NEHEMIA 9:1 - BIVHILI KHETHWA Mafhungo Madifha

¹ Nga ḓuvha ḽa 24 ḽa ṅwedzi wonoyo, Vhaisraele vha kuvhangana, vha ḓidzima zwiḽiwa, vha ambara madzanganda, vha ḓishela buse ṱhohoni.

NEHEMIA 9:1 Iomraidhean Croise

2 SAMUELE 1:2

Nga ḓuvha ḽa vhuraru ha swika munna a tshi bva mishashani ya Saulo, zwiambaro zwawe zwo kherukana, ṱhohoni yawe o shela mavu. Musi a tshi swika ha Dafita a wa nga magona a luvha.

2 KORONIKA 20:3

Josafati a tshenuwa, a rabela a vhudzisa Muṋe washu, a ḓivhadza uri vhathu vhoṱhe vha Juda vha ḓidzime zwiḽiwa.

2 KORONIKA 7:10

Nga ḓuvha ḽa 23 ḽa ṅwedzi wa vhuṱanu na vhuvhili Solomoni a ri vhathu vha ye mahayani avho, vha ṱuwa vha tshi pembela, vho takala mbiluni dzavho nga zwivhuya zwe Muṋe washu a itela Dafita na Solomoni na vhathu vhawe Vhaisraele.

ESRA 8:21

Henefho tsini ha ḽigero ḽa Ahava, ndo ḓivhadza vhathu uri vha ḓidzime zwiḽiwa, uri ri kone u ḓiṱukufhadza phanḓa ha Mudzimu washu, ri mu humbele uri a ri tsireledze lwendoni lwashu, riṋe na vhana vhashu na thundu yashu.

ESRA 8:23

Ndi hone ri tshi ḓidzima zwiḽiwa ra humbela Mudzimu washu zwenezwo, Ene a fhindula thabelo yashu.

NEHEMIA 8:2

Ndi hone nga ḓuvha ḽa u ranga ḽa ṅwedzi wa vhuṱanu na vhuvhili tshifhe Esra a tshi ḓisa Mulayo tshivhidzoni tsha vhanna na vhasadzi na vhana vho thanyaho.

ESTERE 4:16

“Nga vha kuvhanganye Majuda vhoṱhe vha re muḓini wa Shushani, vha ḓidzime zwiḽiwa, vha nthabelele. Vha fhedze maḓuvha mararu vha sa ḽi tshithu vha sa nwi tshithu na vhusiku. Nṋe na vhashumi vhanga vha vhasidzana ri ḓo ita-vho nga u ralo. Musi ro no ita hezwo, ndi ḓo ya ha khosi, naho mulayo u sa tendi. Arali nda lovha, ndi ḓo ḓi lovha zwanga.”

ESTERE 4:3

Hoṱhe-hoṱhe madzinguni he ha ḓivhadzwa ndaela ya khosi, Majuda vho vha vha tshi khou ṱavha mukosi, vha tshi ḓidzima zwiḽiwa, vha tshi lila vha tshi tou ongolela, vhanzhi vhavho vha ambara madzanganda, vha vhumbuluwa milorani.

JOBO 2:12

Musi vha tshi kha ḓi vha kule vha vhona Jobo, hone vha si mu ḓivhe; vha tshi vhona uri ndi ene vha thoma u rothisa miṱodzi vha honḓa, vha kherukanya zwiambaro zwavho vhó ṱungufhala, vha hasha buse muyani na ṱhohoni dzavho.

YESAYA 22:12

Muṋe wa zwoṱhe, Muṋe washu Mulangazwoṱhe o ni vhidza musi wonoyo uri ni lile ni tou honḓa, ni palule ṱhoho dzaṋu, ni ambare madzanganda nga u pfa vhuṱungu.

JUELE 2:12

Muṋe washu u ri, “Tshifhinga ndi tshone, vhuelelani ha Nṋe nga mbilu yaṋu yoṱhe, ni ḓidzime zwiḽiwa, ni tsengise miṱodzi, ni lile.

LIVITIKO 23:39

Musi no no kaṋa masimu aṋu, itani vhuṱambo hoho ha Muṋe washu ni fhedze maḓuvha maṱanu na mavhili, ni thome nga ḓuvha ḽa 15 ḽa ṅwedzi wa vhuṱanu na vhuvhili. Ḓuvha ḽa u ranga ḽi ḓo vha ḓuvha ḽa u awela.

JOSHUA 7:6

Joshua na vharangaphanḓa vha Israele vha ṱungufhala vha kherukanya zwiambaro zwavho, vha ḓiposa fhasi phanḓa ha mbulungelo ya mulanga ya Muṋe washu vha shuvhama henefho ḽa vhuya ḽa kovhela, vha ḓihasha buse ṱhohoni dzavho u sumbedza u pfa havho vhuṱungu.

NZUMBULULO 11:3

Nṋe ndi ḓo ruma ṱhanzi dzanga mbili dza fhedza maḓuvha a 1 260 dzi tshi khou ḓivhadza vhathu zwine nda funa, dzo ambara madzanganda.”

VHARANGAPHANḒA 20:26

Ndi hone Vhaisraele vhoṱhe vha tshi gonya Bethele vha yo lila vho dzula phanḓa ha Muṋe washu. Musi wonoyo vha ḓidzima zwiḽiwa ḽa vhuya ḽa kovhela, vha ṋekedza Muṋe washu zwiṱhavhelo zwi fhiswaho na nduvho dza vhuthihi.

1 SAMUELE 4:12

Musi wonoyo ha ḓa munna a no bva kha tsinde ḽa Benyamini, a gidima a tshi bva nndwani a ya Shilo; zwiambaro zwawe zwo vha zwo kherukana, ó ḓishela mavu ṱhohoni.

1 SAMUELE 7:6

Vha mbo kuvhangana Mitsipha, vha ka maḓi, vha a shulula phanḓa ha Muṋe washu. Musi wonoyo vha ḓidzima zwiḽiwa, vha bula vhuvhi havho vha ri, “Ro khakhela Muṋe washu.” Henefho Mitsipha Samuele a laya Vhaisraele.