NEHEMIA 4:7 - BIVHILI KHETHWA Mafhungo Madifha

⁷ Sanibalati na Tobia na vhathu vha Arabia na Amoni na Ashidodo vha pfa uri ri khou isa phanḓa u vusa mutsheṱo wa Jerusalema na uri hoṱhe he mutsheṱo wa pwashiwa hu khou valiwa, zwa vha sinyusa nga maanḓa.

NEHEMIA 4:7 Iomraidhean Croise

GENESI 3:15

Ndi ḓo u luṱanya na musadzi, na vhana vhau na vhawe vha ḓo vhengana; ṅwana wawe u ḓo u pwasha ṱhoho, iwe wa mu luma tshirethe.”

2 MAHOSI 24:2

Muṋe washu a ruma mmbi dza Vhababele na Vhaaramu na Vhamuaba na Vhaamoni uri vha ḓe vha mu ṱangule, vha phusukanye shango ḽa Juda, nga he Muṋe washu a ḓivhadza nga milomo ya vhaḓinḓa vhawe vhaporofita.

2 KORONIKA 20:1

Ngavhuya mmbi dza Muaba na Amoni, khathihi na vhane vha ima navho, vha Meuni, vha dia Juda vha tshi ḓa u lwa na Josafati.

ESRA 5:8

“Thovhele nga vha zwi ḓivhe uri riṋe ro ya dzinguni ḽa Juda, thembeleni ya Mudzimu muhulu. Vhathu vha khou i vusa nga matombo mahulwane, dzimbondoni vha khou longa matanda. Mushumo uyo u khou shumiwa nga vhuronwane, u khou bvela phanḓa nga u ṱavhanya vho ḓifunga.

NEHEMIA 2:10

Hone Sanibalati wa Horoni, na Tobia gota ḽa dzingu ḽa Amoni, vha zwi pfa uri ho swika muthu a no ḓo ita uri zwi nakele Vhaisraele, zwa vha dina nga maanḓa.

NEHEMIA 2:19

Musi Sanibalati wa Horoni, na Tobia gota ḽa Amoni, na Gesheme muhulwane wa Vhaarabia vha tshi pfa zwe ra vha ri tshi khou dzudzanya u zwi ita, vha ri goḓa vha ri, “Ndi zwithu-ḓe zwine na khou ita? Kani-ha ni khou ṱoḓa u shandukela khosi?”

NEHEMIA 4:1

Sanibalati a tshi pfa uri Majuda vho thoma u vusa mutsheṱo, a sinyuwa nga maanḓa, a thoma u ri goḓa.

NEHEMIA 4:6

Riṋe ra fhaṱa mutsheṱo ri tshi ya nawo, hu si kale ra vha ro no vusa hafu yawo u ya nṱha, ngauri vhathu vho vha vho ḓiimisela u shuma.

NEHEMIA 4:8

Vhoṱhe vha ita tshikungo tsha u dia Jerusalema vha ri thithise.

NEHEMIA 6:16

Musi maswina ashu a tshakha dzo ri tangaho a tshi zwi pfa, vha kulea nungo, nge vha vha vha tshi zwi ḓivha uri uyo mushumo wo shumiwa nge Mudzimu a ri farisa.

JEREMIA 25:20

na vhatsinda vhoṱhe vha re henengei; ha tevhela mahosi oṱhe a Utsi, na mahosi oṱhe a Vhafilista (vha Ashkeloni, na Gaza, na Ekroni, na vhathu vho salaho Ashidodo);

JEREMIA 41:10

Ishmaele a thuba vhathu vhoṱhe vhe vha vha vhe Mitsipha – vhananyana vha khosi khathihi na vhathu vhoṱhe vhe vha vha vho sala henefho, vhe Nebusaradani mulangammbi a vhea Gedalia ṅwana wa Ahikamu uri a vha vhuse. Ishmaele ṅwana wa Nethania a vha thuba, a fara lwendo uri a pfukele ha Vhaamoni.

AMUSI 1:13

Muṋe washu u ri, “Vhaamoni vho tshinya vha dovha; vho fhandula vhasadzi vha Giliadi vho vhifhaho muvhilini vha tshi ṱoḓa u engedzedza shango ḽavho; zwenezwo a thi nga litshi u vha lifhedza;

AMUSI 1:8

nda lozwa khosi ya Ashidodo na o faraho luḓo lwa vhuhosi Ashkeloni. Ndi ḓo angaladza tshanḓa tshanga nda rwa vhathu vha muḓi wa Ekroni nda lozwa Vhafilista hu si sale na muthihi.” U ralo Muṋe wa zwoṱhe Muṋe washu.

AMUSI 3:9

Ḓivhadzani pfamoni dza Ashidodo na dza Egipita ni ri, “Kuvhanganani thavhani dza Samaria, ni vhone mufhirifhiri u re afho muḓini, ni vhone u kandeledzwa ha vhathu vhawo.”

MISHUMO 5:33

Vhanna vha khoro vha tshi pfa vha tshi ralo vha tou halifha, vha ri vhaapostola kha vha vhulawe.

NZUMBULULO 12:17

Ḓiragoni ḽone ḽa sinyutshela uyo mufumakadzi, ḽa yo lwa na vhana vhawe vhoṱhe vho salaho vhane vha tevhedza ndaela dza Mudzimu vha nambatela zwe Yesu a ṱanzilela.

1 SAMUELE 11:2

Huno Nahashi wa Muamoni a fhindula a ri, “Ndi ḓo vhofha mulanga na inwi arali ndo nongola ḽiṱo ḽa tshauḽa ḽa muṅwe na muṅwe waṋu uri ndi shonise Vhaisraele vhoṱhe.”