NEHEMIA 9:34 - BIVHILI KHETHWA Mafhungo Madifha

³⁴ Vhomakhulukuku washu na mahosi ashu na vharangaphanḓa na vhotshifhe a vho ngo vhulunga Mulayo wau. A vho ngo thetshelesa ndayo dzau u tshi vha laya.

NEHEMIA 9:34 Iomraidhean Croise

2 MAHOSI 17:13

Muṋe washu o kaidza Vhaisraele na Vhajuda nga milomo ya vhaporofita vhawe na vhaḓinḓa vhawe vhoṱhe a ri, “Laṱani nḓila dzaṋu mmbi. Vhulungani ndayo dzanga, ni tshi tevhedza mulayo woṱhe we nda laya vhomakhulukuku waṋu uri vha u tevhedze, nda u swikisa kha inwi nga vhaḓinḓa vhanga vhaporofita.”

2 MAHOSI 17:15

Vha landula ndayo dzawe na mulanga we a vhofha na vhomakhulukuku wavho na zwe a vha laya. Vha luvha zwitungulo zwi si na mushumo, na vhone vhaṋe vha fhedza vhe si tshithu. Vha edzisa tshakha dzi dzulaho tsini navho, naho Muṋe washu o vha laya a ri, “Ni songo vha edzisa.”

2 KORONIKA 29:6

Vhokhotsi ashu vho vha vha sa fulufhedzei, vho ita zwi sa takadzi Mudzimu Muṋe washu, vha mu ṱutshela, vha lavhelesa thungo, vha furalela fhethu hune a dzula hone.

ESRA 9:10

“Huno zwino Mudzimu washu, ri nga ri mini ho no bvelela izwi? Ndi uri ro nyadza dzindaela

NEHEMIA 9:30

Wa ḓi vha laya u sa fheli mbilu, miṅwaha i tshi ṱanḓulukana. Wa dzhenisa Muya wau kha vhaporofita vhau uri vha kaidze, hone vhathu vhau vha konyolela matanda nḓevheni, ndi hone u tshi vha litsha uri vha kundwe nga dziṅwe tshakha.

NEHEMIA 9:33

U tshi ri rwa nga ṱhamu wo ita zwone; wo vha u tshi ḓi fulufhedzea, naho riṋe ro tshinya.

NEHEMIA 9:35

Na zwiḽa vho wana muvhuso, vha tshi ḓiphiṋa nga vhuthu hau vhuhulu he wa vha itela shangoni ḽo aṱamaho ḽa manona ḽe wa vha ṋea ḽone, a vho ngo u shumela kana vha ṱutshela nḓila dzavho mmbi.

JEREMIA 29:19

Zwi ḓo ralo nge vha si thetshelese maipfi anga, maipfi e nda a swikisa khavho nga vhaḓinḓa vhanga vhaporofita nda ḓi dovha.’ ” U ralo Muṋe washu.

JEREMIA 44:17

Vhukumakuma ri ḓo ita zwoṱhe zwe ra ri ri ḓo ita: Ri ḓo dubisela Mufumakadzi wa ṱaḓulu zwioro, ra mu tevhulela thevhula sa zwe riṋe na vhokhotsi ashu na mahosi ashu na vhahulwane vhashu ra ita miḓini ya Juda na mikotoni ya Jerusalema. Misi yeneyo ro vha ri na zwiḽiwa zwinzhi, ro pfuma, ri sa vhoni khombo.

JEREMIA 44:4

Ndo ruma vhaḓinḓa vhanga vhaporofita nda dovha ndi tshi ri, ‘Ni songo ita zwithu hezwi zwi nengisaho zwine nda zwi vhenga!’

ESEKIELE 5:6

U na luswetho, wo shandukela ndayo dzanga u fhira tshakha dza vhannḓa; wo shandukela milayo yanga u fhira mashango o u tangaho; wo landula ndayo dzanga, wa hana u vhulunga milayo yanga.”

DANIELE 9:6

A ro ngo thetshelesa vhaḓinḓa vhau vhaporofita vha tshi amba nga dzina ḽau vha tshi amba na mahosi ashu na vhavhusi vhashu na vhomakhulukuku washu na vhathu vhoṱhe vha shango.

DOTORONOMIO 31:21

Musi khombo idzo nnzhi na madambudzo zwi tshi vho vha wela, luimbo holu lu ḓo vha vhudza uri zwi itwa ngani. Vha kha ḓi ḓo lu imba, lwa konou vha vhuṱanzi ha u vha laṱa. Nṋe ndi ḓivha mbilu dzavho na ṋamusi vha tshee fhano ndi sa athu vha swikisa shangoni ḽe nda vha fulufhedzisa.”