani iyi khulu miṅwaha ya 40 yoṱhe; Nṋe Yahavee Mudzimu waṋu ndo vha ndi tshi ḓi vha na inwi ni sa shayi tshithu.’