NEHEMIA 2:20 - BIVHILI KHETHWA Mafhungo Madifha

²⁰ Nṋe nda fhindula nda ri, “Mudzimu wa ḽiṱaḓulu u ḓo ita uri zwi ri nakele. Riṋe ri vhaḓinḓa vhawe, ri ḓo thoma u fhaṱa. Huno inwi a ni na tshaṋu fhano Jerusalema, a ni na pfanelo na nthihi, tshi tsheetsho a wo ngo vhuya wa vha muḓi waṋu.”

NEHEMIA 2:20 Iomraidhean Croise

2 KORONIKA 26:5

O shumela Mudzimu misi Zakaria a tshi kha ḓi tshila, ndi ene we a vha a tshi mu laya uri a ofhe Mudzimu. Musi a tshi shumela Muṋe washu, Mudzimu o vha a tshi ita uri zwi mu nakele.

ESRA 4:3

Ndi hone Zerubabele na Joshua na vhaṋe vha miṱa ya Israele vhoṱhe vha tshi fhindula vha ri, “A ri funi inwi ni tshi ri farisa u fhaṱela Mudzimu washu thembele. Riṋe ri roṱhe ri ḓo i fhaṱela Muṋe washu Mudzimu wa Israele, ri tshi tevhedza ndaela ya Khoreshe khosi ya Pheresia.”

NEHEMIA 1:4

Nṋe nda ri u pfa izwo zwithu nda dzula fhasi nda lila. Nda fhedza maḓuvha ndo ṱungufhala ndi sa ḽi tshithu. Nda rabela phanḓa ha Mudzimu wa ṱaḓulu nda ri,

NEHEMIA 2:4

Khosi ya vhudzisa ya ri, “Tshine na tshi ṱoḓa ndi tshini?” Nṋe nda rabela Mudzimu wa ṱaḓulu,

ESTERE 4:11

“Arali muthu wa munna kana wa musadzi a dzhena muṱani wa nga ngomu a yo amba na khosi á songo vhidzwa, onoyo muthu o fanela u vhulawa. Hoyo ndi mulayo, vhathu vhoṱhe u bva kha vhaeletshedzi vha khosi u swika kha vhathu vha re madzinguni, vha a zwi ḓivha. Hu na nḓila nthihi fhedzi ya u suvha uyo mulayo: Arali khosi a ṋekedza muthu luḓo lwawe lwa musuku, ha vhulawi. Huno ho no ḓi fhela ṅwedzi vhothovhele vha sa mmbidzi.”

DZIPHISALEMA 102:17

Ha nga nyadzi khumbelo dza vho ṱangulwaho, u ḓo pfa thabelo dzavho.

DZIPHISALEMA 122:6

Rabelani uri Jerusalema hu vhe na mulalo, ni ri, “Ngavhe vhane vha u funa zwi tshi vha nakela.”

DZIPHISALEMA 20:5

ra ḓo konou pembela ri tshi vhona wo kunda, ra imisa zwiala ri tshi renda dzina ḽa Mudzimu washu. Ngavhe Muṋe washu a tshi u fha zwoṱhe zwe wa humbela!

DZIPHISALEMA 35:27

Avho vhane vha ntsengela nga vha takale vha fhululedze vha ri, “Muṋe washu ndi muhulwane! Ene u takalela zwi tshi nakela mulanda wawe!”

DZIPHISALEMA 51:18

Tonda Tsioni u u itele vhuthu, dovha u vuse mitsheṱo ya Jerusalema;

EKISODA 28:29

Itsho tshipilakhana tsha u haṱula tshi ḓo ita uri musi Aroni a tshi dzhena Hukhethwa, a vhe o kungela madzina a matsinde a Israele khanani yawe uri Nṋe Yahavee ndi dzule ndi tshi elelwa vhathu vhanga.

MUFUNZI 7:18

Ndi zwavhuḓi u tshi fara tshino, na tshiḽa u si tshi litshe. Muthu a no ofha Mudzimu u ḓo tinya u kalula hoṱhe.

YESAYA 56:5

ndi hone dzina ḽau ḽi tshi ḓo ṅwaliwa kha tombo ḽa tshihumbudzo thembeleni yanga, zwa fhira na musi wo vha u na vhana vha vhatuka na vhasidzana; dzina ḽau a ḽi nga hangwiwi, lutsinga lwau a lu nga tumuwi.”

LIVITIKO 2:2

a i ḓise ha vhotshifhe vhana vha Aroni. Tshifhe u ḓo ṱusa vhukhopfu uho vhutete na mapfura nga tshanḓa, khathihi na zwioro zwoṱhe, a zwi fhisa nṱha ha aḽiṱari zwa vha tshiga tsha uri zwoṱhe zwo ṋekedzwa Yahavee. Iyo nduvho ya zwiḽiwa i nukhelelaho u ḓifha i takadza Yahavee.

LIVITIKO 24:7

Ni vhee zwioro zwi songo vangiwaho kha muduba muṅwe na muṅwe, tsha vha tshiga tsha nduvho ya zwiḽiwa i ṋekedzwaho Muṋe washu yo imelaho vhurotho.

ZAKARIA 6:14

Iyo khare i ḓo vhewa thembeleni yanga ya vha tshihumbudzo tsha Heledai na Tobia na Jedaya na tsha vhuthu ha ṅwana wa Tsefania.

NUMERI 10:10

Na misi ya madakalo – nga vhuṱambo ha Ṅwedzi Muswa na vhuṅwe-vho vhuṱambo haṋu no fanela u lidza idzo phalaphala musi ni tshi ṋekedza nduvho dzaṋu dzi fhiswaho na dza u konana na Nṋe. Nṋe Mudzimu waṋu ndi ḓo ni humbula ngazwo. Ndi Nṋe Yahavee Mudzimu waṋu.”

MISHUMO 10:31

a ri, ‘Khorneliasi, Mudzimu o pfa thabelo yau, na u vhavhalela hau vhashai o hu vhona.

MISHUMO 10:4

Ene a mu lavhelesa o tshenuwa a ri, “Ndi mini muṋe wanga?” Muruṅwa a ri, “Thabelo dzau na mishumo yau ya u vhavhalela vhashai Mudzimu o zwi vhona, a zwi ṱanganedza sa nduvho.

MISHUMO 8:21

Inwi mushumo hoyu a wo ngo vhuya wa ni fanela, ngauri Mudzimu u vhona mbilu yaṋu i si na ngoho.