NEHEMIA 3:15 - BIVHILI KHETHWA Mafhungo Madifha

¹⁵ Shalumu ṅwana wa Kholohose, muvhusi wa dzingu ḽa Mitsipha, a vusa Khoro ya Tshisima. A fulela muṋango, a kwea dzigethe, a longa khoṋo na tswinga. Dzivhani ḽa Shela a fhaṱa mutsheṱo tsini ha tsimu ya musanda, u vhuya u swika zwiṱepisini zwine zwa tsela fhasi zwi tshi bva Muḓini wa Dafita.

NEHEMIA 3:15 Iomraidhean Croise

2 SAMUELE 5:9

Dafita a pfulutshela dzhavheloni ḽa Tsioni a yo dzula hone a ri hu pfi Muḓi wa Dafita. Dafita a fhaṱa muḓi u mona naho, a thoma kha muṱoḓo wa thambalalo u no pfi Milo a tshi ya ngomu.

2 MAHOSI 25:4

Zwino mutsheṱo wa muḓi wa pwashea wa phorotshedzwa, mmbi yoṱhe ya shavha vhusiku ya bva nga khoro ine ya vha vhukati ha mitsheṱo mivhili tsini ha ngade ya musanda, naho Vhababele vho vha vho govhela muḓi. Vha shavha vho livha govhani ḽa Jorodani.

2 KORONIKA 32:30

Khosi Hiskia ndi ene we a thivha mulonga wa nṱha wa tshisima tsha Gihoni, a livhisa maḓi vhukovhela ha Muḓi wa Dafita. Zwoṱhe zwe a ita zwo mu nakela.

NEHEMIA 12:37

Vha tshi swika Khoroni ya Tshisima vha gonya zwiṱepisi zwi no livha Muḓini wa Dafita zwi tshi fhira pfamo ya Dafita zwa humela mutsheṱoni Khoroni ya Maḓi, thungo ya vhubvaḓuvha ha muḓi.

NEHEMIA 2:14

Zwino vhubvaḓuvha ha muḓi nda livha thungo ya devhula ndi tshi ya Khoroni ya Tshisima na Dzivhani ḽa Khosi. Donngi ye nda vha ndo i namela ya si tsha kona u wana muzwila wa u fhira.

NEHEMIA 2:17

Hone zwino nda vha vhudza nda ri, “Inwi vhaṋe ni a zwi vhona uri ro welwa nga khombo nngafhani; Jerusalema ndi matumba, khoro dzawo dzo swa nga mulilo! Nga ri vuse mitsheṱo ya Jerusalema, ndi hone ri si tsha ḓo nyadziwa.”

NEHEMIA 3:12

ha tevhela Shalumu ṅwana wa Haloheshe, muvhusi wa hafu ya dzingu ḽa Jerusalema. Vhananyana vhawe vha mu farisa kha uyo mushumo.

NEHEMIA 3:14

Malikhiya ṅwana wa Rekhaba, muvhusi wa dzingu ḽa Bethe Hakhereme, a vusa Khoro ya Mupfudze. A kwea dzigethe, a longa khoṋo na tswinga.

NEHEMIA 3:19

ha tevhela Ezere ṅwana wa Jeshua, muvhusi wa Mitsipha, a engedza tshiṅwe tshipiḓa, a vusa tsho vhandekanaho na nnḓu ya zwihali, u swika fhethu hune mutsheṱo wa ita khuḓa,

NEHEMIA 3:7

Melathia a no bva Gibioni na Jadoni a no bva Mironotho, na vhanna vha no bva Gibioni na Mitsipha vha vusa tshipiḓa tsho vhandekanaho na itsho, u swika hune muvhusi wa Vhukovhela-ha-Yufuratha a dzula hone,

NEHEMIA 3:9

ha tevhela Refaya ṅwana wa Huru, muvhusi wa hafu ya dzingu ḽa Jerusalema.

MUFUNZI 2:6

nda ita mihuvhi ya u i sheledza, ha tou takuwa miri i si na vhukono.

YESAYA 8:6

a ri, “Zwino avha vhathu vho lamba maḓi o dzikaho a no bva kudamboni kwa Silomu, vha takalela khosi Retsini na ṅwana wa Remalia,

JEREMIA 40:6

Huno Jeremia a ya ha Gedalia ṅwana wa Ahikamu e Mitsipha a dzula nae na vhathu vhe vha siwa henefho shangoni.

LUKASI 13:4

Ni ri mini nga vhaḽa vha 18 vha Silomu vhe vha zhakiwa nga mutsheṱo wa vha vhulaha? Ni vhona unga ndi vhone vhe vha khakhela Mudzimu u fhira vhaṅwe vha dzulaho Jerusalema naa?

JOHANISI 9:7

a konou mu vhudza a ri, “Tshimbilani ni yo ṱamba khofheni ishani ḽa Silomu.” (Silomu ndi uri “Muḓinḓa”.) Ndi hone uyo munna a tshi ṱuwa a yo ṱamba khofheni, a vhuya a tshi vho vhona.

VHARANGAPHANḒA 20:1

Zwenezwo Vhaisraele vhoṱhe, u bva Dani thungo ya devhula u swika Bierisheba thungo ya tshipembe, na u bva shangoni ḽa Giliadi thungo ya vhubvaḓuvha, vha bva unga munna muthihi vha kuvhangana phanḓa ha Muṋe washu Mitsipha.

VHARANGAPHANḒA 20:3

Vhathu vha Benyamini vha zwi pfa uri Vhaisraele vhaṅwe vhoṱhe vho kuvhangana Mitsipha. Vhaisraele vha vhudzisa vha ri, “Ri vhudzeni uri izwi zwithu zwi ofhisaho zwo itea hani?”