NEHEMIA 9:16 - BIVHILI KHETHWA Mafhungo Madifha

¹⁶ Hone vhomakhulukuku washu vha ḓihudza, vha ita tshipimbi vha hana u tevhedza ndayo dzau.

NEHEMIA 9:16 Iomraidhean Croise

2 MAHOSI 17:14

Hone vha si thetshelese, vha ita tshipimbi unga vhomakhulukuku wavho vhe vha si fulufhele Muṋe washu Mudzimu wavho.

2 KORONIKA 29:6

Vhokhotsi ashu vho vha vha sa fulufhedzei, vho ita zwi sa takadzi Mudzimu Muṋe washu, vha mu ṱutshela, vha lavhelesa thungo, vha furalela fhethu hune a dzula hone.

2 KORONIKA 30:8

Ni songo vha na tshipimbi unga vhokhotsi aṋu, thetshelesani Muṋe washu. Iḓani hukhethwa he Ene a hu ita hukhethwa ha lini na lini. Shumelani Muṋe washu Mudzimu waṋu, uri mbiti dzawe dzi ofhisaho dzi ni ṱutshele.

2 KORONIKA 36:13

Zwino Tsedekia a shandukela khosi Nebukhadnetsara, we a vha o mu anisa nga dzina ḽa Mudzimu. Tsedekia a ita tshipimbi, a konḓisa mbilu yawe, a si rembulutshele ha Muṋe washu Mudzimu wa Israele.

NEHEMIA 9:10

Wo ita maḓembe a kanukisaho a vhaisa Farao na magota awe na vhathu vha shango ḽawe, ngauri wo vha u tshi zwi ḓivha uri vha kolela vhathu vhau. Zwenezwo wa vha na bvumo ḽine wa kha ḓi vha naḽo na ṋamusi.

NEHEMIA 9:29

Wa ḓi vha laya uri vha tevhedze pfunzo dzau, hone vha ḓi u kolela vha landula milayo yau, vha pfuka ndaela dzau dzine arali muthu a dzi tevhedza a tshila; vha ita tshikhuna na tshipimbi, vha hana u thetshelesa.

DZIPHISALEMA 106:6

Ro tshinya unga vhokhotsi ashu, ro ita zwo vhifhaho, ra ḓiovhela mulandu.

DZIPHISALEMA 81:8

“Vhathu vhanga, thetshelesani ndi ni eletshedze; ngavhe ni tshi nthetshelesa, Israele!

EKISODA 15:26

Muṋe washu a ri, “Arali na thetshelesa ipfi ḽa Nṋe Yahavee Mudzimu waṋu zwavhuḓi, na ita zwine nda vhona zwi zwone, na vhulunga ndaela dzanga na tevhedza pfanelo dzoṱhe dze nda vhea, a thi nga ni ḓiseli khombo dzi no nga dziḽa dze nda dzi ḓisela Vhaegipita, ngauri ndi Nṋe Yahavee ane nda ni fhodza.”

EKISODA 32:9

Ndi a ḓivha uri vhathu avha vha na tshipimbi.

MIRERO 29:1

Muthu a no ri u kaidzwa lunzhi a ḓi ita tshipimbi, ha nga lengi u lozwiwa – a hu na ṅanga.

YESAYA 48:18

Ngavhe ni thetshelese ndaela dzanga nandi, mashudu aṋu o vha a tshi ḓo ela unga mulambo, gundo ḽaṋu ḽa ḓa unga magabelo a lwanzhe;

YESAYA 48:4

Ndo zwi ḓivha uri ni na tshipimbi, ni na mutsinga, ni omisa ṱhoho ya tou te unga tsimbi;

YESAYA 63:10

Naho zwo ralo vhone vha mu shandukela, vha ṱungufhadza Muya wawe Mukhethwa; ndi zwe a vho vha swina ḽavho a lwa navho.

JEREMIA 19:15

“Muṋe washu Mulangazwoṱhe Mudzimu wa Israele u ri, ‘Khombo dzoṱhe dze nda bula uri dzi ḓo wela vhathu havha, ndi khou dzi ḓisa muḓini houno na miḓini yo vhandekanaho nawo, nge vha ita tshipimbi vha si thetshelese maipfi anga.’ ”

JEREMIA 2:31

Thetshelesani zwine Muṋe washu a amba, u ri, “Kani-ha Vhaisraele vho vhona ndi tshi nga soga khavho, kana vha vhona ndi tshi nga shango ḽa swiswi ḽihulu? Inwi vhathu vhanga ndi mini ni tshi ri, ‘Ri tendeleka hune ra funa, a ri tsha humela ha Iwe’?

JEREMIA 7:26

Naho zwo ralo a hu na na we a vhuya a thetshelesa kana a zwi dzhiela nzhele. Tshe na ita tsho vha tshipimbi na u ntshandukela u fhira na vhomakhulukuku waṋu.

ESEKIELE 5:6

U na luswetho, wo shandukela ndayo dzanga u fhira tshakha dza vhannḓa; wo shandukela milayo yanga u fhira mashango o u tangaho; wo landula ndayo dzanga, wa hana u vhulunga milayo yanga.”

MISHUMO 7:51

“Nṋa ni tou vha na tshikhuna-ḓe! Khezwi mbilu dzaṋu na nḓevhe dzaṋu dzi tshi tou nga dza vhannḓa vha songo fumbaho! No tou dzhia zwone zwa vhomakhulukuku waṋu vhukuma. Na inwi tshifhinga tshoṱhe ni ḓi itela Muya Mukhethwa tshipimbi!

VHAROMA 2:5

Hone nga tshipimbi tshau na mbilu i sa laṱi vhuvhi hayo, u khou ḓiṋaṋisela ṱhamu ya Mudzimu ine ya ḓo vhonala nga ḓuvha ḽa khaṱhulo yawe i sa khakhi.

DOTORONOMIO 31:27

Nṋe ndi ḓivha uri ni vhadzia-u-shanduka na vhadzia-tshipimbi, hufha no shandukela Muṋe washu nṋe ndi tshi kha ḓi tshila, zwino musi ndo no fa zwi ḓo vha zwingafhani?

DOTORONOMIO 32:15

“Hone vha tshi ḽa vha fura, vha pfuma vha ḽa vha tou laṱa, ndi hone Jeshuruni a tshi vho thoma u pfunya, a landula Mudzimu o mu sikaho, a nyadza Bako ḽawe, vhushavhelo hawe.

DOTORONOMIO 5:29

Ngavhe vha tshi dzula vhe na muya wonoyo wa u nnyofha na u tevhedza ndaela dzanga misi yoṱhe, zwa ralo ndi hone vhone na vhana vhavho zwi tshi ḓo vha nakela lini na lini.

DOTORONOMIO 9:13

Muṋe washu a isa phanḓa a ri, ‘Ndo no zwi vhona uri lushaka holu lwo tou ita hani, vha na tshipimbi.

DOTORONOMIO 9:27

A u elelwi zwau vhaḓinḓa vhau Abrahamu na Isaka na Jakopo naa? U songo londa u konḓa ha lushaka holu na vhuvhi havho na vhutshinyi havho!

DOTORONOMIO 9:6

Tshaṋu ndi u ḓivha-ha uri Muṋe washu Mudzimu waṋu ha khou itwa nga vhuvhuya haṋu a tshi ni ṋea shango iḽi ḽavhuḓi uri ḽi vhe ḽaṋu, hufha ni vhathu vha tshipimbi.

VHAHEBERU 3:13

Ipfi heḽi ḽi no ri, “ṋamusi” ḽi tshi kha ḓi pfala nḓevheni dzaṋu ni dzule ni tshi ṱuṱuwedzana maḓuvha oṱhe, uri hu si vhe na muthihi waṋu ane a nga fhurwa a tshinya a vho ḓo ita tshipimbi.

VHAHEBERU 3:15

Ndi zwine Maṅwalo a ri, “Ṋamusi ni tshi pfa ipfi ḽa Mudzimu ni songo ita tshipimbi sa zwiḽa ni tshi nṱunga.”