NEHEMIA 5:12 - BIVHILI KHETHWA Mafhungo Madifha

¹² Vharangaphanḓa vha fhindula vha ri, “Ri ḓo ita zwine vha amba. Ri ḓo humisela thundu kha vhaṋe vhayo ra si tsha vhila mulandu!” Nda vhidza vhotshifhe nda ita uri vharangaphanḓa vha ane phanḓa havho uri vha ite zwe vha fulufhedzisa.

NEHEMIA 5:12 Iomraidhean Croise

ESRA 10:12

Tshivhidzo tshoṱhe tsha fhindula nga u ṱavha mukosi tsha ri, “Vha amba zwone! Tshashu ndi u ita zwine vha amba.

ESRA 10:5

Ndi hone Esra a tshi takuwa a anisa vharangaphanḓa vha vhotshifhe na Vhalivi na Vhaisraele vhoṱhe uri vha ite zwe zwa ambiwa. Vha ana.

NEHEMIA 10:29

ri ḓibaḓekanya na vharangaphanḓa vhashu ra ana muano, une arali ra u pfuka ri teketelwe zwashu. Ri ri ri ḓo tshila ri tshi tevhedza Mulayo wa Mudzimu, we Mudzimu a u swikisa ha riṋe nga Mushe muḓinḓa wawe; ri ri ri ḓo ita zwoṱhe zwine Yahavee Muṋe washu a ri laya; nahone ri ri ri ḓo vhulunga ndayo dzoṱhe na zwi ṱoḓeaho.

NEHEMIA 10:30

“Riṋe a ri nga dzetshelani na vhatsinda vha no dzula shangoni ḽashu.

NEHEMIA 10:31

“Arali vhatsinda vha ḓisa mavhele kana tshiṅwe-vho vha tshi ri vha ri rengisele nga Sabatha kana nga ḽiṅwe ḓuvha ḽikhethwa, a ri nga rengi khavho. “Ṅwaha muṅwe na muṅwe wa vhuṱanu na vhuvhili a ri nga limi masimu, na milandu i a thuthiwa.

NEHEMIA 13:25

Nda kaidza avho vhanna, nda vha teketela, vhaṅwe nda tou vha rwa nda vha tupula na mavhudzi. Nda ita uri vha ane nga dzina ḽa Mudzimu uri vhone kana vhana vhavho a vha tsha ḓo dovha vha dzetshelana na vhatsinda.

NEHEMIA 5:11

Ṋamusi thuthani milandu yoṱhe ya zwe vha pamba kha inwi – tshelede na mavhoḓa ayo, na mavhele na waini na mapfura a muolivi, ni vha humisele masimu avho na masimu a minḓirivhe na miri ya miolivi na dzinnḓu kathihi fhedzi!”

MATIOSI 26:63

Yesu a si fhindule tshithu. Ndi hone tshifhe muhulu a tshi mu anisa a ri, “Ndi ni anisa nga Mudzimu a tshilaho ndi ri ni ri vhudze arali e inwi Mesia, Murwa wa Mudzimu.”

LUKASI 19:8

Zakia a takuwa a amba na Muṋe washu a ri, “Muṋe wanga, ndi ḓo kovhela vhashai hafu ya thundu yanga; huno arali hu na muṅwe we nda dzhia tshithu tshawe nga vhufhura, ndi ḓo mu lifhela tsho andiswa luṋa.”