NEHEMIA 2:6 - BIVHILI KHETHWA Mafhungo Madifha

⁶ Zwino khosi, na mufumakadzi we a vha e hone-vho, vha tenda zwe nda humbela. A mmbudzisa uri lwendo lu ḓo fhedza tshifhinga tshingafhani na uri ndi ḓo vhuya lini, nṋe nda mu vhudza a tenda.

NEHEMIA 2:6 Iomraidhean Croise

NEHEMIA 1:11

Zwino Muṋe wa zwoṱhe, thetshelesa thabelo yanga na thabelo dza vhaḓinḓa vhau vhoṱhe vhane vha takalela u u hulisa. Ita uri zwi nnakele ṋamusi, u ite uri khosi hei i ntakalele.” Ndi uri misi iyo ndo vha ndi ndumi i ṋekedzaho khosi tshinwelo tsha waini.

NEHEMIA 13:6

O mu tendela nṋe ndi siho Jerusalema, ngauri nga ṅwaha wa 32 Arithakhesese e khosi ya Babele ndo vha ndo humela khae. Ngavhuya nda wana thendelo yawe,

NEHEMIA 2:4

Khosi ya vhudzisa ya ri, “Tshine na tshi ṱoḓa ndi tshini?” Nṋe nda rabela Mudzimu wa ṱaḓulu,

NEHEMIA 2:5

nda konou fhindula khosi nda ri, “Arali thovhele a tshi ntakalela, arali a tshi funa u nṋea zwine nda humbela, kha ndi rumiwe ndi ye shangoni ḽa Juda, muḓini he ha swiṱwa vhomakhulukuku wanga, uri ndi u vuse.”

NEHEMIA 5:14

Miṅwaha yoṱhe ya 12 ndi tshi khou vhusa shangoni ḽa Juda, u bva nga ṅwaha wa 20 wa Arithakhesese u swika ṅwaha wawe wa 32, nṋe na vhakoma vhanga a ro ngo vhuya ra ḽa zwiḽiwa zwe zwa vha zwi tshi pfi ndi zwanga zwa muvhusi.

YESAYA 58:12

Vhaṅwe vhaṋu vha ḓo vusa matumba a kale, vha dovha vha fhaṱa nṱha ha muteo wa kale-kale; ni ḓo pfi vhavusi vha mitsheṱo, na khura mikoto uri hu dzulee.”

YESAYA 61:4

Vha ḓo vusa matumba a kale, vha imisa miḓi yo thuthiwaho kale-kale; vha ḓo fhaṱa miḓi yo phusukanywaho ye ya vha i marubi miṅwaha na miṅwaha.

YESAYA 65:24

Vha sa athu na u ṱavha mukosi ndi ḓo vha ndo no fhindula; vha tshi kha ḓi amba ndi ḓo vha ndo no zwi pfa.

DANIELE 9:25

“Tsha ndi dovhe ndi ṱalutshedze u zwi pfese: U bva tshifhinga tshine ha ḓivhadzwa ha pfi ni hume ni vuse Jerusalema hu vhuye hu ḓe murangaphanḓa we a nangwa nga Mudzimu, hu ḓo fhela miṅwaha miṱanu na mivhili i tshi vhalwa kaṱanu na kavhili. Jerusalema u ḓo vuswa wa vha na mikoto na mitsheṱo yo khwaṱhaho, wa ima wa fhedza miṅwaha ya 62 i tshi vhalwa kaṱanu na kavhili hone hetsho tshi ḓo vha tshifhinga tsha mufhirifhiri.