NEHEMIA 9:2 - BIVHILI KHETHWA Mafhungo Madifha

² Vhane vha vha Vhasiraele nga malofha vha si ṱangane na vhatsinda, vha ima fhethu havho, vha bula vhutshinyi havho na zwivhi zwa vhokhotsi avho.

NEHEMIA 9:2 Iomraidhean Croise

1 MAHOSI 8:47

vha ri vhe henefho vha ḓisola, vha ṱavha mukosi vha ri, ‘Ro tshinya, ri na mulandu, ro ita vhuvhi,’ thetshelesa thabelo yavho.

ESRA 10:11

Zwino bulani vhuvhi haṋu ni vhu vhudze Muṋe washu Mudzimu wa vhokhotsi aṋu, ni ite zwine a zwi funa. Ḓikhetheni ni si vangane na tshakha dzo ni tangaho na vhasadzi vhasili.”

ESRA 6:21

Ndi hone Vhaisraele vho vhuyaho vhuthubwani vha tshi i ḽa, khathihi na vhoṱhe vhe vha ḓikhetha vha si tevhedze maitele a dzitshika a vhannḓa vhahura vhavho, uri vha ṱoḓe Muṋe washu Mudzimu wa Israele.

ESRA 9:1

Musi ho no itwa izwo zwithu, vharangaphanḓa vha ḓa ha nṋe vha ri, “Vhathu vha Israele, na vhone vhotshifhe na Vhalivi, a vho ngo ila zwa u dzetshelana na tshakha dza mashango o vha tangaho, vha no nga Vhakanana na Vhahithi na Vhapherisi na Vhajebusi na Vhaamoni na Vhamuaba na Vhaegipita na Vhaamori, vha vho tevhedza maitele adzo a nengisaho.

ESRA 9:15

Yawee Muṋe washu Mudzimu wa Israele, u a fulufhedzea! Wo ri litsha ra si fe vhoṱhe. Rí fhano ṋamusi ri na mulandu, ndi zwine ha si vhe na ane a nga ima phanḓa hau.”

ESRA 9:2

Vho dzhia vhaṅwe vha vhananyana vha vhenevho vha vha ita vhasadzi vhavho na vhana vhavho, u ralo ha vha u vanganya lushaka lukhethwa na dzitshakha dzo vha tangaho. Nahone vharangaphanḓa na magota vho vha vhone vha u ranga u sa fulufhedzea honoho.”

NEHEMIA 1:6

Thetshelesa nandi, nndavhelese nandi, u pfe thabelo yanga ndi tshi rabelela vhathu vha Israele vhalanda vhau vhusiku na masiari. Ndi bula vhutshinyi he riṋe Vhaisraele ra u khakhela ngaho. Nṋe na nnḓu ya khotsi anga ro tshinya.

NEHEMIA 10:28

“Riṋe Vhaisraele na vhotshifhe na Vhalivi na vhalindakhoro na vhaimbi na vhashumi vha thembeleni na vhaṅwe vhoṱhe vhane vha thetshelesa Mulayo wa Mudzimu vha ḓikhetha kha vhatsinda vha dzulaho shangoni ḽashu, riṋe, khathihi na vhasadzi vhashu na vhana vhashu vhoṱhe vho no thanyaho lune vha nga vha na ṱhalukanyo,

NEHEMIA 10:29

ri ḓibaḓekanya na vharangaphanḓa vhashu ra ana muano, une arali ra u pfuka ri teketelwe zwashu. Ri ri ri ḓo tshila ri tshi tevhedza Mulayo wa Mudzimu, we Mudzimu a u swikisa ha riṋe nga Mushe muḓinḓa wawe; ri ri ri ḓo ita zwoṱhe zwine Yahavee Muṋe washu a ri laya; nahone ri ri ri ḓo vhulunga ndayo dzoṱhe na zwi ṱoḓeaho.

NEHEMIA 13:3

Musi Vhaisraele vha tshi pfa uyo mulayo u tshi vhaliwa, vha pandela vhatsinda vhoṱhe vhe vha vha vha tshi dzula navho.

NEHEMIA 13:30

Ngauralo ndo kumulula vhotshifhe na Vhalivi uri hu bve zwoṱhe zwisili, nda vha ṋea mishumo, muṅwe na muṅwe a dzhena mushumoni wawe.

DZIPHISALEMA 144:11

Nndamukise kha pfumo ḽa vhuhali, u ntshidze zwanḓani zwa vhatsinda; milomo yavho i amba mazwifhi, naho vha tshi ana vha anela mazwifhi.

DZIPHISALEMA 144:7

Onyolosa tshanḓa tshau u ngeo ṱaḓulu, u ntshidze ndi si kumbiwe nga muḓalo wa maḓi, u nndamukise zwanḓani zwa vhatsinda;

MIRERO 28:13

Ane a dzumba vhutshinyi hawe a zwi mu nakeli; ane a vhu bula a vhu furalela, u khathutshelwa nga Mudzimu.

YESAYA 2:6

Muṋe washu, wo laṱa vhathu vhau vhana vha Jakopo; ho ḓala u tenda zwi siho zwi no bva mashangoni a Vhubvaḓuvha; vha ita zwa u bvumba unga Vhafilista; vha vho konana na vhannḓa.

JEREMIA 14:20

Muṋe washu, vhuvhi hashu ri a vhu vhona, milandu ya vhokhotsi ashu ri a i ḓivha, ngoho ro u khakhela.

JEREMIA 3:13

Iwe tenda mulandu, u tende uri wo shandukela Yahavee Mudzimu wau wa ḓiṋekedza midzimu isili fhasi ha miri yoṱhe yo adzaho, Nṋe wa si tsha nthetshelesa. Ho amba Nṋe Yahavee.”

DANIELE 9:20

Musi ndi tshi kha ḓi amba, ndi tshi kha ḓi rabela, ndi tshi khou swikisa khumbelo yanga phanḓa ha Muṋe washu Mudzimu wanga ndi tshi rabelela thavha khethwa ya Mudzimu wanga,

HOSIA 5:7

Vho shandukela Yahavee, vha beba vhana nga u ṱonḓola; ndi zwone, u ḓo vha lozwa na shango ḽavho ṅwedzi u sa athu fhela.