NEHEMIA 5:13 - BIVHILI KHETHWA Mafhungo Madifha

¹³ Nda ita na u ukhutha phendelo dza khanzu yanga nda ri, “Mudzimu u ḓo ukhutha munna muṅwe na muṅwe nga u ralo, ane a si ite zwe a fulufhedzisa. Mudzimu u ḓo ni dzhiela nnḓu dzaṋu na zwoṱhe zwine na vha nazwo, a ni sia ni si na tshithu.” Tshivhidzo tshoṱhe tsha ri, “Amen!” vha renda Muṋe washu. Vhathu vha ita zwe vha fulufhedzisa.

NEHEMIA 5:13 Iomraidhean Croise

2 MAHOSI 23:3

Khosi ya ima tsini na phuphu a vhofha mulanga na Muṋe washu, a ri u ḓo tevhela Muṋe washu, a vhulunga ndayo na milayo yawe na ndaela dzawe nga mbilu yawe yoṱhe na nga zwoṱhe zwine a vha zwone, u ralo ha vha u khwaṱhisa maipfi a mulanga o ṅwalwaho buguni iyo. Ndi hone vhathu vhoṱhe vha tshi fulufhedzisa uri vha ḓo vhulunga mulanga.

1 KORONIKA 16:36

Nga hu rendwe Muṋe washu Mudzimu wa Israele, u bva tsha kale na kale, na lini na lini. Ndi hone vhathu vhoṱhe vha tshi ri, “Amen! Nga hu rendwe Muṋe washu!”

NEHEMIA 8:6

Esra a ri, “Nga hu rendwe Muṋe washu, Mudzimu muhulu!” Vhathu vhoṱhe vha imisa zwanḓa vha ri, “Amen! Amen!” Vha gwadama vha luvha, zwifhaṱuwo zwavho zwa kwama fhasi.

DZIPHISALEMA 119:106

Ndo ana nda khwaṱhisa, nda ri ndi ḓo vhulunga pfanelo dzau dzi sa khakhi.

DZIPHISALEMA 50:14

Tshiṱhavhelo tshi ṋekedzwaho Mudzimu ndi thendo; tshau nga hu vhe u khunyeledza zwe wa anela Waṱaḓuluṱaḓulu.

DZIPHISALEMA 76:11

Khunyeledzani zwe na anela Muṋe washu Mudzimu waṋu! Mashango a matungo oṱhe nga a ḓise nduvho, a ṋee Ene a no ofhisa.

MIRERO 28:4

Vhane vha nyadza mulayo vha khoḓa muvhi; vha no u vhulunga vhone vha lwa nae.

MUFUNZI 5:5

Arali wa ri u ana wa si khunyeledze zwe wa ana, izwo-ha ndi khwiṋe u songo vhuya wa ana.

NUMERI 5:22

Ngavhe maḓi haya a u teketela a tshi dzhena thumbuni yau a i kukumusa, mbumbelo yau ya hwetekana.’ Musadzi u ḓo fhindula a ri, ‘Amen, nga zwi ralo.’

MATIOSI 10:14

Hune vha si ni ṱanganedze, vha si thetshelese maipfi aṋu, ni bve nḓuni yeneyo na muḓini wonoyo, ni ite na u fhufhura buse milenzheni yaṋu.

MISHUMO 13:51

Vhaapostola vha fhufhura buse ḽi re milenzheni yavho u sumbedza uri zwi kha avho vhe vha vha pandela, vha konou fhirela Ikoniamu.

MISHUMO 18:6

Vhone vha tshi ḓi mu hanedza vha tshi ita na u semana, ene a fhufhura zwiambaro zwawe u sumbedza uri zwi kha vhone, a ri, “Arali na lovha u ḓo vha u mulandu waṋu; nṋe ndo bva mulanduni! U ṱuwa ṋamusi ndi ya kha vhannḓa.”

1 VHAKORINTA 14:16

Arali u tshi khou renda Mudzimu nga muya wau fhedzi, muṅwe muthu zwawe a re henefho a nga kona hani u bvumela thabelo yau a ri “Amen”? Hufha a sa pfi zwine wa khou amba.

1 SAMUELE 15:28

Samuele a mu vhudza a ri, “Muṋe washu o kherula muvhuso wa Israele wa ṱuwa kha inwi ṋamusi, o u ṋea muṅwe ane a fhira inwi.