NEHEMIA 2:17 - BIVHILI KHETHWA Mafhungo Madifha

¹⁷ Hone zwino nda vha vhudza nda ri, “Inwi vhaṋe ni a zwi vhona uri ro welwa nga khombo nngafhani; Jerusalema ndi matumba, khoro dzawo dzo swa nga mulilo! Nga ri vuse mitsheṱo ya Jerusalema, ndi hone ri si tsha ḓo nyadziwa.”

NEHEMIA 2:17 Iomraidhean Croise

ESRA 9:9

Naho ri dziphuli, Mudzimu washu ho ngo ri ṱutshela vhupulini hashu. O ita uri mahosi a Pheresia a ri tonde. O ri ṋea vhutshilo vhuswa uri ri vuse nnḓu ya Mudzimu washu, ri vuse matumba, a ri vhiela na luhura lwa u ri tsireledza rí Juda na Jerusalema.

NEHEMIA 1:3

Vhone vha fhindula uri vho vhuyaho vhuthubwani vha khomboni khulu, na uri vhatsinda vho dzulaho tsini navho vha a vha nyadza. Vha dovha vha mmbudza uri mitsheṱo ya Jerusalema i tshee yo thuthwa, na khoro dzawo dzo fhiswa nga mulilo.

NEHEMIA 2:13

Ro vuwa hu tshee vhusiku ra bva afho muḓini nga Khoro ya Govha thungo ya vhukovhela, nda livha thungo ya tshipembe, nda fhira Tshisima tsha Phunguhwe nda livha Khoroni ya Vhutoko. Nda enda ndi tshi tandula mitsheṱo ya Jerusalema yo thuthwaho na khoro dzo fhiswaho.

NEHEMIA 2:16

A hu na na muthihi wa vhahulwane we a ḓivha he nda vha ndo ya hone kana zwe nda vha ndi tshi khou ita. Ndo vha ndi sa athu zwi vhudza na muthihi wa Majuda vha hashu – vhotshifhe kana vharangaphanḓa kana vhahulwane, kana muṅwe-vho we a vha a tshi ḓo farisa u shuma uyo mushumo.

NEHEMIA 3:15

Shalumu ṅwana wa Kholohose, muvhusi wa dzingu ḽa Mitsipha, a vusa Khoro ya Tshisima. A fulela muṋango, a kwea dzigethe, a longa khoṋo na tswinga. Dzivhani ḽa Shela a fhaṱa mutsheṱo tsini ha tsimu ya musanda, u vhuya u swika zwiṱepisini zwine zwa tsela fhasi zwi tshi bva Muḓini wa Dafita.

DZIPHISALEMA 102:15

Tshakha dzi ḓo ofha dzina ḽau, Muṋe washu, mahosi oṱhe a ḽifhasi a ḓo tata vhugala hau,

DZIPHISALEMA 44:13

Vhahura vhashu vha ri holedza, vha ri sea vha tshi vhona zwe wa ri ita.

DZIPHISALEMA 44:14

Wo ri nyadzisa nga dzitshakha ra vho tou vha ṱano.

DZIPHISALEMA 79:12

Muṋe wa zwoṱhe, maṱamba e vhahura vhashu vha a posa ha Iwe, vha lifhedze kaṱanu na kavhili.

DZIPHISALEMA 79:4

Vhahura vhashu vha a ri holedza, vhe ra ṋekana navho masakha vha a ri sea vha ri goḓa.

JEREMIA 24:9

Ndi ḓo vha ḓisela khombo lune tshakha dzoṱhe dza mashango dza ḓo ofha. Hoṱhe hune nda ḓo vha balanganya vha ḓo kolelwa nga vhathu, vha ita miswaswo ngavho, vha vha nyadza; vha tshi teketela muthu vha ḓo ri ngavhe a tshi welwa nga khombo yeneyo ye ya wela vhathu vha Juda.

ZWILILO 2:2

Muṋe wa zwoṱhe o mila vhudzulo ha Jakopo hoṱhe a sa khathutsheli; o phusula vhushavhelo ha ṅwananyana wawe Juda ó sinyuwa. O wisa muvhuso na vhavhusi vhawo a vha shonisa.

ZWILILO 3:51

Mbilu yanga i a vhavha ndi tshi vhona zwi itwaho vhasadzi vhoṱhe vha muḓi wa hashu.

ESEKIELE 5:14

Ndi ḓo vha phusukanya ha sala matumba, vha nyadzwa nga tshakha dzo vha tangaho, vhoṱhe vhafhiri vha gondo vha tshi zwi vhona.

MIKA 7:11

Ḓuvha ḽa u fhaṱa mitsheṱo ḽi ḓo swika. Ndi ḓuvha ḽa u lovha, na mulayo a u tsha ḓo vha hone.

1 SAMUELE 11:2

Huno Nahashi wa Muamoni a fhindula a ri, “Ndi ḓo vhofha mulanga na inwi arali ndo nongola ḽiṱo ḽa tshauḽa ḽa muṅwe na muṅwe waṋu uri ndi shonise Vhaisraele vhoṱhe.”