NEHEMIA 9:23 - BIVHILI KHETHWA Mafhungo Madifha

²³ Wa vha ṋea vhana vha anda vha nga ṋaledzi dza lutomboni, wa ita uri vha kunde vha dzule afho shangoni ḽe wa fulufhedzisa vhomakhulukuku wavho uri u ḓo vha ṋea ḽone.

NEHEMIA 9:23 Iomraidhean Croise

GENESI 12:7

hone Muṋe washu a ḓa ha Abramu a ri, “Shango heḽi ndi ḓo ḽi ṋea vhana vhau.” Henefho a fhaṱela Mune washu we a ḓa khae aḽiṱari.

GENESI 15:18

Musi wonoyo Muṋe washu a vhofha mulanga na Abramu a ri, “Shango heḽino ndi ḽi ṋea vhana vhau, u bva mulamboni wa Egipita u swika mulamboni muhulu wa Yufuratha –

GENESI 15:5

A dzhia Abramu a bvela nae nnḓa, a ri, “Sedza ṱaḓulu u vhone dziṋaledzi. U nga kona u dzi vhala naa?” Ndi hone Muṋe washu a tshi ri, “Vhana vhau vha ḓo anda nga u ralo.”

GENESI 17:8

Shango ḽoṱhe ḽa Kanana hune zwino wa vha mutsinda, ndi ḓo u ṋea ḽa vha ḽau na vhana vhau lini na lini; Nṋe ndi ḓo vha Mudzimu wavho.”

GENESI 22:17

vhukumakuma ndi ḓo u shudufhadza nda andisa vhaḓuhulu vhau vha nga ṋaledzi dza lutomboni, vha nga muṱavha wa khunzikhunzini ya lwanzhe. Vhaḓuhulu vhau vha ḓo dzhia miḓi ya maswina avho ya vha yavho.

GENESI 26:3

Dzula hafhano shangoni heḽi tshifhinganyana, Nṋe ndi ḓo vha na iwe nda u shudufhadza. Mashango haya oṱhe ndi ḓo a ṋea iwe na vhaḓuhulu vhau, nda khwaṱhisa muano we nda anela khotsi au Abrahamu.

1 KORONIKA 27:23

Khosi Dafita a tshi vhala vhathu ho ngo ṅwala vhe vha vha vha sa athu vha na miṅwaha ya 20 kana vhaṱuku kha avho, nge Muṋe washu a vha o fulufhedzisa uri u ḓo andisa Vhaisraele vha nga ṋaledzi dza lutomboni.

EKISODA 1:12

Hone Vhaegipita vha tshi ḓi ṋaṋa u vha kandeledza, vhone vha ḓi ṋaṋa u anda vha ḓadza shango, Vhaegipita vha thoma u ofha Vhaisraele,

EKISODA 1:7

Hone vhaḓuhulu vha Israele vha vha na vhana vha anda vha tshi ya vha ḓadza shango.

DOTORONOMIO 28:62

No vha no anda unga ṋaledzi dza lutomboni, hone nge na si thetshelese zwe Muṋe washu Mudzimu waṋu a amba, hu ḓo sala vha si gathi.