NEHEMIA 4:2 - BIVHILI KHETHWA Mafhungo Madifha

² A amba na khonani dzawe na mmbi ya Vhasamaria a ri, “Zwijuda hezwi zwi vhona uri zwi khou itani? Vha vhona unga vha ḓo vusa mutsheṱo wavho? Vha vhona unga vha ḓo ṱuwa vha tshi ṋekedza nduvho dza u hangula naa? Vha vhona unga vha nga kona u fhedza mushumo nga ḓuvha ḽithihi? Vha nga vusa zwidina zwi tshile naa? Hufha zwo swa, e matumba?”

NEHEMIA 4:2 Iomraidhean Croise

ESRA 4:4

Zwenezwo tshakha dzo tangaho vhathu vha Juda dza bva dza yo kula nungo dzavho dza ita na u vha shushedza uri vha songo tsha isa phanḓa vha tshi fhaṱa.

NEHEMIA 12:27

Musi mutsheṱo wa muḓi wa Jerusalema u tshi kumedzwa Mudzimu, Vhalivi vha rambiwa vha tshi bva mahayani avho, uri na vhone vha vhe hone vhuṱamboni honoho vha imbe nyimbo dza u livhuha vha lidze mirumba na haripa na mbila.

NEHEMIA 12:43

Musi wonoyo ho ṋekedzwa zwiṱhavhelo zwinzhi, vhathu vhó takala zwihulu nge Mudzimu a vha takadza. Vhasadzi na vhana na vhone vho vha vhe hone afho vhuṱamboni, mukosi we vha u ṱavha wa pfala kule-kule.

NEHEMIA 4:10

Vhathu vha Juda vha vha na luimbo lune vha lu imba lu no ri: “Ri fhela nungo nga u hwala mihwalo; mathukhwi ane ra khura ndi manzhi. Mutsheṱo ri nga u fhaṱa hani?”

NEHEMIA 6:15

Mutsheṱo wo fhela u fhaṱwa nga ḓuvha ḽa 25 ḽa ṅwedzi wa Elulu, hó fhela maḓuvha a 52 u tshi fhaṱwa.

DZIPHISALEMA 83:4

Vha ri, “Kha ri ḽe lushaka lwoṱhe nga pfumo, dzina ḽa Israele ḽi sa tsha ḓo vhidzwa.”

JEREMIA 26:18

“Mika wa Moreshethe o porofita misi ya Hiskia khosi ya Juda. O vhudza vhathu vhoṱhe vha Juda a ri, ‘Muṋe washu Mulangazwoṱhe u ri: “ ‘Tsioni hu ḓo liṅwa unga tsimu, Jerusalema hu ḓo sala hu thulwi ya matumba, muvhundu wa thembele u ḓo mela maṱaka.’

JEREMIA 33:24

“A wo ngo zwi pfa avha vhathu vha tshi ri, ‘Muṋe washu o laṱa mivhuso mivhili ye a i nanga’? U ralo ndi u nyadza vhathu vhanga, a vha tsha vha vhona vhe lushaka.

DANIELE 9:25

“Tsha ndi dovhe ndi ṱalutshedze u zwi pfese: U bva tshifhinga tshine ha ḓivhadzwa ha pfi ni hume ni vuse Jerusalema hu vhuye hu ḓe murangaphanḓa we a nangwa nga Mudzimu, hu ḓo fhela miṅwaha miṱanu na mivhili i tshi vhalwa kaṱanu na kavhili. Jerusalema u ḓo vuswa wa vha na mikoto na mitsheṱo yo khwaṱhaho, wa ima wa fhedza miṅwaha ya 62 i tshi vhalwa kaṱanu na kavhili hone hetsho tshi ḓo vha tshifhinga tsha mufhirifhiri.

HABAKUKU 3:2

Muṋe washu, ndo pfa zwa bvumo ḽau, mishumo yau i a nnyofhisa Muṋe washu. Dovha u ite mishumo yeneyo misi ino yashu, i dzumbulule tshifhinga tshino tshashu. Naho wa sinyuwa u elelwe u khathutshela.

ZAKARIA 12:8

Musi wonoyo Muṋe washu u ḓo tsireledza vhadzulapo vha Jerusalema, ane a shaya nungo khavho u ḓo vha na nungo dzi no nga dza Dafita, vha muṱa wa Dafita vha ḓo nga vharuṅwa vha Mudzimu, vha ḓo nga Muruṅwa wa Muṋe washu o vha rangaho phanḓa.

ZAKARIA 4:10

Ndi nnyi ane a nyadza musi wa mishumo miṱuku? Vhathu vha ḓo pembela vha tshi vhona Zerubabele o fara tombo ḽa tshiuludza. “Mbone hedzi ṱhanu na mbili ndi maṱo a Yahavee, a vhona zwoṱhe zwi re kha ḽifhasi.”

1 VHAKORINTA 1:27

Hone Mudzimu a ita nga khole a nanga zwine shango ḽa vhona vhu vhutsilu uri a shonise vhaṱali ngazwo; a nanga vhane shango ḽa vhona vha si na nungo uri a shonise vha maanḓa;