NEHEMIA 5:9 - BIVHILI KHETHWA Mafhungo Madifha

⁹ Zwino nṋe nda ri, “Zwine na khou ita zwo khakha! No vha no fanela u ofha Mudzimu, na ita zwi re zwone. Zwenezwo vhahedeni maswina ashu, vho vha vha sa nga koni u ri sea.

NEHEMIA 5:9 Iomraidhean Croise

GENESI 20:11

Abrahamu a fhindula a ri, “Ndo humbula nda ri, ‘Vhukuma fhano Mudzimu ha ofhiwi, vha ḓo mmbulaha vha tshi mmbulahela musadzi wanga.’

GENESI 42:18

Nga ḓuvha ḽa vhuraru Josefa a vha vhudza a ri, “Nṋe ndi ofha Mudzimu, zwenezwo arali ni tshi ṱoḓa u tshila itani hezwi:

2 SAMUELE 12:14

Huno ṅwana ane vha ḓo bebelwa ene u ḓo fa, ngauri zwe vha ita zwo ita uri maswina a Muṋe washu a mu nyadze.”

NEHEMIA 4:4

Nṋe nda rabela nda ri, “Yawee Mudzimu, ipfa vha tshi kola! Ngavhe u ri goḓa havho hu tshi wela nṱha ha ṱhoho dzavho. Ngavhe vha tshi ṱangulwa zwoṱhe zwine vha vha nazwo, vha hwalwa vha iswa vhuthubwani shangoni ḽisili.

NEHEMIA 5:10

Na nṋe na vha hashu na vhakoma vhanga ro adzima vhathu tshelede na mavhele. Zwino ni songo vha lifhisa.

NEHEMIA 5:15

Vhavhusi vhoṱhe vhe vha vhusa nṋe ndi sa athu vhusa vho vha vha tshi tou vha muhwalo wa vhathu, vha tshi vha bvisisa mangwende a 40 a siliva nga ḓuvha, na zwiḽiwa na waini. Na vhashumi vhavho vho vha vha tshi kandeledza vhathu. Huno nṋe a tho ngo ita unga vhone ngauri ndo vha ndi tshi ofha Mudzimu.

DZIPHISALEMA 90:11

Ndi nnyi o no thetshelaho maanḓa a mbiti dzau? Ndi nnyi a no ḓivha uri wa sinyuwa zwi ofhisa hani?

MIRERO 16:29

Mudzianndwa u kunga vhaṅwe, a vha isa nḓilani i si yavhuḓi.

MIRERO 17:26

U lifhisa a si na mulandu a si zwavhuḓi; zwi ḓi nga u rwa muhulwane u tshi mu rwela u fulufhedzea hawe.

MIRERO 18:5

U imelela a re na mulandu tsengoni a si zwavhuḓi; zwi ḓi nga u laṱa a si na mulandu.

MIRERO 19:2

U ḓifunga u si na nḓivho a si zwavhuḓi; ṱhavhanyedza i a khakhisa.

MIRERO 24:23

Vhaṱali vho dovha vha ri: U haṱula nga tshiṱalula a si zwavhuḓi;

ESEKIELE 36:20

Zwino dzina ḽanga ḽikhethwa vho ḽi shata tshika vhukati ha tshakha dze vha ya khadzo, vhathu vha tshi vha amba vha tshi ri, ‘Havha ndi vhathu vha Yahavee, vho thathwa shangoni ḽawe.’

LIVITIKO 25:36

Ni songo mu lifhisa mavhoḓa, ofhani Mudzimu ni litshe Muisraele wa haṋu a dzule tsini haṋu.

MISHUMO 9:31

Tshivhidzo tshone kha ḽoṱhe ḽa Judia na Galelia na Samaria tsha sa tsha diniwa. Tsha ḓi khwaṱha tshi tshi fariswa nga Muya Mukhethwa, tsha aluwa tshi tshi ya, tsha dzula tshi tshi ofha Mudzimu.

VHAROMA 2:24

Ndi zwine Maṅwaloni ha pfi, “Inwi Majuda ni ita uri vhannḓa vha nyefule Mudzimu.”

1 TIMOTI 5:14

Ndi zwine nda ri tshilikadzi dzi sa athu kegula dzi dzewe dzi bebe vhana, dzi londole miṱa yadzo, uri maswina a si wane tsha u ri sola ngatsho.

TITOSI 2:5

na u ḓilanga na u ila zwa vhuaḓa na u shuma nga nungo miṱani sa vhasadzi vhavhuḓi, na u thetshelesa vhanna vhavho; vha sa ralo vhathu vha nga nyefula ipfi ḽa Mudzimu.

1 PITROSI 2:12

Maitele aṋu oṱhe nga a vhe ane na vhannḓa vha tshi sedza vha vhona a tshi tamisa. Vha nga ḓi ni pomoka vha ni ita vhatshinyi, hone vha tshi vhona mishumo yaṋu mivhuya vha ḓo kona u renda Mudzimu nga ḓuvha ḽine a ḓo ni lamukisa.

1 SAMUELE 2:24

A si zwone vhananga, ni vho xedza vhathu vha Muṋe washu.