NEHEMIA 4:14 - BIVHILI KHETHWA Mafhungo Madifha

¹⁴ Nda vhona uri vhathu zwi a vha dina, nda vha vhudza na vharangaphanḓa vhavho na vhakoma nda ri, “Ni songo ofha maswina ashu. Elelwani uri Muṋe wa zwoṱhe ndi mungafhani, na uri u ofhisa hani, ni lwele vhanna vha haṋu na vhana vhaṋu na vhasadzi vhaṋu na mahaya aṋu.”

NEHEMIA 4:14 Iomraidhean Croise

2 SAMUELE 10:12

Khwaṱhani ri lwele vhathu vha hashu na miḓi ya Mudzimu washu ri sa ofhi. Muṋe washu u ḓo ita zwine a vhona zwi zwavhuḓi!”

2 KORONIKA 32:7

“Khwaṱhani ni vhe na nungo. Ni songo ofha tshithu, ni songo kulea nungo nga khosi ya Ashuru na mmbi khulu ine a vha nayo, riṋe ri na maanḓa mahulu a no fhira awe.

NEHEMIA 1:5

“Yawee Muṋe washu Mudzimu wa ḽiṱaḓulu, Mudzimu muhulu a ofhisaho! Iwe u a fulufhedzea, arali wa vhofha mulanga na vhane vha u funa vha ita zwine wa vha laya, a u vhofhololi.

JOBO 37:22

U ḓa a tshi bva devhula, e kha vhugala ha musuku; Mudzimu u ḓa o fuka lupenyo lu ofhisaho.

DZIPHISALEMA 143:5

Ndi elelwa maḓuvha aḽa a kale; ndi elekanya zwoṱhe zwe wa nnyitela, nda humbula zwe zwanḓa zwau zwa shuma.

DZIPHISALEMA 20:7

Vhaṅwe vha zuwa gariki dza nndwa, vhaṅwe vha zuwa dzibere; riṋe tshine ra zuwa ndi dzina ḽa Mudzimu Muṋe washu.

DZIPHISALEMA 27:1

Muṋe washu ndi tshedza tshanga, Mutshidzi wanga ndi Ene, ndi kha ḓi ofha nnyi? Muṋe washu ndi dzhavhelo ḽanga, ndi kha ḓi tshenuwa nnyi?

DZIPHISALEMA 46:11

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 65:5

Iwe Mudzimu Mutshidzi washu, u a fulufhedzea; u pfa thabelo dzashu, wa ita zwi ofhisaho. Ḽifhasi ḽoṱhe nga he ḽa guma, na malwanzhe a kule-kule, zwo fulufhela Iwe.

DZIPHISALEMA 66:3

Vhudzani Mudzimu ni ri, “Mishumo yau i ofhisa hani! Maanḓa au ndi mahulu; maswina au u a khothisa phanḓa hau a luvha.

DZIPHISALEMA 66:5

Iḓani ni vhone zwimangadzo zwe Mudzimu a ita; zwe a itela vhathu ndi zwihulu:

EKISODA 14:14

Muṋe washu u ḓo ni lwela, sokonu dzika.”

EKISODA 14:25

Muṋe washu a ita uri milinga ya gariki dzavho dza nndwa i ṱomowe dza si tsha kona u tshimbila. Vhaegipita vha ṱavha mukosi vha ri, “Nga ri shavhe Vhaisraele, Yahavee u khou lwa na Vhaegipita a tshi lwela vhone!”

MUFUNZI 12:1

U songo hangwa Muvhumbi wau u tshi kha ḓi vha nga hau, hu sa athu swika maḓuvha a zwi konḓaho, musi u tshi vho ḓo ri, “Vhutshilo a vhu tshee na tshi ntakadzaho.”

DANIELE 11:32

Vho shandukelaho mulanga wa Mudzimu u ḓo vha hoya vha mu tikedza, hone vhathu vhane vha ḓivha Mudzimu wavho vha ḓo takuwa vha ima vho khwaṱha vha lwa nae.

ZAKARIA 14:3

Ndi hone Muṋe washu a tshi ḓo bva a yo lwa na idzo tshakha unga a tshi lwa musi wa nndwa.

NUMERI 14:9

Tshaṋu ni songo shandukela Muṋe washu nahone ni songo ofha vhathu vhane vha dzula khaḽo. Ri ḓo vha mila. Muṋe washu u na riṋe, yavho midzimu i nga si vha tsireledze; ni songo vha ofha.”

MATIOSI 10:28

“Ni songo ofha vhane vha ri u vhulaha muvhili vha si tsha kona u vhulaha na muya. Ofhani Mudzimu; ndi Ene ane a kona u lozwa muya wa muthu khathihi na muvhili heleni.

DOTORONOMIO 1:21

Asizwo-ha, Muṋe washu Mudzimu waṋu u khou ni ṋea shango, gonyani-ha ni ḽi dzhie ḽi vhe ḽaṋu, nga he Muṋe washu Mudzimu wa vhomakhulukuku waṋu a ni vhudza; ni songo ofha, ni songo timatima.’

DOTORONOMIO 10:17

Muṋe washu Mudzimu waṋu ndi Ene Mudzimu wa midzimu, ndi Ene Muṋe wa vhaṋe, Mudzimu muhulu, Muhali a ofhisaho; ha ṱaluli, ha ṱanganedzi tshanḓanguvhoni;

VHAHEBERU 13:6

Zwino-ha kha ri rudze mbilu ri ri, “Mudzimu ndi mulamuleli wanga, ndi kha ḓi ofhani? Muthu a nga nnyitani?”

JOSHUA 1:9

Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

VHARANGAPHANḒA 3:27

Musi a tshi swika henefho mivhunduni ya Efraimi, a lidza phalaphala ya u ramba Vhaisraele uri vha bve pfumo, a vha ranga phanḓa vha tsa mivhundu.