NEHEMIA 2:3 - BIVHILI KHETHWA Mafhungo Madifha

³ nda fhindula nda ri, “Ngavhe thovhele a tshi lalama! Ndi nga kundwa u ṱungufhala hani, hufha muḓi we vhomakhulukuku wanga vha swiṱwa hone e matumba na khoro dzo fhiswa nga mulilo?”

NEHEMIA 2:3 Iomraidhean Croise

1 MAHOSI 1:31

Ndi hone Batshiba a tshi wa nga tshifhaṱuwo, a losha khosi a ri, “Ngavhe thovhele muṋe wanga vha tshi tshila lini na lini!”

2 MAHOSI 25:8

Nga ḓuvha ḽa vhuṱanu na vhuvhili ḽa ṅwedzi wa vhuṱanu wa ṅwaha wa 19 wa muvhuso wa Nebukhadnetsara khosi ya Babele, Nebusaradani mulangammbi wa musanda, mukoma wa khosi a dzhena Jerusalema,

2 KORONIKA 21:20

Jehoramu o vha khosi e na miṅwaha ya 32, a vhusa e Jerusalema a fhedza miṅwaha miṱanu na miraru. Jehoramu a dzama, ha si vhe na we a vhuya a pfa vhuṱungu, a swiṱwa Muḓini wa Dafita, hone a si swiṱwe zwaloni zwa mahosi.

2 KORONIKA 28:27

Khosi Ahasi a dzama, a swiṱwa muḓini wa Jerusalema, hone a si vhewe zwaloni zwa mahosi a Israele. Ṅwana wawe Hiskia a vha khosi vhudzuloni hawe.

2 KORONIKA 32:33

Hiskia a dzama, a swiṱwa tshivhangani, hu re na zwalo zwa nnḓu ya Dafita. Vhathu vhoṱhe vha Juda na Jerusalema vha mu hulisa musi a tshi dzama. Ṅwana wawe Manase a vha khosi vhudzuloni hawe.

2 KORONIKA 36:19

Vha fhisa thembele ya Mudzimu, vha pwashekanya mutsheṱo wa Jerusalema, vha fhisa pfamo dzoṱhe, vha phusukanya tshiṅwe na tshiṅwe tsha mutengo muhulu henefho.

NEHEMIA 1:3

Vhone vha fhindula uri vho vhuyaho vhuthubwani vha khomboni khulu, na uri vhatsinda vho dzulaho tsini navho vha a vha nyadza. Vha dovha vha mmbudza uri mitsheṱo ya Jerusalema i tshee yo thuthwa, na khoro dzawo dzo fhiswa nga mulilo.

NEHEMIA 2:13

Ro vuwa hu tshee vhusiku ra bva afho muḓini nga Khoro ya Govha thungo ya vhukovhela, nda livha thungo ya tshipembe, nda fhira Tshisima tsha Phunguhwe nda livha Khoroni ya Vhutoko. Nda enda ndi tshi tandula mitsheṱo ya Jerusalema yo thuthwaho na khoro dzo fhiswaho.

ESTERE 8:6

Nṋe ndi nga zwi konḓelela hani arali khombo iyo i tshi wela vha hashu, mashaka anga a vhulawa?”

DZIPHISALEMA 102:14

Riṋe vhalanda vhau ri kha ḓi funa matombo awo, ri tshi vhona matumba awo ri a ṱungufhala.

DZIPHISALEMA 102:15

Tshakha dzi ḓo ofha dzina ḽau, Muṋe washu, mahosi oṱhe a ḽifhasi a ḓo tata vhugala hau,

DZIPHISALEMA 137:6

Nda sa u elelwa, nda sa ri Jerusalema ndi ḽone dakalo fulu ḽanga, izwo lulimi lwanga nga lu nambatele marinini!

DZIPHISALEMA 38:7

Khundu dzanga dzi tou duga nga dali, muvhili wo tou phapha mbonzhe.

JEREMIA 52:12

Nga ḓuvha ḽa fumi ḽa ṅwedzi wa vhuṱanu, nga ṅwaha wa 19 wa muvhuso wa Nebukhadnetsara khosi ya Babele, Nebusaradani mulangammbi, muḓinḓa wa khosi ya Babele, a dzhena Jerusalema,

ZWILILO 2:9

Khoro dzawe dzo wa, dzo no tou fukedzwa nga mavu; tswinga dzadzo o dzi vunḓekanya a dzi posa kule. Khosi yawe na vhavhusi vhawe vho thubwa nga dzitshakha, a hu tsha funzwa mulayo, vhaporofita vhawe a vha tsha wana mabono a bvaho kha Muṋe washu.

DANIELE 2:4

Vha vhuṱali vha fhindula khosi vha ri, “Ngavhe thovhela a tshi lalama! Nga vha ri vhudze uyo muloro, ri konou vha ṱalutshedza zwine wa amba.”

DANIELE 3:9

Vha vhudza khosi Nebukhadnetsara vha ri, “Thovhele nga vha lalame lini na lini!

DANIELE 5:10

Ndi hone mufumakadzi mme a khosi, nga u pfa mukosi wa khosi na magota awe, a tshi ḓa nḓuni ya vhuṱambo. Mufumakadzi a ri, “Thovhele nga a lalame! Vha songo dinalea, vha songo tswukuluwa nga u ralo.

DANIELE 6:21

Daniele a fhindula a ri, “Thovhele nga a lalame!

DANIELE 6:6

Ndi hone vhaingameli na magota vha tshi ya ha khosi vhe tshigwada vha swika vha ri, “Thovhele Vho-Dariosi nga vha lalame!

LIVITIKO 26:31

nda phusukanya miḓi yaṋu ya sala i matumba, nda phusukanya pfamo dzaṋu hune na luvha hone, nda landula nduvho dzaṋu.