NEHEMIA 9:14 - BIVHILI KHETHWA Mafhungo Madifha

¹⁴ Wa vha funza uri Dzisabatha dzau vha dzi ite khethwa, wa swikisa milayo yau khavho nga muḓinḓa wau Mushe.

NEHEMIA 9:14 Iomraidhean Croise

GENESI 2:3

Mudzimu a ri ḓuvha ḽa vhuṱanu na vhuvhili ḽi vhe na mashudu, ḽi vhe ḽikhethwa, nge a awela ngaḽo ó fhedza mushumo wawe woṱhe wa u sika.

NEHEMIA 1:8

Elelwa ndayo dze wa ṋea Mushe muḓinḓa wau u tshi ri, ‘Arali inwi vhathu vha Israele ni tshi ntshandukela, ndi ḓo ni balanganya na dziṅwe tshakha.

NEHEMIA 10:32

“Ṅwaha muṅwe na muṅwe roṱhe ri ḓo bvisa giramu ṱhanu dza siliva u farisa u lifha tshinyalelo ya thembele ya Mudzimu washu.

EKISODA 16:23

ene a vha vhudza a ri, “Ndaela ya Muṋe washu ngei: Matshelo ndi ḓuvha ḽa u awela tshoṱhe, ndi Sabatha khethwa ya Muṋe washu. Hadzingani zwine na funa u hadzinga, bikani zwine na funa u bika, zwoṱhe zwo salaho ni zwi vhetshele ḽa matshelo.”

EKISODA 16:29

Vhonani! Ndo ni vhetshela Sabatha, nga ḓuvha ḽa vhuṱanu na vhuthihi nda ni ṋea zwiḽiwa zwa maḓuvha mavhili ndi tshi itela zwenezwo; muṅwe na muṅwe waṋu a dzule henefho hune a vha hone; nga ḓuvha ḽa vhuṱanu na vhuvhili hu songo vha na ane a ṱuwa hayani hawe.”

EKISODA 24:12

Muṋe washu a vhudza Mushe a ri, “Gonya kha Nṋe ngeno thavhani u dzule henefho musi ndi tshi u ṋea maḓaba a matombo a na mulayo na ndaela zwe nda ṅwala uri ndi vha funze.”

ESEKIELE 20:11

Ndo vha ṋea milayo yanga nda vha funza ndayo dzanga uri dzi tevhedzwe nga vhoṱhe vhane vha funa u tshila.

ESEKIELE 20:12

Nda vha ṋea na Dzisabatha dzanga uri tshi vhe tshiga vhukati hanga na vhone, uri vha gude uri Nṋe, Yahavee, ndi Nṋe ane nda vha ita vhakhethwa.

ESEKIELE 20:20

Sabatha dzanga dzi iteni khethwa, nga dzi vhe tshiga tsha pfano yanga na inwi, uri vhathu vha ḓivhe uri ndi Nṋe Yahavee Mudzimu waṋu.

LIVITIKO 19:3

Muṅwe na muṅwe nga a hulise mme awe na khotsi awe, nahone a vhulunge Sabatha sa zwe nda ni laya. Ndi Nṋe Yahavee Mudzimu waṋu.

LIVITIKO 27:34

Hedzo ndi dzone nduvho dze Muṋe washu a laedza Mushe thavhani ya Sinai, dze dza pfi dzi bviswe nga Vhaisraele.

JOHANISI 1:17

Mulayo Mudzimu o u ṋea vhathu nga tshanḓa tsha Mushe; vhuthu hawe na ngoho yawe zwa ḓa nga Yesu Khristo.

DOTORONOMIO 4:45

ndi vhuṱanzi na milayo na ndaela dze Mushe a funza Vhaisraele musi vho no pfuluwa Egipita.

DOTORONOMIO 4:5

“Vhonani, ndi khou ni laya yeneyo milayo na dzenedzo ndaela dze Muṋe washu Mudzimu wanga a mmbudza, ndi zwone, ni zwi tevhedze musi ni tshi dzula shangoni ḽine na khou dzhena khaḽo zwino uri ni ḽi dzhie ḽi vhe ḽaṋu.

DOTORONOMIO 5:31

huno iwe u ime fhano na Nṋe, ndi u laye ndi u vhudze ndayo dzanga dzoṱhe na milayo na ndaela zwine wa ḓo vha funza uri vha zwi tevhedze vhe shangoni ḽine nda ḓo vha ṋea uri ḽi vhe ḽavho.’