NEHEMIA 4:4 - BIVHILI KHETHWA Mafhungo Madifha

⁴ Nṋe nda rabela nda ri, “Yawee Mudzimu, ipfa vha tshi kola! Ngavhe u ri goḓa havho hu tshi wela nṱha ha ṱhoho dzavho. Ngavhe vha tshi ṱangulwa zwoṱhe zwine vha vha nazwo, vha hwalwa vha iswa vhuthubwani shangoni ḽisili.

NEHEMIA 4:4 Iomraidhean Croise

NEHEMIA 5:9

Zwino nṋe nda ri, “Zwine na khou ita zwo khakha! No vha no fanela u ofha Mudzimu, na ita zwi re zwone. Zwenezwo vhahedeni maswina ashu, vho vha vha sa nga koni u ri sea.

DZIPHISALEMA 79:12

Muṋe wa zwoṱhe, maṱamba e vhahura vhashu vha a posa ha Iwe, vha lifhedze kaṱanu na kavhili.

MIRERO 3:34

U goḓa vhagoḓi; vha ḓiṱukufhadzaho a vha itela vhuthu.

ZWILILO 1:22

Ngavhe vhuvhi havho hoṱhe vhu tshi swika maṱoni au! Vha lifhedze unga wo lifhedze nṋe nga vhuvhi hanga hoṱhe. Zwigomelo zwanga ndi zwinzhi, ndo kulea nungo.”

HOSIA 12:14

Hone vhathu vha Efraimi vho mu ṱunga lu ṱungufhadzaho, Muṋe wavho u ḓo vha hwesa mulandu wa u shulula malofha, a mu lifhedzela lunyadzo lwawe.

1 SAMUELE 17:26

Dafita a vhudzisa vhanna vho imaho henefho tsini nae a ri, “Munna ane a vhulaha uyu Mufilista, a ita uri Vhaisraele vha si tsha nyadziwa, u ḓo ṋewani? Mufilista uyu wa shuvhuru ane a nyefula mmbi dza Mudzimu a tshilaho ndi nnyi?”