NEHEMIA 7:2 - BIVHILI KHETHWA Mafhungo Madifha

² Nṋe nda vhea vhanna vhavhili uri vha lange muḓi wa Jerusalema: ndi murathu wanga Hanani, na Hanania mulangi wa mutsheṱo wa dzhavhelo. Hanania o vha a tshi fulufhedzea, a tshi ofha Mudzimu u fhira vhanna vhanzhi.

NEHEMIA 7:2 Iomraidhean Croise

GENESI 42:18

Nga ḓuvha ḽa vhuraru Josefa a vha vhudza a ri, “Nṋe ndi ofha Mudzimu, zwenezwo arali ni tshi ṱoḓa u tshila itani hezwi:

2 SAMUELE 23:3

Mudzimu wa Israele o amba na nṋe, bako ḽa Israele o mmbudza a ri, ‘Muthu a no vhusa vhathu a ita zwi re zwone, a vhusa nga u ofha Mudzimu,

1 MAHOSI 18:12

Nṋe a thi ḓivhi hune Muya wa Muṋe washu a ḓo vha hwala a vha isa hone musi ndi tshi vha ṱutshela. Arali nda yo vha swikisa ha Ahaba, a si vha wane, u ḓo mmbulaha. Naho zwo ralo nṋe ndo ḓi luvha Muṋe washu u bva hanani hanga.

1 MAHOSI 18:3

Ahaba a vhidzisa Obadia we a vha a tshi langa pfamo. Obadia o vha a tshi hulisa Muṋe washu nga mbilu yoṱhe.

NEHEMIA 1:2

Murathu wanga Hanani a swika a tshi bva Juda e na tshigwada tsha vhanna, nda vha vhudzisa nga Jerusalema na mutakalo wa Majuda vha hashu vhe vha vhuya vha tshi bva vhuthubwani Babele.

NEHEMIA 10:23

na Hoshia na Hanania na Hashubu,

NEHEMIA 13:13

Nda vhea vhaṅwe vhanna uri vha lange nnḓu dza u vhulungela thundu; ndi tshifhe Shelemia na Tsadoko muḓivhi wa Mulayo na Phedaya ane a vha Mulivi; Hanani, ṅwana wa Zakhuru ṅwana wa Mathania a vha tshanḓa tshavho. Ndo vha ndi tshi ḓivha uri avho vhanna vha a fulufhedzea, vha ḓo kovhela vhashumi vha havho mikovhe yavho.

NEHEMIA 2:8

Nda humbela na luṅwalo lu no ya ha Asafu, mulindi wa maṱaka a musanda, a mu vhudze uri a mphe matanda a khoro dza dzhavhelo ḽo tangedzaho thembele, na a mitsheṱo ya muḓi na a nnḓu ine nda ḓo dzula khayo. Khosi ya mpha zwoṱhe zwe nda humbela nge Mudzimu nga tshanḓa tshawe tsha vhuthu a ita uri zwi nnakele.

NEHEMIA 5:15

Vhavhusi vhoṱhe vhe vha vhusa nṋe ndi sa athu vhusa vho vha vha tshi tou vha muhwalo wa vhathu, vha tshi vha bvisisa mangwende a 40 a siliva nga ḓuvha, na zwiḽiwa na waini. Na vhashumi vhavho vho vha vha tshi kandeledza vhathu. Huno nṋe a tho ngo ita unga vhone ngauri ndo vha ndi tshi ofha Mudzimu.

NEHEMIA 7:3

Nda vha vhudza nda ri vha songo vula khoro dza Jerusalema nga matsheloni, vha dzi vule ḽo no ṱavha, nahone dzi valiwe ḓuvha ḽi tshi kovhela dzi longwe khoṋo vhalindakhoro vha tshi kha ḓi vha mushumoni. Nda dovha nda vha vhudza uri vha vhee vhadzulapo vha Jerusalema vha vhe vhalindi, vhaṅwe vha linde he vha telwa hone, vhaṅwe vha linde tsini ha nnḓu dzavho.

JOBO 1:1

Ho vha hu na muṅwe munna a no pfi Jobo, a tshi dzula shangoni ḽa Utsi. O vha e munna a sa solisei, a tshi fulufhedzea, a tshi ofha Mudzimu, a sa funi u tshinya.

DZIPHISALEMA 101:6

Ndi ḓo konana na vhane vha fulufhedzea, nda dzula navho; a sa solisei u ḓo vha mulanda wanga.

EKISODA 18:21

Huno kha vhathu havha nga vha nange vhanna vhane vha kona, vhane vha ofha Mudzimu, vha fulufhedzeaho, vha sa pfani na zwa tshanḓanguvhoni, vha vha vhee uri vha vhe vharangaphanḓa vha vhathu: vharangaphanḓa vha no langa tshigidi, vha ḓana, vha mahumi maṱanu, vha fumi.

DANIELE 6:4

Vhaingameli na magota vha vhivha Daniele vha linga u wana tshine vha nga mu pomoka ngatsho kha maitele awe mafhungoni a muvhuso, hone vha si wane tshine vha nga mu pomoka ngatsho. Vha wana a si na vhuaḓa ngauri o vha a tshi fulufhedzea a si na vhuaḓa, a tshi shuma nga vhuronwana.

NUMERI 12:7

Hone ndi tshi amba na muḓinḓa wanga Mushe a thi ambi nga u ralo, ndi kona u mu fulufhedza muṱani wanga woṱhe.

MATIOSI 24:45

“Zwino mukoma wa vhuṱali a fulufhedzeaho ndi ḓo ri ndi nnyi? Ndi amba ane muṋe wawe a ḓo mu ita ene mulangi wa zwoṱhe zwa muṱani wawe, uri a ṋee vhathu zwiḽiwa nga tshifhinga tshazwo?

MATIOSI 25:21

Muṋe wawe a mu fhindula a ri, ‘A u vhoni-ha mushumi wanga wavhuḓi a fulufhedzeaho! Vhunga wo fulufhedzea kha hezwi zwiṱuku ndi ḓo u kumedza na zwiṅwe zwihulwane. Iḓa ri takale roṱhe!’

1 VHAKORINTA 4:2

Tshihuluhulu mukoma u pfi a vhe muthu a fulufhedzeaho.

2 TIMOTI 2:2

Zwenezwiḽa zwe nda ni laya ndi tshi pfiwa nga ṱhanzi nnzhi zwi kumedzeni vhathu vha fulufhedzeaho, vhane vha ḓo kona u funza-vho vhaṅwe.