NEHEMIA 9:5 - BIVHILI KHETHWA Mafhungo Madifha

⁵ Vhalivi vhe vha ri vhathu vha luvhe ndi Jeshua na Kadamiele na Bani na Hashabania na Sherebia na Hodia na Shebania na Phethahia. Vha ri, “Takuwani ni rende Muṋe washu Mudzimu waṋu; mu rendeni lini na lini! Muṅwe na muṅwe nga a rende dzina ḽawe ḽa vhugala, naho thendo na zwikhoḓo zwa muthu zwi songo eḓana u mu renda.”

NEHEMIA 9:5 Iomraidhean Croise

1 MAHOSI 8:14

Musi vhathu vhoṱhe vha Israele vha tshee vho ima henefho, khosi Solomoni a rembuluwa a livhana navho, a vha shudufhadza

1 MAHOSI 8:15

a ri, “Nga hu rendwe Muṋe washu Mudzimu wa Israele! O khunyeledza zwe a fulufhedzisa khotsi anga Dafita, zwiḽa a tshi ri,

1 MAHOSI 8:22

Solomoni a ima phanḓa ha aḽiṱari ya Muṋe washu, phanḓa ha tshivhidzo tshoṱhe tsha Israele, a imisela zwanḓa ṱaḓulu

1 MAHOSI 8:27

“Hone vhukuma Mudzimu a nga dzula fhano fhasi naa? Ḽiṱaḓulu na musi ḽi ḽiṱaḓulu ḽa nṱha-nṱha a u koni u fhelela khaḽo. Zwino iyi thembele ye nda fhaṱa u nga fhelela hani khayo?

1 KORONIKA 16:36

Nga hu rendwe Muṋe washu Mudzimu wa Israele, u bva tsha kale na kale, na lini na lini. Ndi hone vhathu vhoṱhe vha tshi ri, “Amen! Nga hu rendwe Muṋe washu!”

1 KORONIKA 29:11

Muṋe washu, vhuhulu na maanḓa na lupenyo na thendo na vhugala ndi zwau, ngauri zwoṱhe zwi re ṱaḓulu na fhano fhasi ndi zwau. Muṋe washu, muvhuso ndi wau, u khosi, u vhusa zwoṱhe.

1 KORONIKA 29:13

Zwino, Mudzimu washu, ri a u livhuha, ri hulisa dzina ḽau ḽa vhurena.

1 KORONIKA 29:20

Ndi hone Dafita a tshi vhudza tshivhidzo tshoṱhe a ri, “Rendani Muṋe washu Mudzimu waṋu!” Ndi hone vhoṱhe vha tshi renda Muṋe washu Mudzimu wa vhokhotsi avho, vha gwadama, vha shuvhama phanḓa ha Muṋe washu na khosi.

2 KORONIKA 20:13

Vhanna vhoṱhe vha Juda na vhasadzi vhavho na vhana vhavho na vhaṱuku, vho vha vho ima henefho phanḓa ha Muṋe washu.

2 KORONIKA 20:19

Ndi hone vhaṅwe Vhalivi vha mutupo wa Kehathi na Kora vha tshi takuwa vha renda Muṋe washu Mudzimu wa Israele, vha tshi tou ṱavha mukosi.

ESRA 3:11

Vha renda Muṋe washu vha mu livhuha nga nyimbo vha ri, “Muṋe washu u na vhuthu, u funa Israele lini na lini.” Vhathu vha ṱavha mukosi muhulu vha renda Muṋe washu nga u takalela u tewa ha muteo wa nnḓu ya Muṋe washu.

NEHEMIA 9:4

Ho vha hu na ḓingo ḽa Vhalivi, nṱha haḽo ha ima Jeshua na Bani na Kadamiele na Shebania na Buni na Sherebia na Bani na Khenani. Vha rabela Muṋe washu Mudzimu wavho vha tshi tou ṱavha mukosi.

NEHEMIA 9:6

Ndi hone Vhaisraele vha tshi rabela vha ri, “Muṋe washu, ndi Iwe u woṱhe a re Muṋe washu; wo ita ḽiṱaḓulu ḽa ṱaḓulu-ṱaḓulu na ṋaledzi dza lutomboni. Wo sika shango na lwanzhe na zwoṱhe zwi re khazwo; zwoṱhe zwo fhiwa vhutshilo nga Iwe. Magogo a ṱaḓulu a a u gwadamela a u luvha.

JOBO 1:21

a ri, “Ndo bva muvhilini wa mme anga ndi fhedzi, ndi ḓo huma ndi fhedzi. Muṋe washu o ṋea, Muṋe washu o dzhia – Muṋe washu nga a rendiwe!”

DZIPHISALEMA 106:2

Ndi nnyi ane a nga kona u ḓivhadza mishumo ya Muṋe washu ya maanḓa, kana a mu renda lu sa vhilaedzi?

DZIPHISALEMA 134:1

Iḓani ni rende Muṋe washu inwi vhaḓinḓa vha Muṋe washu, inwi ni imaho nḓuni ya Muṋe washu, na mu shumela vhusiku hoṱhe!

DZIPHISALEMA 145:2

ndi ḓo u livhuha misi yoṱhe, nda renda dzina ḽau lini na lini.

DZIPHISALEMA 145:5

Ndi ḓo dzula ndi tshi elekanya vhugala hau, na vhurena, na lupenyo, na maḓembe e wa ita.

DZIPHISALEMA 146:2

Ndi ḓo renda Muṋe washu ndi tshi kha ḓi tshila; ndi ḓo renda Mudzimu nga nyimbo ndi tshi kha ḓi vha hone.

DZIPHISALEMA 16:2

Ndi amba na Muṋe washu nda ri, “Muṋe wanga ndi Iwe; a thi tshee na tshiṅwe tshivhuya, ndi Iwe u woṱhe.”

DZIPHISALEMA 66:2

hulisani dzina ḽawe nga nyimbo, mu imbeleni thendo!

DZIPHISALEMA 99:3

Nga vha rende dzina ḽau ḽihulu ḽi ofhisaho. Ndí mukhethwa!

EKISODA 15:11

“Muṋe washu, ndi nnyi ane a nga Iwe kha midzimu? Ndi nnyi a re na vhugala vhukhethwa unga Iwe? U ofhisa nga zwihulu zwine wa ita; vhukuma u ita zwimangadzo.

EKISODA 15:6

“Muṋe washu, tshanḓa tshau tshauḽa tshi na maanḓa a kanukisaho, Muṋe washu, tshanḓa tshau tshauḽa tshi pwashekanya swina.

DANIELE 2:20

a ri, “Dzina ḽa Mudzimu nga ḽi rendwe lini na lini! Vhuṱali na maanḓa ndi zwawe e eṱhe.

MATIOSI 11:25

Zwenezwo Yesu a thoma u amba a ri, “Ndi a u renda Khotsi, Iwe Muṋe wa ḽiṱaḓulu na ḽifhasi, ngauri hezwi zwithu wo zwi dzumbela vho funzwaho na vhaṱali wa zwi dzumbululela vhaṱoma.

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

DOTORONOMIO 28:58

“Ni vhone-ha uri ni vhulunge maipfi oṱhe a mulayo hoyu o ṅwalwaho kha bugu iyi, ni hulise dzina ḽi huliseaho ḽi ofhisaho ḽine ḽa pfi Muṋe washu Mudzimu waṋu.

1 PITROSI 1:3

Kha ri rende Mudzimu, Khotsi a Muṋe washu Yesu Khristo. O ri khathutshela zwihulu a ri beba nga huswa uri ri vhe na zwe ra fulufhela zwine zwa ḓo vha vhutshilo hashu, ri vhe na ifa ḽi sa ṱahali, ḽi sa siḓufhali, ḽi sa haluluwi, ḽe a ni vhulungela ngei ṱaḓulu. Hezwo ro kona u zwi wana nge Yesu Khristo a vuswa vhafuni.

VHARANGAPHANḒA 13:18

Muruṅwa a fhindula a ri, “Ndi mini u tshi mmbudzisa dzina? Ndi dzina ḽi sa ṱalukanyei.”