NEHEMIA 6:11 - BIVHILI KHETHWA Mafhungo Madifha

¹¹ Nṋe nda fhindula nda ri, “Munna a no nga nṋe a nga shavha a dzumbama naa? Ndi nga ḓitshidza nga u yo dzumbama thembeleni? Izwo ndi nga si zwi ite.”

NEHEMIA 6:11 Iomraidhean Croise

NEHEMIA 6:12

Ndo vha ndo zwi vhona uri Mudzimu o vha a songo amba na Shemaya. Ndi Tobia na Sanibalati vhe vha vha vho mu putisa uri a ḓe a mmbudze nga u ralo.

NEHEMIA 6:3

Nṋe nda ruma vhaḓinḓa uri vha vha vhudze vha ri, “Nṋe ndi khakhathini ya mushumo muhulwane, ndi nga si kone u takuwa nda tsela henengei; arali nda litsha mushumo nda ḓa u ni vhona, zwoṱhe zwi ḓo ima.”

NEHEMIA 6:9

Vhone vho vha vha tshi tou linga u ri shushedza uri ri litshe mushumo. Nṋe nda rabela nda ri, “Mudzimu, khwaṱhisa zwanḓa zwanga!”

DZIPHISALEMA 112:6

Ngoho a no fulufhedzea ha tupulei, vha ḓo mu elelwa lini na lini.

DZIPHISALEMA 112:8

Mbilu yawe a i tseki, ha ofhi tshithu; u ḓo fhedza nga u kunda maswina awe.

MIRERO 28:1

Muvhi u ofha swiswi ḽi si na phele; a no thetshelesa Mudzimu u nga ndau, ha ofhi tshithu.

MUFUNZI 10:1

Thunzi dzo faho dzi tshinya mapfura a nukhelelaho u ḓifha, a vho nukha; vhutsilu vhuṱukuṱuku vhu tshinya vhuṱali na khuliso.

YESAYA 10:18

Maṱaka avhuḓi na masimu o vhibvelaho a ḓo lozwiwa tshoṱhe, u fana na muthu a tshi ṱahadzwa nga ṱhahala.

NUMERI 3:10

Iwe u vhee Aroni na vhana vhawe uri vha shume mushumo wa vhutshifhe, hone arali muṅwe a vhuya a linga u ḓidzhenisa kha mushumo wonoyo, u ḓo vhulawa.”

MISHUMO 20:24

Hone vhutshilo hanga a si tshithu, tshine nda lila ndi u ṱhaphudza mbambe yanga na u fhedzisa mushumo we Yesu Muṋe washu a nṋea, ndi amba wa u ḓivhadza mafhungo maḓifha a vhuthu ha Mudzimu.

MISHUMO 21:13

Ene a fhindula a ri, “Ni itani? Ni lilelani? Ni mpfiselani vhuṱungu? A vha nṋe a tho ngo ḓiimisela u vhoxwa fhedzi, ndo ḓilugisela na u vhulahelwa dzina ḽa Yesu Muṋe washu.”

MISHUMO 8:1

Saulo na ene a zwi takalela vha tshi vhulaha Stefane. U bva ḽeneḽo ḓuvha tshivhidzo tsha Jerusalema tsha thoma u tovholwa nga tshiṱuhu tshihulu. Vhakhriste vhoṱhe vha balanganywa na mivhundu yoṱhe ya Judia na Samaria. Vhe vha sala Jerusalema ndi vhaapostola fhedzi.

VHAFILIPI 2:17

Lutendo lwaṋu lu nga nduvho i ṋekedzwaho Mudzimu. Huno naho malofha anga a tshi nga tevhulelwa Mudzimu a ḓadzisa yeneyo nduvho ndi a zwi takalela, nda takala na inwi noṱhe.

VHAFILIPI 2:30

O ḓiṅala lwe zwa vha zwi tshi nga kha ḓi itea uri a fe a tshi fela mushumo wa Khristo. O ḓiṅala tshoṱhe nga u ḓa a mpfarisa nga zwe inwi na kundwa u zwi ita nge na vha ni siho tsini.

VHAHEBERU 11:27

A tshi ṱuwa Egipita ho vha hu si nga u ofha mbiti dza khosi, o itwa nga lutendo; a hana u humela murahu, zwa nga u khou vhona Mudzimu a sa vhonwi nga maṱo.

1 SAMUELE 19:5

O ḓifunga a yo vhulaha uḽa Mufilista, ha vha u kunda huhulu ha Vhaisraele vhoṱhe hu no bva ha Muṋe washu. Na vhone vho zwi vhona vha takala. Zwino ndi mini vha tshi funa u khakhela Dafita nga u sokou mu vhulaha a si na tshe a tshinya?”