NEHEMIA 6:10 - BIVHILI KHETHWA Mafhungo Madifha

¹⁰ Ḽiṅwe ḓuvha nda yo dalela Shemaya, ṅwana wa Delaya ṅwana wa Mehetabele, we a vha o ḓihoṋela nḓuni. Ene a mmbudza a ri, “Nga ri ṱuwe ri yo dzumbama fhethu hukhethwa ha thembele, ri hoṋe mahothi, vha khou ḓa u vha vhulaha; vha ḓo ḓa vhusiku vha vha vhulaha.”

NEHEMIA 6:10 Iomraidhean Croise

GENESI 36:39

Baali Hanani a ri u fa, Hadadi a vha khosi vhudzuloni hawe. Musanda wawe wa pfi Phau; musadzi wawe o vha a tshi pfi Mehetabele ṅwananyana wa Matirede, ṅwananyana wa Mesahaba.

1 MAHOSI 6:5

U mona na mbondo dza nnḓa matungo na murahu ha thembele ho vha ho fhaṱiwa lufhera lu na zwitizi zwiraru.

2 MAHOSI 11:3

Jehoshiba a mu londola, a mu dzumba na muleli wawe thembeleni ya Muṋe washu ha vhuya ha fhela miṅwaha miṱanu na muthihi, musi Athalia a tshi khou vhusa shango.

2 MAHOSI 9:8

Nnḓu yoṱhe ya Ahaba i ḓo lovha. Ndi ḓo vhulaha vhanna vhoṱhe vha nnḓu ya Ahaba kha ḽa Israele, hu si sale na muthihi.

2 KORONIKA 28:24

Ahasi a kuvhanganya thundu ya thembele ya Mudzimu a i pwashekanya. A vala miṋango ya thembele ya Muṋe washu, a fhaṱa dziaḽiṱari khuḓani dzoṱhe dza mikoto ya Jerusalema.

2 KORONIKA 29:3

Hiskia o vula miṋango ya thembele ya Muṋe washu nga ṅwedzi wa u ranga wa ṅwaha we a thoma u vhusa, a i vusa.

2 KORONIKA 29:7

Vha ita na u vala miṋango ya maguḓa, vha dzima mbone. A vho ngo tsha dubisa zwioro kana vha ṋekedza zwiṱhavhelo zwi fhiswaho hukhethwa ha Mudzimu wa Israele.

ESRA 10:31

Vhaḓuhulu vha Harimu ndi Eliesere na Ishiya na Malikhiya na Shemaya na Simioni

ESRA 8:16

Ndi hone ndi tshi vhidzisa Eliesere na Ariele na Shemaya na Elinathani na Jaribi na Elinathani na Nathani na Zakaria na Meshulamu, vhe vha vha vhe vharangaphanḓa, na Joyaribi na Elinathani, vhe vha vha vhe vhanna vho funzeaho,

NEHEMIA 6:12

Ndo vha ndo zwi vhona uri Mudzimu o vha a songo amba na Shemaya. Ndi Tobia na Sanibalati vhe vha vha vho mu putisa uri a ḓe a mmbudze nga u ralo.

DZIPHISALEMA 12:2

Ho sala u sokou zwifhelana nga tshavho. Vha tshi amba vha tou swaledzela, ngeno mbiluni zwi siho.

DZIPHISALEMA 37:12

Muvhi tshawe ndi u itela muvhuya tshimbevha, a mu zwondolola nga vengo.

MIRERO 11:9

A no nyadza Mudzimu u vhulaha vhaṅwe nga mulomo wawe, ngeno a thetshelesaho Mudzimu a tshi vha ponyokisa nga nḓivho yawe.

JEREMIA 36:5

Zwino Jeremia a vhudza Barukhu a ri, “Nṋe ndo dzivhiswa; a thi koni u ya thembeleni ya Muṋe washu.

ESEKIELE 3:24

Muya wa Muṋe washu a dzhena kha nṋe a nnyimisa, a amba na nṋe. Muṋe washu a amba na nṋe a ri, “Iyo ḓihoṋela nḓuni yau.

MALAKIA 1:10

Ngavhe muṅwe waṋu a tshi nga tou vala miṋango ya thembele, uri ni si kone u funga mililo yaṋu i si na mushumo aḽiṱarini yanga! A thi ni takaleli, a thi nga vhuyi nda ṱanganedza tshiṱhavhelo tshine na nṋekedza. Hu amba Nṋe Yahavee Mulangazwoṱhe.

MATIOSI 7:15

“Thanyelani vhaporofita vha khole-khole vhane vha ḓa kha inwi vho fuka mikumba ya nngu, ngeno nga ngomu havho vhe maṱalerwa a ni pondaho.

JOHANISI 3:20

Ndi uri vhaitazwivhi vha vhenga tshedza nahone a vha ḓi khatsho, ngauri vha ofha uri mishumo yavho i nga ḓo vhonololwa;

MISHUMO 21:30

Ha vuwa vilinga muḓini woṱhe, vhathu vha ḓa nga u gidima vha tshi bva thungo dzoṱhe, vha mu khwikhwidzela nnḓa, kathihi fhedzi mahothi a thembele a valwa.