NEHEMIA 6:6 - BIVHILI KHETHWA Mafhungo Madifha

⁶ Luṅwalo ulwo lwo vha lu tshi ri, “Gesheme u mmbudza uri hu khou pfala phungo kha tshakha i no ri inwi na Majuda ni khou ṱoḓa u shandukela khosi, ndi zwine na khou vusa mutsheṱo. Ha dovha ha pfi inwi no dzudzanya uri ni vhe khosi

NEHEMIA 6:6 Iomraidhean Croise

ESRA 4:12

“Thovhele nga vha ḓivhe uri Majuda vhe vha ḓa kha riṋe vha tshi bva ha vhone vho ya Jerusalema nahone vha khou vusa muḓi houḽa muvhi wa mashandukwa. Vha khou vusa mitsheṱo, na miteo i khou tewa.

ESRA 4:15

hu londoloswe kha maṅwalwa a mafhungo a kale a vhomakhulu wavho. Kha maṅwalwa eneo vha ḓo wana uri muḓi hoyu ndi wa mashandukwa, vha dina mahosi na mavundu, ndi fhethu ha muvhango u bva tsha kale na kale. Ndi zwe uyo muḓi wa phusukanywa.

NEHEMIA 2:19

Musi Sanibalati wa Horoni, na Tobia gota ḽa Amoni, na Gesheme muhulwane wa Vhaarabia vha tshi pfa zwe ra vha ri tshi khou dzudzanya u zwi ita, vha ri goḓa vha ri, “Ndi zwithu-ḓe zwine na khou ita? Kani-ha ni khou ṱoḓa u shandukela khosi?”

NEHEMIA 6:13

Vho mu thola uri a ntshutshedze ndi wele tshivhini, uri vha ntshinye dzina, vha nnyadzise.

NEHEMIA 6:5

Ndi hone Sanibalati a tshi ruma muṅwe wa vhakoma vhawe a ḓa ha nṋe lwa vhuṱanu. Ayo o vha o tou ṅwalwa kha luṅwalo lu songo pfuṋelwaho.

NEHEMIA 6:7

na uri no no ḓi vhudza vhaṅwe vhaporofita uri vha ḓivhadze Jerusalema uri inwi ni khosi ya Juda. Vhukumakuma khosi i ḓo a pfa mafhungo hayo, ndi zwine nda ri nṋe na inwi ri ṱangane ri ambe ayo mafhungo.”

JEREMIA 20:10

Ndi pfa mahevhehevhe a vhanzhi ndi tshi vho pfi, “Vho-Nyofho-thungo-dzoṱhe” vha ri, “Nga a hwelelwe!” Ha pfi, “Ndi zwone, nga ri mu hwelele!” Na dzone khonani dzanga dzo lindela ndi tshi redzemuwa, vha ri, “Khamusi u ḓo kanda tshikwekwe; ndi hone ri tshi ḓo mu kona ra mu lifhedza.”

MATIOSI 5:11

Ni na mashudu arali vhathu vha tshi ni sema, vha tshi ni tovhola, vha tshi ni pomoka vhuvhi hoṱhe nge na vha vhanga.

LUKASI 23:2

vha thoma u mu hwelela vha tshi ri, “Hoyu munna ro mu wana a tshi khou fhiriṱanya vhathu vha hashu, a tshi vha dzivhisa na u thela muthelo wa Khisara, a tshi ḓiita Mesia, u ralo ha vha u ḓiita khosi.”

JOHANISI 19:13

Pilato a tshi pfa vha tshi ralo a bvisela Yesu nnḓa, ene muṋe a dzula kha tshidzulo tsha khaṱhulo, muṱani wo itwaho nga matombo, une nga Tshiheberu wa tou pfi “Gabatha”.

VHAROMA 3:8

Izwo a si khwiṋe u tou ri, “Nga ri ite zwashu zwivhi uri hu bvelele zwivhuya”? Iṱali vhaṅwe vhathu vha tshi nnzwifhelela vha ri ndo ralo. Vhenevho vha ḓo laṱwa nga Mudzimu, vhunga zwi zwone zwo fanelaho.

2 VHAKORINTA 6:8

naho ra huliswa kana ra nyadzwa; naho ra iselwa phungo mmbi, kana mbuya; ra pfi ri zwifhela vhathu ngeno ri tshi fulufhedzea;

1 PITROSI 3:16

hone ni fhindule nga vhulenda na khuliso, ni na mvalo dzo ṱambaho, uri vhaḽa vhane vha nyefula kutshilele kwaṋu kwavhuḓi kwa u sumbedza vhuthihi haṋu na Khristo vha mbo ḓi shona zwenezwo vha tshi ni pomoka.