NEHEMIA 7:1 - BIVHILI KHETHWA Mafhungo Madifha

¹ Zwino mutsheṱo wo vha wo no vuswa, gethe dzo no kwewa, vhalindi vha thembele na vhaimbi na Vhalivi vho vha vho no vhewa mushumoni wavho.

NEHEMIA 7:1 Iomraidhean Croise

2 MAHOSI 7:10

Ndi hone vha tshi ṱuwa mishashani ya Vhaaramu vha humela muḓini wa Samaria vha vhidzelela mulindakhoro vha ri, “Ro ya mishashani ya Vhaaramu ra si wane muthu, ra si vhuye ra pfa muthu a tshi amba, tshe ra wana ndi bere na donngi dzo vhoxwaho, mishasha i tshee yo ralo sa zwe vha i sia.”

2 KORONIKA 31:2

Hiskia a vusulusa nzudzanyo ya zwigwada zwa vhotshifhe na Vhalivi, zwi tshi ya nga mishumo ya vhotshifhe kana Vhalivi, uri vha ṋekedze zwiṱhavhelo zwi fhiswaho na nduvho ya u konana na Muṋe washu na u shuma thembeleni hu tshi luvhiwa na u livhuha Mudzimu na u mu renda nga nyimbo khoroni dza hune Muṋe washu a dzula hone.

ESRA 3:8

Huno nga ṅwedzi wa vhuvhili wa ṅwaha wa vhuvhili vho no swika nḓuni ya Mudzimu i re Jerusalema, Zerubabele ṅwana wa Salathiele na Joshua ṅwana wa Jotsadaka na vha havho vhoṱhe, vhotshifhe na Vhalivi na vhoṱhe vho vhuelelaho Jerusalema vha tshi bva vhuthubwani, vha thoma u shuma, vha vhea Vhalivi u bva kha vha miṅwaha ya 20 uri vha sedze hu tshi fhaṱiwa nnḓu ya Muṋe washu.

NEHEMIA 10:39

Vhathu vha Israele na Vhalivi vho fanela u dzhia zwe zwa bviswa zwa mavhele na waini na mapfura a muolivi vha zwi ise zwisikuni hune ha vhulungwa midzio ya thembele, hune vhotshifhe vha re mushumoni na vhalindakhoro na vhaimbi vha dzula hone. “Riṋe a ri nga ṅaledzi nnḓu ya Muṋe washu.”

NEHEMIA 11:3

Vhathu vhaṅwe vha Israele na vhotshifhe na Vhalivi na vha no shuma thembeleni na vha lutsinga lwa vhashumi vha Solomoni vho tou dzula fhethu havho miḓini ya havho.

NEHEMIA 12:24

Vhalivi vho vha vho vhekanywa nga zwigwada vha tshi langiwa nga Hashabia na Sherebia na Jeshua na Binui na Kadamiele. Ho vha hu na zwigwada zwivhili zwe zwa renda Mudzimu nga tshifhinga tshithihi zwi tshi bvumelana, vha tshi mu livhuha, vha tshi tevhedza ndayo i no bva ha khosi Dafita muḓinḓa wa Mudzimu.

NEHEMIA 6:1

Sanibalati na Tobia na Gesheme wa Muarabia na vhaṅwe maswina ashu vha zwi pfa uri ro fhedza u vusa mutsheṱo na uri a hu tshee na ho piḓimuwaho, naho ro vha ri sa athu kwea dzigethe miṋangoni.

NEHEMIA 6:15

Mutsheṱo wo fhela u fhaṱwa nga ḓuvha ḽa 25 ḽa ṅwedzi wa Elulu, hó fhela maḓuvha a 52 u tshi fhaṱwa.

NEHEMIA 6:19

Vhathu vho vha vha tshi ḓi mmbudza zwivhuya zwoṱhe zwe Tobia a ita, vha ita na u mu sevha zwoṱhe zwe nṋe nda amba. Ene a ḓi dzula a tshi nṅwalela a tshi linga u ntshenusa.