NEHEMIA 9:25 - BIVHILI KHETHWA Mafhungo Madifha

²⁵ Vhathu vhau vho thuba miḓi yo tangedzwaho nga mitsheṱo, na masimu o vhibvelaho na nnḓu dzo ḓalaho lupfumo na bidzi dzo dzulaho dzo bwiwa, na masimu a minḓirivhe na miri ya miolivi na ya mitshelo. Vha ḽa zwe vha tou zwi tama, vha khwaṱha; vha ḓiphiṋa nga zwivhuya zwoṱhe zwe wa vha ṋea.

NEHEMIA 9:25 Iomraidhean Croise

1 MAHOSI 14:9

Wo ita vhuvhi vhu no fhira ha vhoṱhe vhe vha vha hone iwe u sa athu vha hone. Wo ḓiitela miṅwe midzimu, zwitungulo zwo fulwaho nga tsimbi, wo nṱunga wa ntsinyusa, wa mpfuralela.

1 MAHOSI 8:66

Hó no fhela vhege Solomoni a ri vhathu vha ḓiṱutshele. Vhone vha onesana na khosi vha i renda, vha humela hayani vha tshi khou pembela, mbilu dzo takalela zwivhuya zwoṱhe zwe Muṋe washu a itela mulanda wawe Dafita na vhathu vhawe Vhaisraele.

NEHEMIA 9:35

Na zwiḽa vho wana muvhuso, vha tshi ḓiphiṋa nga vhuthu hau vhuhulu he wa vha itela shangoni ḽo aṱamaho ḽa manona ḽe wa vha ṋea ḽone, a vho ngo u shumela kana vha ṱutshela nḓila dzavho mmbi.

DZIPHISALEMA 105:44

A vha ṋea mashango a dzitshakha, vha vha maḽaifa a zwe vhaṅwe vha zwi bvela biko.

DZIPHISALEMA 65:11

U ambadza ṅwaha tshiala tsha khaṋo khulu; hune wa fhira hone hu ela mapfura;

MIRERO 30:9

ndi sa ḓo vha na zwinzhisa nda vho u ṱamba, nda vho ri, “Yahavee ndi nnyi?” kana nda vha mushai nda vho tswa, u ralo nda vha ndo nyadzisa dzina ḽa Mudzimu wanga.

YESAYA 6:10

“U tshi amba u gomadze mbilu dza havha vhathu, nḓevhe dzavho u dzi dzingise, maṱo avho u a swingise, uri maṱo avho a si vhone, nḓevhe dzi si pfe, mbilu dzi si ṱalukanye; vha sa ḓo rembuluwa nda vha fhodza.”

YESAYA 63:7

Ndi ḓo ḓivhadza lufuno lwa Muṋe washu na zwoṱhe zwine a fanela u rendelwa zwone; Muṋe washu o ri tonda zwinzhi; o itela Israele vhuthu vhuhulu, a ri pfela vhuṱungu; lufuno lwawe a lu dzinginyei.

JEREMIA 2:7

Ndo ni ḓisa shangoni ḽo vhibvelaho uri ni ḽe mitshelo yaḽo na zwivhuya zwaḽo. Huno inwi no ḓa na shata shango ḽanga tshika, ifa ḽe nda ni ṋea na ḽi ita zwi nengisaho.

JEREMIA 31:14

Vhotshifhe ndi ḓo vha fusha nga mapfura, vhathu vhanga vha ḓo fura vhuthu hanga. Ho amba Nṋe Yahavee.”

JEREMIA 32:23

Vho dzhena vha ḽi dzhia ḽa vha ḽavho, hone a vho ngo u thetshelesa, a vho ngo tevhedza milayo yau, a vho ngo ita zwe wa vha vhudza uri vha zwi ite. Ndi zwe wa vha ḓisela khombo hei yoṱhe.

ESEKIELE 20:6

Musi wonoyo ndo vha anela uri ndi ḓo vha pfulusa shangoni ḽa Egipita, nda vha isa shangoni ḽe nda vha ndo vha tandulela ḽone, shango ḽine ḽa ela mukhaha na ṋotshi, ḽi no fhira mashango oṱhe.

DANIELE 11:24

U ḓo dia mashango o pfumaho vhathu vha songo vhuya vha zwi lavhelela, a ita zwe vhokhotsi awe na vhomakhulukuku wawe vha si zwi ite. U ḓo kovhekanya vhathu vhawe zwe a thuba nndwani na zwe a ṱangula vhathu, na lupfumo. U ḓo luka vhunwa ha u tekula madzhavhelo, hone izwo u ḓo zwi ita tshifhinganyana.

HOSIA 13:6

Ndo ni ṋea zwiḽiwa na ḽa na fura, na ri u pfa no fura na thoma u ḓihudza, zwenezwo na nkhangwa.

HOSIA 3:5

Ngavhuya Vhaisraele vha ḓo vhuya, vha ṱoḓa Muṋe washu Mudzimu wavho na Dafita khosi yavho. Vha ḓo ḓa ha Muṋe washu vha tshi tetemela, vha wana mashudu awe misi ya vhufhelo.

VHAROMA 2:4

Kani-ha u khou tou nyadza vhulenda hawe vhuhulu na u konḓelela hawe na u sa fhela hawe mbilu? A u zwi vhoni uri vhulenda ha Mudzimu ndi ha uri iwe u laṱe vhuvhi naa?

DOTORONOMIO 3:5

Miḓi iyo yoṱhe yo vha yo tangwa nga mitsheṱo milapfu, i na tswinga dzo khwaṱhaho, ri sa vhali ḓorobo nnzhi-nnzhi dzi si na mitsheṱo dze ra phusukanya.

DOTORONOMIO 32:13

O vha hwala vha kanda miṱumbani ya dzithavha, a vha kanzwa nga mapfura a shango, a vha fusha nga ṋotshi dzi tshi bva phakhoni, lutomboni ha ela mapfura,

DOTORONOMIO 32:14

vha ḽa luvhomba lwa kholomo na mukhaha wa mbudzi, na ngwana dzo nonaho, na thutha na thongo dza Bashani, na goroi yavhuḓi i fhiraho yoṱhe, a vha nwisa waini ya nḓirivhe dzi ḓifhaho.

DOTORONOMIO 32:15

“Hone vha tshi ḽa vha fura, vha pfuma vha ḽa vha tou laṱa, ndi hone Jeshuruni a tshi vho thoma u pfunya, a landula Mudzimu o mu sikaho, a nyadza Bako ḽawe, vhushavhelo hawe.