NEHEMIA 6:1 - BIVHILI KHETHWA Mafhungo Madifha

¹ Sanibalati na Tobia na Gesheme wa Muarabia na vhaṅwe maswina ashu vha zwi pfa uri ro fhedza u vusa mutsheṱo na uri a hu tshee na ho piḓimuwaho, naho ro vha ri sa athu kwea dzigethe miṋangoni.

NEHEMIA 6:1 Iomraidhean Croise

NEHEMIA 13:4

Tshifhe Eliashibi, we a vha e ene mulangi wa nnḓu dza u vhulungela thundu thembeleni ya Mudzimu washu, o vha e shaka ḽa Tobia.

NEHEMIA 2:10

Hone Sanibalati wa Horoni, na Tobia gota ḽa dzingu ḽa Amoni, vha zwi pfa uri ho swika muthu a no ḓo ita uri zwi nakele Vhaisraele, zwa vha dina nga maanḓa.

NEHEMIA 2:19

Musi Sanibalati wa Horoni, na Tobia gota ḽa Amoni, na Gesheme muhulwane wa Vhaarabia vha tshi pfa zwe ra vha ri tshi khou dzudzanya u zwi ita, vha ri goḓa vha ri, “Ndi zwithu-ḓe zwine na khou ita? Kani-ha ni khou ṱoḓa u shandukela khosi?”

NEHEMIA 3:1

Mutsheṱo wo vuswa nga hei nḓila: Tshifhe muhulu Eliashibi na vhotshifhe ngae vho vusa Khoro ya Dzinngu, vha i kumedza Mudzimu, vha kwea dzigethe. Vho fhaṱa u swika Thawara ya vha Ḓana vha u kumedza Mudzimu, vha dovha vha fhirela phanḓa u swika kha Thawara ya Hananele.

NEHEMIA 3:3

Vhaḓuhulu vha Hasenaa vha fhaṱa Khoro ya Khovhe. Vha fulela, vha kwea dzikhoro, vha longa khoṋo na tswinga.

NEHEMIA 3:6

Joyada ṅwana wa Phasia na Mishulamu ṅwana wa Besodia vha vusa Khoro ya Jeshana. Vha fulela, vha kwea dzikhoro, vha longa khoṋo na tswinga.

NEHEMIA 4:1

Sanibalati a tshi pfa uri Majuda vho thoma u vusa mutsheṱo, a sinyuwa nga maanḓa, a thoma u ri goḓa.

NEHEMIA 7:1

Zwino mutsheṱo wo vha wo no vuswa, gethe dzo no kwewa, vhalindi vha thembele na vhaimbi na Vhalivi vho vha vho no vhewa mushumoni wavho.

DANIELE 9:25

“Tsha ndi dovhe ndi ṱalutshedze u zwi pfese: U bva tshifhinga tshine ha ḓivhadzwa ha pfi ni hume ni vuse Jerusalema hu vhuye hu ḓe murangaphanḓa we a nangwa nga Mudzimu, hu ḓo fhela miṅwaha miṱanu na mivhili i tshi vhalwa kaṱanu na kavhili. Jerusalema u ḓo vuswa wa vha na mikoto na mitsheṱo yo khwaṱhaho, wa ima wa fhedza miṅwaha ya 62 i tshi vhalwa kaṱanu na kavhili hone hetsho tshi ḓo vha tshifhinga tsha mufhirifhiri.