NEHEMIA 8:17 - BIVHILI KHETHWA Mafhungo Madifha

¹⁷ Vhathu vhoṱhe vho vhuyaho vhuthubwani vha fhaṱa mishasha, vha dzula ngomu hayo. Ulwo lwo vha lu lwone lwa u thoma zwi tshi itiwa u bva misi ya Joshua ṅwana wa Nunu. Vho vha vho takala nga maanḓa.

NEHEMIA 8:17 Iomraidhean Croise

1 KORONIKA 29:22

Musi wonoyo vha ḽa vha nwa, vha pembela phanḓa ha Muṋe washu. Ndi hone vha tshi ḓivhadza lwa vhuvhili uri Solomoni ṅwana wa Dafita ndi khosi, vha mu ḓodza mapfura nga dzina ḽa Muṋe washu uri a vhe muvhusi wavho, Tsadoko a vha tshifhe.

2 KORONIKA 30:26

Ho vha na dakalo fulu muḓini wa Jerusalema, ndi uri ho vha hu sa athu vhuya ha itea zwo raloho Jerusalema u bva misi ya Solomoni khosi ya Israele, ṅwana wa Dafita.

2 KORONIKA 35:18

Ho vha hu sa athu vhuya ha vha na vhuṱambo ha Paseka vhu no nga hoho shangoni ḽa Israele, u bva misi ya muporofita Samuele, a hu na muṅwe wa mahosi a Israele we a vhuya a ita vhuṱambo ha Paseka vhu no nga ha khosi Josiasi na vhotshifhe na Vhalivi na vhathu vhoṱhe vha Juda na Vhaisraele vhe vha vha vhe henefho na vhathu vha Jerusalema.

2 KORONIKA 8:13

O ṋekedza zwiṱhavhelo zwi fhiswaho a tshi tevhedza Mulayo wa Mushe wa zwi ṱoḓeaho ḓuvha ḽikhethwa ḽiṅwe na ḽiṅwe, Dzisabatha na vhuṱambo ha Ṅwedzi Muswa na vhuṱambo ha ṅwaha nga ṅwaha, vhuṱambo ha Vhurotho vhu si na mbilisa na vhuṱambo ha Mishasha.

ESRA 3:4

Vha ita vhuṱambo ha Mishasha hu tshi tevhedzwa zwo ṅwalwaho; ḓuvha ḽiṅwe na ḽiṅwe vha ṋekedza tshiṱhavhelo tshi ṱoḓeaho ḓuvha ḽeneḽo.

JOHANISI 1:14

Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

DOTORONOMIO 16:15

Vhuṱambo uho ni vhu ite maḓuvha maṱanu na mavhili ni tshi itela u hulisa Muṋe washu Mudzimu waṋu nó kuvhangana fhethu he a ḓinangela. Nga ḽi vhe dakalo fhedzi, ngauri Muṋe washu Mudzimu waṋu o ni shudufhadza kha zwoṱhe zwe na lima na zwe na shuma.

VHAHEBERU 11:13

Vhathu havho vhoṱhe vho fa vhe na lutendo. Vho fa vha sa athu wana zwe vha fulufhedziswa. Vho tou zwi vhona zwi tshee kule vha zwi pembelela, vha tenda uri vha tou vha vhatsinda na vhafhiri fhano shangoni.

VHAHEBERU 11:9

Nga lutendo lwonolwo a vha ṱhunḓu shangoni ḽe a fulufhedziswa; a dzula dzidenndeni, na Isaka na Jakopo vhe vha vha vho fulufhedziswa ifa ḽeneḽo vha ḓi dzula-vho dzidenndeni sa ene.

VHAHEBERU 4:8

Ngavhe Joshua a dzhenise vhathu vhuaweloni, ndi musi Mudzimu a sa ḓo ri ngavhuya a dovha a amba zwa ḽiṅwe ḓuvha.

JOSHUA 1:1

Musi Mushe muḓinḓa wa Muṋe washu o no fa, Muṋe washu a amba na tshanḓa tsha Mushe, Joshua ṅwana wa Nunu, a ri,