NEHEMIA 9:10 - BIVHILI KHETHWA Mafhungo Madifha

¹⁰ Wo ita maḓembe a kanukisaho a vhaisa Farao na magota awe na vhathu vha shango ḽawe, ngauri wo vha u tshi zwi ḓivha uri vha kolela vhathu vhau. Zwenezwo wa vha na bvumo ḽine wa kha ḓi vha naḽo na ṋamusi.

NEHEMIA 9:10 Iomraidhean Croise

NEHEMIA 9:16

Hone vhomakhulukuku washu vha ḓihudza, vha ita tshipimbi vha hana u tevhedza ndayo dzau.

NEHEMIA 9:29

Wa ḓi vha laya uri vha tevhedze pfunzo dzau, hone vha ḓi u kolela vha landula milayo yau, vha pfuka ndaela dzau dzine arali muthu a dzi tevhedza a tshila; vha ita tshikhuna na tshipimbi, vha hana u thetshelesa.

DZIPHISALEMA 83:18

Ndi hone vha tshi ḓo ḓivha uri u pfi Muṋe washu, Waṱaḓuluṱaḓulu, Muṋe wa ḽifhasi ḽoṱhe, ndi Iwe u woṱhe.

EKISODA 18:11

musi vha tshi ni levhela. Zwino ndi vho zwi ḓivha uri Yahavee ndi muhulwane kha midzimu yoṱhe.”

EKISODA 3:20

Ndi ḓo sumbedza maanḓa anga, nda lifhedza Egipita nga zwimangadzo zwoṱhe zwine nda ḓo zwi shuma henengei. Ndi hone Farao a tshi ḓo konou ni litsha na ṱuwa.

EKISODA 5:2

Farao a fhindula a ri, “Yahavee ndi nnyi, ane nda fanela u mu thetshelesa nda litsha Vhaisraele vha ṱuwa? Yahavee a thi mu ḓivhi nahone a thi nga litshi Vhaisraele vha ṱuwa.”

EKISODA 7:1

Muṋe washu a fhindula Mushe a ri, “Vhona, ndi ḓo ita uri u nge mudzimu u na Farao, Aroni mukomana wau u ḓo nga muporofita wau.

EKISODA 9:16

Hone ndo ni litsha na tshila ndi tshi itela uri ni vhone maanḓa anga na uri bvumo ḽanga ḽi pfale ḽifhasi ḽoṱhe.

YESAYA 42:20

No vhona zwithu zwinzhi na si zwi londe; no pfa mafhungo na si a dzhiele nzhele.”

YESAYA 63:12

a shuma mishumo ya vhugala, ya maanḓa, nga tshanḓa tsha Mushe, a fhandekanya maḓi a lwanzhe, vha fhira vhukati hao, uri a vhe na bvumo ḽa lini na lini?

YESAYA 63:14

Muya wa Muṋe washu o vha awedza unga kholomo dzi tshi tsela govhani ḽa pfulo i titimaho; o endedza vhathu vhawe nga u ralo, dzina ḽawe ḽa huliswa.”

JEREMIA 32:20

Wo ita zwiga zwa maḓembe na zwimangadzo shangoni ḽa Egipita, na ṋamusi u kha ḓi zwi ita kha ḽa Israele na kha vhathu vhoṱhe, wa vha na bvumo, na ṋamusi.

ESEKIELE 20:9

Hone Nṋe nda si zwi ite, ndi tshi ri tshakha dze vha vha vha tshi dzula nadzo dzi si nyadze dzina ḽanga, ngauri ndo vha ndo no ḓi amba nda ri ndi ḓo pfulusa vhathu vhanga Egipita nda vha endedza tshakha hedzo dzi tshi zwi vhona.

DANIELE 4:37

Zwino nṋe Nebukhadnetsara ndi ri, “Nga hu khoḓwe, hu huliswe, hu rendwe Khosi ya ṱaḓulu, zwoṱhe zwine a ita ndi zwone, ha khakhi, u na maanḓa a u ṱukufhadza vhane vha ḓihudza.”

DANIELE 5:23

Vho nyadza Muṋe wa makole, vho ri midzio ya thembele yawe i ḓiswe ha vhone, vhone na magota avho na vhafumakadzi vhavho na vhasadzi vhavho vha dziphuli vha nwa waini ngayo, vha renda midzimu ya musuku na siliva na musinaseṱha na tsimbi, na thanda na matombo, i sa vhoni, i sa pfi, i sa ṱalukanyi tshithu, vha litsha u hulisa Mudzimu Ene a no vha ṋea mufemo a langa zwoṱhe zwine vha ita, nga tshanḓa tshawe.

DANIELE 9:15

Zwino Muṋe wa zwoṱhe Mudzimu washu, wo ri bvisa shangoni ḽa Egipita nga tshanḓa tshau tsha maanḓa, bvumo ḽau ḽi kha ḓi pfala na ṋamusi; riṋe ro tshinya, ro ita vhuvhi.

MISHUMO 7:36

Ndi ene we a pfulusa vhathu Egipita, a ita na maḓembe na zwimangadzo shangoni ḽa Egipita na Lwanzheni Lutswuku, a ḓi ralo miṅwaha ya 40 vhe sogani.

VHAROMA 9:17

Maṅwalo a tshi amba Farao a ri, “Ndi tshi u vhumba khosi ndo itela zwenezwi zwa uri ndi vhonadze maanḓa anga nga iwe, na uri dzina ḽanga ḽi ḓivhee shangoni ḽoṱhe.”

DOTORONOMIO 4:34

Ni sedze arali muṅwe mudzimu o vhuya a luma mbilu a ḓa a ḓidzhiela lushaka a lu pfulusa vhukati ha luṅwe unga Muṋe washu o ni bvisa Egipita. Kani ho ngo tou rwa Vhaegipita nga mabulayo, a vha sumbedza maḓembe na zwimangadzo, a ni lwela Ene muṋe nga mishumo mihulu ya maanḓa, mishumo i ofhisaho?

DOTORONOMIO 7:19

Hufha no vhona nga aṋu maṱo uri Muṋe washu Mudzimu waṋu o rwa Vhaegipita nga mabulayo mangafhani na zwiga zwingafhani na maḓembe mangafhani, na uri o ni pfulusa Egipita nga maanḓa mahulu a sa konadzei; ndi zwone zwine a ḓo ita na tshakha dzoṱhe dzine inwi na nga dzi ofha.

1 PITROSI 5:5

Na inwi vhaṱuku ni thetshelese vhakalaha na vhakegulu. Noṱhe kha u tshilisana haṋu ni ḓipute nga u ḓiṱukufhadza. Maṅwalo a ri, “Mudzimu u lwa na vhane vha ḓihudza, hone vhane vha ḓiṱukufhadza u vha itela vhuthu.”