NEHEMIA 8:6 - BIVHILI KHETHWA Mafhungo Madifha

⁶ Esra a ri, “Nga hu rendwe Muṋe washu, Mudzimu muhulu!” Vhathu vhoṱhe vha imisa zwanḓa vha ri, “Amen! Amen!” Vha gwadama vha luvha, zwifhaṱuwo zwavho zwa kwama fhasi.

NEHEMIA 8:6 Iomraidhean Croise

GENESI 14:22

Hone Abramu a vhudza khosi ya Sodoma a ri, “Ndo imisa tshanḓa nda anela Muṋe washu, Mudzimu Waṱaḓuluṱaḓulu, Musiki wa ḽiṱaḓulu na ḽifhasi,

GENESI 24:26

Ndi hone uyo munna a tshi kotamela fhasi a luvha Muṋe washu,

1 KORONIKA 16:36

Nga hu rendwe Muṋe washu Mudzimu wa Israele, u bva tsha kale na kale, na lini na lini. Ndi hone vhathu vhoṱhe vha tshi ri, “Amen! Nga hu rendwe Muṋe washu!”

1 KORONIKA 29:10

Khosi Dafita a renda Muṋe washu henefho phanḓa ha tshivhidzo tshoṱhe a ri, “Thendo nga i ye ha Iwe Muṋe washu, Mudzimu wa khotsi ashu Israele, zwino na lini na lini.

1 KORONIKA 29:20

Ndi hone Dafita a tshi vhudza tshivhidzo tshoṱhe a ri, “Rendani Muṋe washu Mudzimu waṋu!” Ndi hone vhoṱhe vha tshi renda Muṋe washu Mudzimu wa vhokhotsi avho, vha gwadama, vha shuvhama phanḓa ha Muṋe washu na khosi.

2 KORONIKA 20:18

Khosi Josafati a kotama tshifhaṱuwo tshawe tsha kwama fhasi, vhathu vhoṱhe vha Juda na Jerusalema vha gwadama phanḓa ha Muṋe washu vha luvha.

2 KORONIKA 29:10

“Zwino ndo elekanya u vhofha mulanga na Muṋe washu, Mudzimu wa Israele, uri mbiti dzawe dzi ofhisaho dzi ri ṱutshele.

2 KORONIKA 29:30

Khosi Hiskia na vhakoma vhawe vha vhudza Vhalivi uri vha rende Muṋe washu nga nyimbo dza Dafita na dza muvhoni Asafu; Vhalivi vha mbo renda vho takala, vha konou gwadama vha rabela.

2 KORONIKA 6:4

Ndi hone Solomoni a tshi ri, “Nga hu rendwe Muṋe washu Mudzimu wa Israele! Zwe a fulufhedzisa khotsi anga Dafita nga mulomo wawe, o zwi khunyeledza nga maanḓa awe.

NEHEMIA 5:13

Nda ita na u ukhutha phendelo dza khanzu yanga nda ri, “Mudzimu u ḓo ukhutha munna muṅwe na muṅwe nga u ralo, ane a si ite zwe a fulufhedzisa. Mudzimu u ḓo ni dzhiela nnḓu dzaṋu na zwoṱhe zwine na vha nazwo, a ni sia ni si na tshithu.” Tshivhidzo tshoṱhe tsha ri, “Amen!” vha renda Muṋe washu. Vhathu vha ita zwe vha fulufhedzisa.

NEHEMIA 8:7

Vha konou takuwa vha ima vhuimoni havho, vhaṅwe Vhalivi vha ṱalutshedza Mulayo. Vhenevho ndi Jeshua na Bani na Sherebia na Jamini na Akubu na Shabithai na Hodia na Maaseya na Kelitha na Azaria na Jozabadi na Hanani na Phelaya.

DZIPHISALEMA 134:2

Imisani zwanḓa zwaṋu no livha hukhethwa, ni rende Muṋe washu.

DZIPHISALEMA 141:2

Ngavhe thabelo yanga i tshi swika phanḓa hau unga zwioro; ndi tshi imisa zwanḓa zwi nge nduvho ya nga madekwana.

DZIPHISALEMA 28:2

Thetshelesa ndi tshi u luvhelela, ndi tshi u ṱavhela mukosi ndó imisela zwanḓa nṱha zwó livha pfamoni yau khethwa.

DZIPHISALEMA 41:13

Nga hu rendwe Muṋe washu Mudzimu wa Israele zwino na lini na lini. AMEN, AMEN!

DZIPHISALEMA 63:4

Ndi ḓo u livhuha vhutshilo hanga hoṱhe, nda imisa zwanḓa zwanga ndi tshi u rabela.

DZIPHISALEMA 95:3

Muṋe washu ndi Mudzimu muhulu, ndi Khosi khulu i vhusaho midzimu yoṱhe.

EKISODA 12:27

ni vha vhudze ni ri, ‘Ndi tshiṱhavhelo tsha Paseka tshine tsha itelwa u hulisa Muṋe washu; o fhira nnḓu dza Vhaisraele vhe Egipita, a vhulaha Vhaegipita a tsireledza nnḓu dzashu.’ ” Vhathu vha gwadama vha luvha.

EKISODA 4:31

Vhathu vha zwi tenda, vha pembela nge Muṋe washu a londa Vhaisraele, a vhona u tambula havho; vha gwadama vha luvha.

JEREMIA 28:6

A ri, “Amen! Ngavhe Muṋe washu a tshi ita nga u ralo! Ngavhe Muṋe washu a tshi khunyeledza maipfi e na a porofita! Ngavhe a tshi dzhia thundu ya nnḓu ya Muṋe washu ngei Babele a i vhuedzedze fhano khathihi na mathubwa oṱhe.

ZWILILO 3:41

Nga ri livhise mbilu dzashu na zwanḓa zwashu ha Mudzimu a re ṱaḓulu ri ri,

LIVITIKO 9:24

Muṋe washu a mbo posa mulilo kha aḽiṱari, wa fhisa nduvho i fhiswaho na miraḓo yo nonaho henefho kha aḽiṱari. Musi vhathu vha tshi zwi vhona, vha fhululedza, vha kotama vha wa nga zwifhaṱuwo.

MATIOSI 26:39

A fhirela phanḓanyana a ḓiposa fhasi a wa nga tshifhaṱuwo a rabela a ri, “Khotsi anga, arali zwi tshi konadzea itshi tshinwelo a tshi mpfuki zwanga naa? Naho ndi tshi ralo hu songo itwa zwine Nṋe nda zwi funa, nga hu itwe zwi funwaho nga Iwe.”

MATIOSI 6:13

U si tende ri tshi ungwa nga Muvhi; a tshi ri unga u ri lamulele.’ [Ngauri muvhuso ndi wau, na maanḓa, na vhugala, nga hu sa fheli.]

1 VHAKORINTA 14:16

Arali u tshi khou renda Mudzimu nga muya wau fhedzi, muṅwe muthu zwawe a re henefho a nga kona hani u bvumela thabelo yau a ri “Amen”? Hufha a sa pfi zwine wa khou amba.

VHAEFESA 1:3

Nga hu rendwe Mudzimu, Khotsi a Muṋe washu Yesu Khristo, Ene we nga Khristo a ri ṋea mashudu oṱhe a zwa muya a bvaho ṱaḓulu.

1 TIMOTI 2:8

Ndi funa vhanna vha tshi rabela zwivhidzoni zwoṱhe vho kuna, vha tshi rabela vhá songo sinyuwa, vha sa ṱaṱisani.

1 PITROSI 1:3

Kha ri rende Mudzimu, Khotsi a Muṋe washu Yesu Khristo. O ri khathutshela zwihulu a ri beba nga huswa uri ri vhe na zwe ra fulufhela zwine zwa ḓo vha vhutshilo hashu, ri vhe na ifa ḽi sa ṱahali, ḽi sa siḓufhali, ḽi sa haluluwi, ḽe a ni vhulungela ngei ṱaḓulu. Hezwo ro kona u zwi wana nge Yesu Khristo a vuswa vhafuni.

NZUMBULULO 7:11

Zwenezwo vharuṅwa vhoṱhe vho imaho vho tanga khuluṋoni na vhahulwane na zwivhumbwa zwi tshilaho zwiṋa vha mbo ḓi wa nga zwifhaṱuwo vho livhana na khuluṋoni, vha luvha Mudzimu