NEHEMIA 5:4 - BIVHILI KHETHWA Mafhungo Madifha

⁴ Nga ngeno vhaṅwe vha ri, “Riṋe ro tou pamba tshelede uri ri thele muthelo wa musanda nga u tou vhetshedzela masimu ashu na masimu a minḓirivhe.

NEHEMIA 5:4 Iomraidhean Croise

1 MAHOSI 9:21

ndi vhaḓuhulu vha havhaḽa vhe Vhaisraele vha si vha fhedze tshoṱhe vha sala shangoni, vhenevho Solomoni o vha shumisa mushumo wawe wa khombekhombe, na ṋamusi zwi tshee zwo ralo.

ESRA 4:13

Tshiṅwe hafhu, thovhele nga vha zwi ḓivhe uri arali uyo muḓi wa vuswa mitsheṱo yawo ya fhaṱwa, a hu tsha ḓo thelwa mithelo, nduvho a dzi tsha ḓo bviswa; zwenezwo gwama ḽa musanda ḽi ḓo fhungudzea.

ESRA 4:20

Jerusalema ho vhuya ha vha na mahosi a maanḓa a tshi vhusa ḽoṱhe ḽa Seli-ha-Yufuratha, a tshi thelisa vhathu mithelo na nduvho dza tshakha-tshakha.

ESRA 7:24

Nahone ni ḓivhe uri vhotshifhe na Vhalivi na vhaimbi na vhalindakhoro na vhashumi vha thembeleni na vhaṅwe vhashumi vha nḓuni heyo ya Mudzimu, a ni na maanḓa a u vha thelisa muthelo na sengosengo na mutendelo.

NEHEMIA 5:3

Vhaṅwe vha ri, “Riṋe ri tou pambisa masimu ashu na a minḓirivhe na nnḓu dzashu i vhe pfarela ri wane goroi ri si ṋoke nga nḓala.”

NEHEMIA 9:37

Zwine shango ḽa bveledza zwi dzhiwa nga mahosi vhe wa ita uri vha ri vhuse nge ra tshinya. Vha ita zwine vha funa nga riṋe na kholomo dzashu, ri khomboni khulu!

MIRERO 22:7

Mupfumi u vhusa mushai; mupambi ndi phuli ya muadzimisi.

JOSHUA 16:10

Huno a vho ngo thatha Vhakanana vhe vha vha vha tshi dzula Gezere, avho Vhakanana vho ḓi dzula na vha Efraimi u swika na ṋamusi, vho tou kombetshedzwa u shuma vhe phuli.